عبير السعوديه
06-12-2022 - 06:16 pm
مرحبا اخواني
السلام عليكم ورحمة الله وبركاته
حابه استفسر منكم
ان شالله انا وزوجي ناوين نسافر لدوله اوربيه او ايسويه وسبق سافرنا لاندنيسيا وماليزيا
وعجبتني كثير ماليزيا ناسبتني كثير
لان اندمجت فيها الطبيعيه والاماكن الترفيهيه
ابي منكم تقوللولي من هالدول فيها اماكن ترفيهيه بكثره مثل ملاهي مائيه وملاهي عاديه وحدايق زهور و..........الخ
بصراحه فكرت وكان نفسي لتركيا كثير بس على حسب اطلاعي وسفرات لصحباتي اتضح اغلبها اماكن تاريخيه وتراثيه وطبيعه
انا حابه تكون الدوله الي اسافرلها جو واماكن ترفهيهيه وطبيعه اما الاماكن التاريخيه ماتهمني
بس محتارين لوين
تركيا
ايطاليا
المانيا
اسبانيا
وبس لاني اعتقد هذولي ارخص دول اوربيه
اوسنغافوره
او ادا في غيرها ممكن تقولولي
هلا اختي وحياك بيينا ..
واكيد توفقتي بتسجيلك بااحد افضل المواقع السياحية .. ان لم يكن افضلها >> المسافرون العرب
ندخل لموضوعك
لاحضت انك متشتته فذكرتي المانيا ، ايطاليا ، اسبانيا ، تركيا .. وبعدين ذكرتي سانغفورا ...
فحاولي تطلعي على بوابات الدول اللي ذكرتيها .. وتشوفي اللي يناسبك
من رائي المانيا وافضل لو اضفتي لها النمسا ..
بخصوص الملاهي .. المانيا بها اكبر مدينة الالعاب بالعالم .. يورب بارك
وهذا رابط راح يفيدك .. http://www.aboaziz.net/blog/?p=691
هذا اللي قدرت عليه ..
هولمز