أعتقد ان السواقة في كوالالمبور مهي سهلة لان الدركسون في اليمين وشوارعها مزدحمة مرة ... لكن لنكاوي ممكن لانها صغيرة وطرقها ماتضيع وكمان اللي متعود يسوق سيارة دركسونها يمين في لندن مثلا ماراح يواجه مشاكل ...
أذكر اسعار التأجير في لنكاوي السيارة العادي 60 ر.م. والاوتو 80 ر.م. وكانت السيارة بروتون (متسوبيشي ماليزي).
تصدق قعدت فترة حتى تعودت وأنا في التاكسي ان الدركسون في اليمين لان كل مادخل دوار او شارع تحسبو عاكس او بيسوي حادث مابالك اذا سقت.

السلام عليكم ...
مساء النور اخوي shaddad .
اخونا temurun ما قصر الله يعطيه العافية .
واسمح لي :
1-القيادة في ماليزيا سهلة ان كنت جربت السواقة في دول اخرى نظامهم
الدركسون في الجنب اليمين ...اما ان كانت اول مرة فأشوفها صعبة شوي.
المشكلة ما هي في السيارة لكن في الخط لانه عكسنا تماما ...مادام غيروا
جهة الدركسون اكيد كل النظام يتغير ...وشوارعهم اضيق من شوارعنا ..وعندنا
المسرع يمسك الخط الايسر هم المسرع يمسك الايمن والشوارع كلها بالعكس
يعني يبغى لها شوي تمرين ....اما القوانين فمثل اللي عندنا لكن ان شافك
عسكري المرور ما انت رابط الحزام او تتكلم بالجوال ...بدون اي مناقشة مخالفة .
2- في مدينة مثل كوالالمبور السواقة فيها مملة لكثرة الزحام ...لكن تنفعك
ان خرجت للضواحي او القرى او المدن الاقل ازدحاماَ .
3- عاد اسعار الايجار حسب السيارات .
proton kancil=60 mr
proton iswara=90 mr
proton wira =110 mr
proton waja=120 mr
proton perdana =220
هذه سياراتهم ...وطبعا تلاقي نيسان وهوندا وسوزوكي ...واسعارها
اغلى من سياراتهم ...مثلا نيسان صني ...عندهم الاسم غير لكن نفس الشكل
ب180 رينجيت لليوم ....مبالغ فيه لكن لانه الضرائب عالية للبضاعة
المستوردة ...من القائمة اللي اعطيتك ممكن تلاقي نوعين فقط اللي
تلقاها اتوماتيك اللي هي واجا وبردانا .
والمرسيدس يعقدوك في ايجارها وغالبا يشرطوا عليك انك تاخذ سائق من عندهم .
البنزين عندهم غالي بشهادة اهلها ...اللتر ب رينجيت وزيادة ...وزادوها الشهر
اللي فات كم سنت ....كأنهم ناقصين .
اما المواقف ...حسب المكان اللي ودك تروحه ...يعني بغيت شارعنا ...تدور
في مواقف المراكز ...وبعض الاماكن فيها عدادات ...يعني المواقف حسب المكان
بغيت سوق او شيء قريب منه وقف في احدى مواقف الاسواق ...والمواقف من
1-5 رينجيت للساعة ...حسب الموقف ....يعني موقف ميغا مول ب1 رينجيت
طول الاسبوع وب3 في يومي السبت والاحد ...وعندهم دفعك للموقف بدخولك
وليس بالوقت ...يعني تجلس اسبوع او دقيقة حتدفع نفس السعر .
اما ان بغيت توقف في مكان مثل كامبوغ بارو اشوفها مستحيل لكثرة الزحام
وتدور موقف بعيد وبعدها تكمل مشي .
بحق ان معاك سيارة في اي دولة حتمتع اكثر من ركوب التاكسي ...لكن اخوي
اكرر مرة اخرى ...ان سبق واخذت سيارة بدركسون ايمن و عرفت نظامهم توكل على
الله وان كانت هذه اول مرة فنصيحتي خلنا نستقبل العيد جميعاَ في ديارنا مع اهلنا وحبايبنا
اما ان كنت طالب او موظف او تاجر وحتبقى عندهم فترة وتحتاج للسيارة اجل
التحق عندهم بمدرسة تعليم السواقة بgombak وشوي شوي تصير من
اهل الراليات عندهم
موفق اخوي وان شاء الله رحلة سعيدة والسلام عليكم .

مشكور Temurun
مشكور يالشعيبي
ماقصرتو....وماعليكم زود...مشكورين من كل قلبي...عن جد انا استفد
والفضل لله ثم لكم....اخوكم بوشداد