لحالك .؟
لو انك رجال كان قلت انت خبل تروح لحالك ....
انتي بنت وتروحين لحالك بعد .؟
ليش .؟ وش الحكايه .؟

السلام عليكم ورحمة الله
الله اعلم بظروفك لكن:
ضياع في مطار باريس ما راح تضيعون، بس عطي نفسك وقت اضافي احتياطي، واسألي الاستعلامات هم يتكلمون انجليزي. بس تأكدي من اي محطة (Terminal) رحلتك الى بوردو، لأن في مطار باريس شارل ديجول ( ويسمى رواسي شارل ديجول) اكثر من محطة ومنهم محطة بس للخطوط الفرنسية.
ثانيا تغير موعد العودة ممكن بس حسب نوع التذكرة اللي عندك، يعني ممكن التغيير يكون مجاني وممكن برسوم.
الا اذا كانت تذكرتك مقفولة يعني خلاص موعد الذهاب والعودة محدد ولا يمكن تغييره. الأفضل تسألين السفريات.
ثالثا ما اعتقد يمكنك تغيير محطة العودة بعد صرف التذكرة ودفع القيمة. يعني مثلا الرياض/باريس/مدريد/الرياض لابد ان تكون العودة من مدريد ولايمكن تغييرها الى ميونخ أو التشيك مثلا.
رابعا وأخيرا اللغة لا تشكل عائق في فرنسا، ممكن الواحد يمشى حاله بالانجليزي، وهذا حال الآف بل ملايين السياح في فرنسا.
تحياتي للجميع

أنا ما أدري كيف بتسافري لوحدك وإنتي بنت وما أدري وش حادك لكن إنتبهي على نفسك . وإذا ما إنتي مضطره جدا جدا جدا للسفر فلا تسافري وإذا لا بد من سفرك خذي معك اي احد ضروري جدا ولا انصحك ابدا بالسفر لحالك

وليش ما أسافر لحالي
أنا أول سفرة لي لباريس سافرت لحالي لمدة أسبوع وكانت من أحلى الاجازات
لو كنت رجال كان خاويتك

santafe
لحالك .؟
وش القصه .؟ وين المتعه لحالك .؟
لحالك لو تروحين مطعم بديرتك لحالك طفشتي .. الحين بتقنعيني انك لو تسافرين لحالك وماتعرفين احد هناك .. فيها متعه .؟

الله يحفظك يا أختي في حلك وترحالك .. وسهل الله دروبك ..
أختي الكريمة يقول حبيبنا محمد صلى الله عليه وسلم : " لا يحل لامرأة تؤمن بالله واليوم الآخر أن تسافر مسيرة يوم وليلة إلا مع ذي محرم " .
حفظك الله أينما كنت أختي الفاضلة

ههه
بصراحه ضحكوتوني خليتوا الموضوع الاساسي ودققتوا على شي مو مهم
اختي مطار باريس منظم والاجراءات فيه سهله ومن سأل ما ضاع لا تحاتين

أديم
ليش شو الي يضحك ( انما الدين النصيحه ) و الاعضاء ينصحون الاخت لانهم خايفين عليها و مو مشكله اذا تكلموا في شق اخر و هو و جود محرم و للاخت ان تاخذ بالنصيحه او لا تأخذ هم لها ناصحون مش اوصياء يقدرون يمنعونها او ما يسمحولها اسافر لوحدها و هي حرة رايها

ياجماعة اكيد البنت عندها ظروف خاصة وموو لازم نعرفها انتم جاوبو على قد الأسئلة فقط وماله داعي ندخل في تفاصيل مالنا علاقة فيها هي اكيد عارفة ظروفها اكثر من اي احد وكمان هيا متوقعة انها راح تلقى تعليقات زي كذا خلوها براحتها وكل انسان ادرى بظروفه
بالنسبة لمطار باريس ان شاء الله مايضيع وبالنسبة للغة راح تمشيك ان شاء الله مثل ماقال اخوي شغل عرب بالنسبة لموضوع التذاكر و ع فكرة كل شي محلول لا تخافين انتي بس قولي اش نوع تذاكرك الي هي من الرياض الى باريس وان شاء الله نقدر نساعدك كلنا