حياك الله ( عبادي )
عندكم ( 12 يوم ) أرشح لكم هذا البرنامج :
يومين جنتنغ ... فندق الفيرست وورلد
يومين لنكاوي ... فندق الموتيارا
يومين بينانغ ... فندق الفلامنجو
يومين الكاميرون ... فندق الدي لافرانس
أربعة أيام كوالا ... فنندق الدورسيت ريجنسي

• صحيح التنقلات كثيرة ... لكن هذا البرنامج الأنسب للشباب ...
• التنقل بين مناطق ماايزيا ( متعة كبيرة ) ... وماتشعر بالتعب أبدآ

عز الله إنك وآآآآآفي ..
البرنآمج طيب من شخص طيب ..
بس ي الغالي سلآنجور مآلهآ نصيب بالبرنآمج .. وانا خآطري اسكن ب الصنوآي لقون ~>وبالنسبة للتنقل .. أفضل وسيلة ي الغالي ..
وسلآمة قلبك ,..

ولايهمك ياغلاهم ... أنت تأمر طال عمرك
طيب وش رأيك في الجدول هذا
يومين سلانجور ...
يومين لنكاوي ...
يومين بينانغ ...
يومين جنتنغ ...
أربعة أيام كوالا ...
طريقة التنقلات بين المدن :

• من سلانجور إلى لنكاوي ... طيران air asia والمسافة ( 50 دقيقة )
• من لنكاوي إلى بينانغ ... الطيران ( 40 دقيقة ) ... أو العبارة البحرية ( ثلاث ساعات )
• من بينانغ إلى جنتنغ ... الباص بسعر ( 35 رنقت ) والمسافة أربع ساعات

https://artravelers.com/p/re/603148

• من جنتنغ إلى كوالا ... تاكسي ( 100 رنقت ) والمسافة 50 دقيقة

>؛<
خشمك يآالغالي
/
شكلي بعتمد هجري البرنآمج ..
ي الوآفي ,, إذا تعرف شركة سياحة وسفر ممتآزة دلني الله لآيهينك ..
وإيش الأفضل مع الحجز أني أحجز السائق من وإلى المطآر فقط ..
وإلا أحجز الفنادق والموآصلات عن طريق شركة السياحة .. وأدبر عمري بالموآصلات ..
أدري غثيتك على الصبح .. بس تحملني ..
^_^

ab3di
سم ... طال عمرك ... وأنت بعد .. هات خشمك ... تستاهل بوسة والله
بصراحة ياغالي البرنامج الأخير هو الأنسب لك لعدة أمور :
1) تعدد المناطق المميز جدآ
2) سهولة التنقل بين هذه المناطق
3) تنوع البرنامج مابين ( مدينة ونهر ... وجزيرة ومرتفعات وبحر ... ياعيني على النثر
)
وبخصوص المواصلات : التكاسي في ماليزيا ( كثيرة جدآ ) ومتوفرة في كل مكان ... أتفق معهم هناك أفضل ...
وصدقني ياغالي .. الحجز من ( النت ) سهل وبسيط ومايحتاج إلا ( بطاقة فيزا ) ... وأنا معك خطوة بخطوة ...
وإذا ( مصمم ) على مكتب سياحي ... قارن بين أكثر من مكتب ... وأحجز الأرخص ..

وآفي .. ركز معي شويتين .. لأني بجيب العيد ..
> تصور مبدئي طبعاً
1- سلآنجور -يومين- (صن وآي لقون)
2- يومين في بيآنج > رشح لي فندق ي الوآفي .. أو أكثر
3- يومين في لنكآوي > برضوآ رشح لي فندق .. أو أكثر
4- أربعة ايام في كوآلا لمبور > برضوآ رشح لي فندق في كوآلا أو أكثر ..
(اليوم الأول أروح جنتنغ وأرجع بنفس اليوم + يومين في كوآلا تسوق وتمشيات + اليوم الأخير يوم المغادرة للوطن)
وسلآمة قلبك ي الغالي

عز الله ( جبت العيد ) ... وين جنتنغ
أنت تقول برنامج ( 12 يوم ) ... وتقسيمك ( 10 أيام )
على العموم أرشح لك هذه الفنادق :
سلانجور ... الصن واي لاقون
لنكاوي ... الموتيارا أو البلانجي بيتش
بينانغ ... الهوليدي إن أو البارك رويال أو الباي فيو بيتش
كوالا ... رويال شولان أو الدورسيت ريجنسي

• أسعار الفنادق ( متفاوتة ) في كل مدينة ... أختر السعر اللي يناسبك

ايه .. والله أني من كتبت ردي وانا عارف ان العيد حولي مو بعيد
انا قلت البرنآمج بين 10 و 12 يوم
وبيني وبينك .. رحلة أولى بخليها مع صاحبي عشره ايام
وعشرة أيام كثيرة وأنا مقابل خشته ههه حتى هو بيمل من خشتي
وبرضوآ علشان لمآ آخذ المدآم بالصيف .. أسوي فيهآ دليل وعلوم .. وهيآط >> خآبر انت حركآت المتزوجين
/
طيب وش رآيك بفندق الهارد روك ببيآنج .. أحسه أكوس شئ ههه
أحس اني ظلمت جنتنغ لما سحبت عليهآ .. > يآخي انت حسستني بالذنب
طيب بخليها 12 يوم ..
بس أول يومين ب سلنجور ..
وآخر أربعة ايام ب كوآلا لمبور ...
أنت نسق الباقي من المدن والآيام ..
وكل مدينة كم تستحق أننا نقعد فيهآ ..
بجرب أحجز الفنآدق عن طريق النت ..
وزي مآيقولون .. شورك وهدآية الله ي الغالي ..

ab3di
تسلم مشاعرك ( فديتها ) ... شميت وردتك ( ورديتها )
وبخصوص ( جنتنغ ) مالك حق ( تسحب عليها ) ... هي أجمل منطقة بصراحة ...
وكما ذكرت لك سابقآ ... أنصحك تجعل الرحلة ( 12 يوم ) وبهذا الترتيب ...
يومين سلانجور ... فندق الصن وا لاقون
يومين لنكاوي ... فندق الموتيارا
يومين بينانغ ... فندق الباي فيو بتش
يومين جنتنغ ... فندق الفيرست وورلد
أربعة أيام كوالا ... فندق الدورسيت ريجنسي