الهنداسي123
13-08-2022 - 09:54 am
السلام عليكم
شحالكم
والله انا اشكر ها المنتدى والاعضاء الصراحه وايد استفدت منه حتى في معلومات تخص بلادي
والصراحه انا ناوية اسافر ع النمسا بس هب الحين يعني ع شهر 2
بس ابا ارتب كل شي من الحين عشان اخصص لي الميزانية و الاجازة وكل شي
فبغيت مساعدتكم
يعني انا ابا اتم هناك اسبوعين
وين اسير
شو المناطق اللي تستاهل اني اروحها مع االعلم اني انا وريلي وولدي ماكمل السنتين بس اللي بروح
وشو الاحسن احجز في فنادق ولا شقق
وبعد بغيت اروح ميونخ كيف؟
وكم بالنسبة عن المصروف اللي اخذه عندي كم يعني؟
يعني ابا اعرف كل شي
بالمختصر انا ما اعرف شي وابا اعرف كل شي********>> طماعه
ام والميزانيه بالكثير مااباها تزيد عن 20 الف مع التذاكر بس بدون الصرف هناك
والسموحه للاطاله
طبعا اشهر مناطق النمسا زيارة هي العاصمة فيينا ومدينة سالزبورق وقرية زيلامسي ( ومايقرب منها مثل كابرون ) .. وعادة المسافرون العرب ان يكون وصولهم على فيينا وعودتهم من ميونخ لقربها من سالزبورق وزيلامسي ( او العكس ) .. وايضا لتوفر رحلات بهذا الشكل ..
بالنسبة للميزانية والمصروف .. هذا يعتمد على مدة الرحلة .. فمتى ما قررتو وعزمتو وصار بالمعلوم المدة يمكن ان نتحدث عن الميزانية لانها تعتمد على سعر التذاكر اذا كان هناك ميزانية محددة كما ذكرتي .. وعلى العموم فان المصروف اليومي التقريبي لشخصين مايقارب 120 يورو .. والقطارات لجميع المدن مايقارب 150 يورو للشخص ..
وبالنسبة للسكن سواء فنادق او شقق فالخيارات عديدة وباسعار مناسبة للجميع .. ولكن هذا يعتمد على رغبة الشخص نفسه ..
ملاحظة بسيطة : لا انصح بالسفر في هذا الوقت من السنة ( فبراير ) .. لان الطقس يكون بارد جدا وموسم تساقط الثلوج .. فاغلب النشاطات السياحية مغلقة ماعدا الفعاليات الشتوية طبعا .. فالنمسا بلد طبيعة وجبال وبحيرات فيفضل زيارتها في الصيف لتمتع بهذة الخواص ..
بالتوفيق ..