1. بما انك جاي دوره فحياك الله اخوي...

بما انك جاي دوره فحياك الله اخوي...

ج1 حط ميزانيه تقريبيه لكل يوم تقريباً 300 رنقت (الفندق +مواصلات+ الأكل)
ج2 يعتمد على مكان دورتك...وانا انصح بفنادق شارع العرب الرخيصه منها..وبتلقاها على 100 رنقت وب 120 رنقت بدون فطور ولكن الغرفه نظيفه ولك حمام(اعزك الله ومن يقراء) لحالك والسرير بالحجم الكبير وفيه تلفزيون...ولكن لايشمل الفطور...وفيه فندق فيدرال بشارع العرب وهو نظيف بتلقاه بسعر ارخص من المكاتب السياحيه ومواقع النت...كنت عندهم قبل 3 ايام وعطاني بسعر 270 رنقت على اساس اني لحالي ومع الفطور طبعاً.
ج3 والله ياخوك لو تعرف شويتين لغه بتمشيك بس انك ماتعرف شي مره, اعتقد امورك بتمشي لأني اعرف واح مع عائلته مايعرفون لغه ومشت امورهم..عاد خلك فطين لأنهم بيحاولون يلعبون عليك دامك ماتعرف لغه وبيقولون هذا نقدر نلعب عليه.
ج4 لاتركب التاكسي إلا وانت تقوله (ميتر) يعني استخدم العداد...والعداد يبداء من 3 رنقت, وكل 100 متر يحسبها بعشره سنت...يعني لاتشيل هم التكاسي دامك زريت عليهم وخليتهم يمشونك بالعداد...وغالباً بيوصولنك بقيمه اقل من 20 رنقت لأي مشوار تبيه داخل كوالا...لأن الأماكن تقريباً قريبه لبعض.. وانصحك تستخدم القطارات وطريقتها جداً سهله...وعند مكتب استقبال الفندق بتلقى خريطة القطار وبيشرحلك اي محطه انت عندها وبأي محطة يفترض توقف عندها للفندق اللي بتكون دورتك فيه...وإذا كانت دورتك بفندق ميلينيوم فمايحاج اقطار ولاتكسي لأن المسافه خطوات قليله(3 او 4 دقائق مشي)
ج5 لا مهيب ماطره بأستمرار...والأجواء متقلبه من رطوبه ومن جو جميل ومن حر ع الظهريه ويعني بين وبين...وإذا امطرت فهذا خير وبركه وانصحك تشتري من كوالا مظلات صغيره الحجم وتقدر تأخذها معك لدورتك او بتمشياتك لأنها بتفيدك خاصة هنا المطر ماله عنوان, ماتدري إلا وهي راشه عليك.
اتمنى لك التوفيق بدورتك واتمنى بأني افدتك بإجاباتي

(ابو نايف )
اشكرك على تفاعلك السريع
انا لست ملتحقا بدورة او شي من هذا القبيل ولعلي سطوري الاولي كانت غامضة نوعا ما
مسافر لمجرد السياحة والاستجمام
اجابتك كانت وافية جدا وسطورك تنم عن مدرى حرصك على اخوانك المسافرين
اكرر شكري