- أنترلاكن ...........ثلاث أيام
- وتم حجز الطيران على السويسري النزول في ألمانيا والمغادرة من سويسرا
صباح الخير يا أهل الخير وعسى الابتسامة ما تفارق محياكم
اتمنى من أهل الخبرة يفيدوني لاني بجد محتارة ومعتفسة حدي
بتوفيق من الله بداية وبتقاريركم الرائعه ونصائحكم الفذة تم التخطيط لصيف 2012 بشهر يونيو كالتالي:
ميونخ ...............يومين
زيلامسي ...........ثمان أيام
إنسبورك ...........يومين
أنترلاكن ...........ثلاث أيام
وتم حجز الطيران على السويسري النزول في ألمانيا والمغادرة من سويسرا
وحجزنا الفنادق عن طريق بوكينج وكانت أمورنا ماشية مثل السمن على العسل .. بس كان ناقصنا حجز السيارة من المانيا ... وبعد إطلاعي المكثف على تقاريركم .. تواصلت مع عدة شركات وكان أرخصهم البيجوت وعرضوا علي 207 سي سي بسعر 690 يورو لمدة 13 يوم
![]()
لاكن... الله يهديهم قاموا بسحب مبلغ يورو واحد من بطاقة الاتمان على خلاف الاتفاق والي كان انهم راح يسحبوا المبلغ قبل شهر من إستلام السيارة .. طيب تواصلنا مع الشركة وللاسف انكرت بشدة سحبها لاي مبلغ من البطاقة واخلوا طرفهم ... وعلى طول اتصال للبنك .. ونصحونا بإلغاء البطاقة فورا على أساس انه ما خفي كان أعظم صحيح هالمرة يورو يمكن الي بعدة الف يوروا... ترددنا كثير بس زوجي شاف انه نمشي في السليم ولا نعور راسنا .. الباب الي يجي منه الريح سدة وإستريح
الحين ... كيف بالنسبة لحجوزات الفنادق !!!! اغلب الفنادق خذوا بيانات البطاقة المكنسلة وما حجزوا عليها شي .. طبعا حسب إفادة البنك ؟؟؟؟ هل اتواصل مع بوكينج واخبرهم انه البطاقة الي سجلتوها معاكم خلاص اتكنسلت وانتظروا صدور البطاقة الجديدة يمكن بعد اسبوع !! او اني اسكت عنهم لين ما تصدر البطاقة الجديدة واتواصل معهم مرة وحدة ببيانات البطاقة الجديدة ..
ارجوكم اذا احد صار معه هالموقف .. او عنده خبرة في مثل هالمواقف .. يفيدني افادكم الله
احنا خايفين يشيكوا البطاقة ويشوفوها مكنسله ويلغوا الحجز او ياخذوا علينا رسوم بزيادة !!
اونه كانوا يريدوا يشيكوا البطاقة هل صالحة ولا لا؟؟ فسحبوا هالمبلغ منها ؟؟؟ وردينا عليهم انه علشان الخطأ الهين تبعكم احنا كنسلنا بطاقتنا والله يستر على حجوزاتنا وما عاد نريد من عندكم لا سيارة ولا بطيخ هذي بدايتها كذا !!!