السلام عليكم و رحمته الله و بركاته
حبيت أذكر تجربتي في التقديم على الفيزا شنقن
طبعا دخلت موقعهم وحجزت 4 مواعيد كلها vip لان المواعيد العادية
كانت بعيدة شوي فأضمن لي أخذ أقرب و قت
و طلع الموعد في 21 july الساعه 9:30
و جهزنا اورقنا تعبئة الابلكيشن و الجوازات و تصويرها
و تأمين الطبي من التعاونية و تذاكر السفر و حجز الفندق و كشف حساب للمتكفل في مصاريف الرحله و صورتين لكل شخص .. يوجد مكان تصوير داخل المركز
هذا اللي جهزناه احنا ..
ذهبنا الساعه 8 ونصف عشان الزحمه و نخلص أمورنا بدري
وصلنا و لسا مركز التأشيرات ما فتح قالو يفتح الساعه 9 تماما
و بعد ذلك دخلنا قبل الدخول تشيك على اسمك و ايضا أوراق طباعة الموعد
موقعهم جدا سيء طبع معانا شخصين و أثنان منهم ما رضي يطبع
في قائمة الاسماء و تعمل عليه اشارة المسؤوله على ذلك
و يتم التفتيش و ندخل الصاله
على مد البصر يوجد امامك كراسي للجلوس و الانتظار
كانك بصالة مطار مصغر جدا و على يمينك
كونترات هذا المكان للحجزهم عادي
سالنا قبل الدخول عن مكان vip
اول ما ندخل على اليسار غرفة كبيرة
وفيها 3 كونترات
اثنين فرنسا و واحد المانيا
و باقي الدول في غرفه اخرى
دخلنا و الحمدلله مافي زحمه في vip
قدمنا اورقنا طبعا قالت من المتكفل في الرحله
اخوي كان هو متكفل قالت لازم يجيب ورقه من العمل
قلنا لها دخلنا على القنصليه الفرنسية فيها كذا خيار
من ضمنها كشف الحساب قالت لا أضمن لكم
أخوي ما احب يتجادل كثير و يقول صيام
و الحمدلله وزارة التعليم قريبه من مركز التأشيرات
بشارع حايل وراح يجيب الورقه وصل و لسا ما فتحوا يفتحون على الساعه 10
أخذ الوقت ساعه الله يهديها كان مشت بكشف الحساب و غير كذا كان ايضا
معانا فيزا ( فيزا بنك أقصد ) و لابد يكون مترجم و 3 نسخ و الاصل يكون
مع أوراقه .. و قالت ما يحتاج كشف الحساب ..
و الحمدلله رتبت أمورنا ..
طلبت المبلغ الاربعه .. 2248
الجواز الواحد .. 562 ..
و بعد ذلك ذهبنا إلى التبصيم .. و ايضا له مكان خاص ب vip
دخلنا و كان رجل اللي ياخذ التبصيم و طلبنا امرأه و أخذت بصمة
الوجه و العين و اصابع اليد ..
بعد ذلك تستخرج لنا ورقتين بها صورتنا يتم التوقيع عليها من قبلنا
واحد تأخذها منازو الاخرى تكون معانا .. احتمال يطلبونها بمطار بفرنسا ،،
الجوازات و الاوراق يضعونها بفايل مخصص لك و يأخذونها ..
و كذا الحمدلله خلصنا أمورنا بتقديم ..
و على حسب كلام الموظفة تطلع يوم الخميس أو الأحد ..
و ايضا استلمها عندهم عشان vip .. الباقي يوجد مكان أخر ..
نظرتي بالموعد العادي تكون الافضل لشخص و أن تأخذ موعد بدري مثل
الساعه 9 إلى 10 بعد ذلك يزدحم المكان جدا .. أبدا ما أنصح من
لديه عائلة يختار موعد عادي لان المكان جدا عائم على بعض ..
كتبت هذا الموضوع لأني أستفدت جدا من المواضيع المطروحه هنا ..
و مثل ما أستفدت أريد أيضا أن أفيد ...