وليه الروعة أخوي.
أولا: هل دعوت بدعاء دخول القرية الوارد عن النبي صلى الله عليه وسلم، واللي لازم نقوله لما ندخل أي بلد؛ فيحفظك الله من كل سوء، الدعاء هو:
اللهم رب السموات السبع وما أظللن ، ورب الأرضين السبع وما أقللن ، ورب الشياطين وما أضللن ورب الرياح وما ذرينن أسألكم خير هذه القرية وخير أهلها ، وخير ما فيها ، وأعوذ بك من شرها ، وشر أهلها ، وشر
ما فيها .
السنتر ، أو ما يسمى بالسكوير يتوفر فيه كل الأشياء اللي تحتاجها ، فلو تروح هناك بالباص وتشوف اللي يناسب لك.
بالنسبة للرقم الداخلي أرشح بطاقات لابارا Lebara
تقدر كذلك تروح لشارع تشارمنستر Charmister
كل شي متوفر فيه ، وراح تلاقي نصف الشعب هناك عرب .
ربي يوفقك.

اشكرك اخي ناعوس على الرد والتذكير الله يجعله في ميزان اعمالك والله قلت هذا الدعاء وارتاحت نفسيتي
بس ابي أسالك وش الطريق اللي يوصل للسكوير علما باني ساكن على شاطئ ALUM chine
محتار شكرًا لك ولردك والله يوفق الجميع*

أخي
خلي البحر على يدك اليمين ، وخذ لك تمشية جميلة على الممشى المرصوف المحاذي للشاطئ
بعد أقل من كيلو ونصف راح توصل البير ، الجسر اللي داخل للبحر.
لما توصل هناك، خذ يسار وتعمق شوي ، أقل من 300 متر هذا هو السنتر تحصل فيه كل اللي تحتاجه بحول الله.
المسجد موجود هناك كذلك في شارع
St Stephens.