صباح الخير
لا يخفى عليكم كم من الصينين لا يرجعون الى ملة او دين
وبذلك ذمتهم على قولتنا وسيعه وانا بالصين تعرضت للنصب في محل تيلفونات يقع في سوق الساعات
قلنا يالله سوق مفتوح ومستواه يسمح له بالغش وكلها 50 ريال نمشيها
بس اللي صار امس لم يكن بالحسبان المسكينة المترجمه وهي من بني جنسهم ومش مسلمه تعرضت للضرب والاهانه من محل راقي وغالي بمجمع السيراميك بفوشان لما راحت تستلم البضاعة علشان تحملها الكونتينر شككوا بالعربون الموجود بالفاتوره وقالوا لها انتوا دفعتوا 1000 ريمبي مش 2000 رمبي
وقالت لهم هذي فاتورتكم وهذا خط البياعه المهم وصلت بينهم للضرب والمسكين راعي المكتب كان شايل معه 400 الف ريمبي خاف انهم يبوقونه عطاهم الالف وخذ البضاعة ومشى
وهذا المحل متخصص بالموزاييك اسمه Tulip
انتبهوا من هذا المحل
وموقف آخر من محل اسمه Individual وهذا عنده انواع غريبه وعجيبه لاتوجد بالسوق ولكنهم بهدلوا المكتب يقولون له روح دخل الفلوس بحسابنا بالبنك وبعدين استلم يقول لهم بالاول اشوف الاغراض يرفضون
وهذي من اكبر المحلات واغلاها في سيراميك ستي
هذا للعلم والله يستر شكلهم اضربونا بالنوعيات ما اقدر اقيم الوضع الا بعد استلام الكونتينر بعد شهر