السلام عليكم ورحمة الله وبركاته
كنت طالع بالمترو رقم (2) وأحذر منه لأنه مزدحم جداً ويعتبر أخطر مترو على حسب الكلام اللي سمعته من الأخوان العرب أصحاب المحلات في الهضبة.
ركبت المترو بعد ما أنتظرت 4 قطارات ما كنت أقدر أركبها بسبب الزحمه.
جيت أبنزل في محطة الهضبة
anvers
ماقدرت أنزل من الزحمة في البوابة مع أني كنت قريب من البوابة
نزلت في المحطة اللي بعدها
barbes rochechouart
عشان أرجع لمحطة الهضبة
أنتظرت 3 قطارات وبرضوا كانت مليانة توكلت على الله وقلت انا راكب بالقطار الرابع حتى لو زحمة
والمفاجأة هو محاولة سرقتي من فتاتين لكن الله حمانا بقرأة الأذكار الصباحية
قبل ركوب القطار وبعد فتح الباب أشرت لي فتاة بالدخول تقول لي أتفضل ركبت مع عائلتي وجلست تكلمني وخويتها لاحظت انها مع الزحام ورا زوجتي قلت لزوجتي وين شنطتك سحبت شنطتها لقت جزء من شنطتها مفتوح وربكم ستر ما أمداها تسرق البوك صار وجهها أحمر وقالت مو أنا اللي فتحتها .
وربي ساعتها بغيت أصكها كف بس خفت من انظمتهم
=======================================
نزلت إلى محطة الهضبة وأنا مذهول من خفة يدهم وبعد السؤال أكدو لي الأخوان العرب أن هالمنطقه أكثرها غجر ورومان عصابات متخصصين في سرقة السواح
====================================
أول ما قابلت الهضبة قابلونا هالزنوج مع الخيوط في يدهم بس تحاشيتهم طلعت للهضبة بالكار كيبل وشفت بنقاليه يبيعون الخمر ومناظر صراحة خادشة للحياة خصوصا معي أطفال
المطل حلو بس الناس الموجودة والوضع هناك ما أرتحت له أبد
========================
1- نصيحة بالنسبة للمترو لاتركبون في بوابة المترو لأنه أسهل للنشل