نشر في النمسا

بما ان محد سوالي سالفه في بوابة سويسرا ييتكم بامل انكم تساعدوني لا تردوني

ام مياري

26-10-2022 - 02:44 am

خططنا للسفره الى سويسرا ولكن بغيت ازور يوروب بارك
بما ان بيرافقونا فالسفره صديق زوجي و حرمته و يبون يروحون ميونخ بعد فغيرت المخطط كالتالي شوفوه زين والا زين والا ؟؟
المدة 10 ايام
مطار الوصول زيورخ
1 زيورخ
4 انترلاكن
1يوروب بارك
1ميونخ
3لوسيرن
ومن بعدها العوده من مطار زيورخ شو رايكم؟؟
لا تردوني رجاء

التعليقات (9)

ALI_Q8_77

26-10-2022 - 05:29 am

انا جاوبت على مخططج اختي . بصفحه اخرى
الافضل تغير النطارات لانه المده قصيره ...
راجعي ما كتبت
تحياتي

ام مياري

26-10-2022 - 06:30 am

انتع و خواتي مس باريس ومع القران مب مقصرين وياي
شوف انا شفت ان الروحه ليوروب بارك من انترلاكن المده اقصر من الذهاب لها من ميونخ على ما اظن
من ميونخ لين يوروب بارك 400 كيلو ومن انترلاكن لين يوروب بارك 240 كيلو صح والا ؟؟
اذا كان جي كيف المخطط بيكون ؟؟

M!$s Paris

26-10-2022 - 07:32 am

افا عسى مازعلتي علينا ياعمري ابد ولا يهمك ان شاء الله تسافرين وانتي راضيه علينا ياقلبي....
قلبي شيلي ميونخ لان المده سفركم قصيره ...
ويكون برنامجك بهالشكل
2زيورخ
4انترلاكن
2يورب بارك
2لوسيرن ومنها الذهاب لمطار زيورخ لانها قريبه جدا من زيورخ
او ممكن تخصصين اليومين الاخيره لزيورخ وتزورين لوسيرن وترجعين بنفس اليوم

ALI_Q8_77

26-10-2022 - 08:33 am

اختي اذا بدايتج ونهايتج بزيوريخ الافضل تلغين ميونخ من المخطط ..
ويكون المخطط الوصول الى مطار زيوريخ راحه يوم ثم الملاهي يومين ثم انترلاكن 4 ايام ثم لويزرن 3 ايام .. هذا افضل مخطط الغاء ميونخ لازم لانها بعيده هذا اولا ثانيا ما الفئده من زيارة ميونخ لمدة يوم واحد فقط ...
ولا بد تكون عودتكم من مطار زيوريخ بالعصر حتى يمديكم ترجعون من لويزرن
تحياتي لج واحنا بالخدمه

ام مياري

26-10-2022 - 09:34 am

مشكورين والله
لا حبيبتي ما زعلت بس محتاجه حد يرد علي عشان خلاص ان شالله فالوي اند بيحددون كل شي الرياييل
يبو تقرير كامل مني باسم الفنادق الزينه واسعارهم بالدرهم و و كيفيه المواصلات من كل مدينه و كيف مخطط الرحله لاي
اماكن بنروحها + المده و السافه شفتوا كيف عذبوا اختكم خ تضاعف الموضوع عندي
وبخصوص ميونخ لان اللي بيروحون معانا يبون يروحون ميونخ
فشو رايكم يومين ميونخ و بعدها اربع ايام انترلاكن و بعدها يومين يوروب بارك و بعدها اي منطقه قريبه لزيورخ لمدة يومين و
العوده تكون من زيورخ و النزول من ميونخ اشرايكم

ALI_Q8_77

26-10-2022 - 10:35 am

اختي الله يحفظج قلت لج من الاول .. اذا البدايه بميونخ والعوده من زيوريخ افضل ,, اذا كانت ميونخ ضروريه ..
واعيد الجواب والمخطط
ميونخ يومين يوربا بارك يومين 4 ايام انترلاكن ويومين لويزرن وخصوصا لوكانت الارله من مطار زيوريخ متأخره شوي .. او السكن بزيوريخ وزيارة لويزرن منها ..
سوف اقفل صفحتج الخاصه بستفسار .. النمسا .. لانه انته موضوعها ..
تحياتي لج

M!$s Paris

26-10-2022 - 11:36 am

ياقلبي ميونخ بعيده وصعب انك تروحين لها وانت حاجزه الذهاب والعوده من زيورخ ..عشان يوم واحد فقط ....ومدة سفركم قصيره ....
وبالنسبه للفنادق الحين راح احط لك الفنادق الممتازه وانتي اختاري اللي يناسبك ياقمر.....

ام مياري

26-10-2022 - 12:37 pm

اسمحولي والله انحرجت منكم وضعت بين المواضيع عشان جي الحين عرفت زين مشكورين والله
اوكييه اني للخطوه الثانيه وهي المواصلات كيف بتكون للمناطق هذي وكم تبعد كل منطقه عن الثانيه وكم ساعه
:0u4ie: انا وانتو تهنا ههه

M!$s Paris

26-10-2022 - 01:38 pm

ياقلبي بالنسبه للمواصلات راح تكون بالقطارات...الا اذا كنتوا راح تستاجرون سياره ...
طيب وش صار لميونخ ....

النمسا المسافرون العرب

بما ان محد سوالي سالفه في بوابة سويسرا ييتكم بامل انكم تساعدوني لا تردوني