فعلاً أخي الهلالى ما ذكرته صحيح للأسف وسبق ان نوقش في المنتدى تحت هذا الرابط
https://artravelers.com

الله يستر والله مشكلة البطاقات الائتمانية مشكلة

ابو عمر يعطيك العافية
على موضوعك لاني لم ادخل المنتدى من فترة طويلة وذلك بسبب السفر المتكرر
وأضيف لكلام الاخوة انه تم ايقاف بطاقاتي الائتمانية من قبل البنك الفرنسي والاهلي والرياض
والسبب ماليزيا وقد تم سحب مبالغ ماليه من بطاقتين بصراحه لم أتعرض لاي مشاكل بالدرجه هذي الا في ماليزيا اتمنى ان تتخذ الحكومه هناك قرارات صارمه والا مستقبل السياحه قد يكون في خطر وخصوصا رجال الاعمال
ومثل ماقال الاخ المغادر الله يستر

1. السلام عليكم ورحمة الله وبركاته …

السلام عليكم ورحمة الله وبركاته …

والله من خبرتي في ماليزيا وعايش فيها 3 سنوات أقلكم وبكل صراحة ماليزيا كلها سرق في سرق والله لأنه مو بس يسرقوا عليك البطاقة الإتمانية ممكن يسرقوا عليك أي شيء … كم من شباب أصحابي أعرفهم شخصياً اللي إنضرب واللي وقفوه عصابات و سرقوا كل اللي معاه و هذا الشيء منتشر في ماليزيا … والشرطة ولا تسوي أي شيء وصراحة أبيخ شرطة و أعفن شرطة موجودة في ماليزيا … ترشيهم ب 20 رنجت يمشوا ويتساهلوا مع أهل البلاد يعني واحد من أصحابي دخل المسجد يصلي صلاة التراويح و كان معاه شنطة حقه فيها جواله و 500 رنجت بعد الصلاة سرقوا عليه الفلوس والجوال في اليوم الثاني عرف السرق ومسكهم وداهم الشرطة و الشرطة ما سولت له أي شيء و بعد صاحبي خرج من قسم الشرطة ، الشرطة فكوا للعصابة ولاقينا العصابة ثاني يوم في الشارع والولد صاحبنا مالاقا تلفونة ولا ال 500 رنجت … وكمان النشالين حدث ولا حرج أنا شخصياً مسكت نشال كان يبغا يسرق المحفظة حقي داخل القطار يعني مسكته ويده داخل الجيب حقي الحمد الله إني لحقت نفسي في أخر ثانية … بس السارق هرب عليه للأسف …
وكمان أصحاب التكاسي حدث ولا حرج أكبر نصابين وأكبر عصابات ,,, الواحد منهم ما يصدق يشوف عربي يقوم يحط له سعر في السماء ولكن العرب يقارنوا السعر بالعالم العربي ويقولوا رخيص و يطلعوا لكن الصحيح إنه ما تطلع مع أي شخص بدون عداد في كولالمبور .. لكن كمان بعضهم يطولوا المشوار عشان يزود بالعداد وبعضهم يكون لاعب بالعداد …الله يستر والله
المهم أطلب من كل المسافرين إلى ماليزيا الحذر في ماليزيا لأنها والله بلد غير أمنة … والله يحفظ الجميع ..
والسلام عليكم ورحمة الله وبركاته …

ماليزيا فعلا من الدول التي تكثر فيها سرقة البطاقة الإئتمانية خصوصا الصينيين و الهنود هم أكثر من يسرق وقد حدثت عدة مرات لسياح خليجيين
وهناك أيضا كثرة من اللصوص فيها خصوصا ما حدث للسياح في أحد الفنادق الخمس النجوم حين سرق العمال جميع السياح الخليجيين الذين فيه
ولكن الأوضاع تبدلت هذه السنة فالأمن شدد قبضه الحديدية ولا توجد رشاوي خصوصا بعد كثرة الشكاوى
أما كلام الاخ Amr-abriمع إحترامي الشديد له ربما اختلطت الأمور عليه بين ماليزيا وأندونيسيا وليست البلد بهذا السوء
قصة المسجد ربما حادث عرضي له هو فقط ولا أعتقد الشرطة الماليزية بهذا السوء

ماليزيا الوجهة الأفضل للسياحة

السلام عليكم ورحمة الله وبركاته ..
الأخ هولاكوا مع إحترامي الشديد ...والله هذا الكلام من تجربة شخصية في من عيشي في ماليزيا 3 سنوات وليس في أندونيسيا و حادثة المسجد حدثت في رمضان اللي فات يعني قبل شهر تقريباً ... و أنا بعيني شفت ناس ترشي الشرطة في السنة هذه ... وأنا ما أشوه سمعت ماليزيا في السياحة لأنها بلد حلوة للسياحة لكن أطلب من الكل الحذر ....
والسلام عليكم ورحمة الله وبركاتة ...