دلوعة ابوهااا
21-02-2022 - 03:11 am
السلام عليكم ورحمة الله
صباح الخير والاحساس لكل المتواجدين في بوابه المسافرين
طبعن انا مسافره جديده اول مره اشترك عنكم ...............خاصه بعد ما جفت الكم الهايل والراقي والمعلومات الوافيه والكافيه عن كل شي...
بس ياريت يا شبات تساعدوني؟؟؟
انا ابي اسير النمسا مع ابويه وامي واخويه الصغير بس هاي اول مره نساافر فيها النمسا
وابويه مب راضي عسب ما يعرف اشقايل يحجز وطبعن فلوسه معظمها للشغل
يعني باختصار ممكن احد يساعدني ابي حد يكتب لي جدول للرحله ( التخطيط كيف يكون )
يعني فيننا- زيلامسي-ساليبورغ-ميونخ) او شكل ثاني
وابي اعرف كم يوم يبالي اقعد في كل منطقه واحنا بنسافر يتاريخ 11 او 12 اغسطس ونبي نقعد 13 يوم
وابي منكم بعد اسامي الشقق الفندقيه في كل منطقه وش هي احسن الاسعار تعرفون النمسا غاليه وابويه قال ما اقدر اخليكم بفندق
وابي اعرف اشقايل نحجز سياره من المطار الى الشقه بفيننا وبعد اشقايل نحجز سياره خاصه وقطارات
ادري طولت عليكم بس والله خاطري اسير لاني طالبه وابي استانس قبل الدراسه
وقولولي بعد شوه احسن الاماكن السياحيه وكم تكلفنا
يعني باختصار اذا فيه احد متفيج ويقدر يساعدني يكتب لي خطه تناسبنا وباسعارها يعني كل شي اتبعه الين ما اوصل بلادي
وبعد اشقايل احجز على الطيران؟؟ وش احسن الاماراتي والا؟؟ النمساوي
سلمتم كلكم
لا تبخلون علي بالرد
دلوعة ابوها حيل
الوصول الي فيينا والاقامه فيها لمده اربع ايام
التوجه من فيينا الي سالزبورغ الاقامه فيها لمده يومين
التوجه من سالزبورغ والتوجيه الي زلمسي والاقامه فيها 5 ايام
التوجه من زلمسي والتوجه الي ميونخ الاقامه يومين
او
فيينا 4 ايام
زلمسي 5 ايام ومنها تروحون يوم لسالزبورغ وترجعون بنفس اليوم
وميونخ يومين
اختاري اي خط علشان نسوي لج جدول
ورافقتكم السلامه بالحل والترحال