اولاً حياك الله في عالم النت والمنتديات ..
انصحك اولاً بالبحث عن مواقع مخصصة عن الاسواق الصينية وانصحك بعدم الاستعجال " الركاده زينه " وخلك حذر من الصينين ترى مافيه اوسخ منهم في الغش ..
والله يوفقنا وياك ولاتنسنا من الهدايا ..

حياك انا الغلا
1- الصين لهم معرضين بالسنه كبيره شهر 4 وشهر 10 كل سنه والباقي معارض صغيره
2- أتصلي على السفاره وهم يحددون لكي برنامج ومترجم أو مترجمه
3- نزلي موضوعك في بوابة الصين وستجدين الردود وأحتمال ينقلونه المراقبين
4- أحنا بالخدمه أذا تقصين لي تذاكر درجه أولى وفندق خمس نجوم ممكن أروح ماعك بس أتفرج
على الصين فقط

اولا اسفه لعدم الرد
لانني قليله الدخول الى المنتدى
وثاني شي اشكر اخوي ابو جلنار على ردك وافادتي

اشكرك اخوي ابو محمد على الرد الجميل
اما السفر معاي فحسافه توني اليوم اشوف الردود على موضوعي وانا صار لي ثلاثه ايام قاصه التذكره من الكويت الى دبي ومن دبي الى كوانزو
خساره جان خذيتك معاي نتفرج انا وياك ههه ويا شكثر راح يقصون علينا

انا الغلا
حياك الله بين اهلك
اولا : بخصوص التجارة من الصين ضروري تحددين هدفك بمعنى نشاط تجارتك ومن بعدها تركزين على المدينة المخصص لتجارتك.
ثانيا: بخصوص الفنادق في كوانزوا ارشح لك
garden hotel
asia hotel
لقربها من منطقة المطاعم العربية والاسواق تقريبا
ثالثا : البحث عن مكتب موثوق لتوفير المترجم وثوثيق العقود وانهاء عملية الشحن
وأي خدمه جاهزين
موفقة ان شاء الله

شكر خاص لك اخوي مستر ميمو
عندي جم سوال وارجوك ترد علي باسرع وقت
هل هاذي الفنادق واثق منها يعني مافي سوالف دعاره او شي مو زين بليز ترد وانت شخصيا سكنت فيها
وحابه اعرف منك هل اقدر اشتري من جوانزو ملابس تقليد ماركه واقدر ادخلها الكويت

أختي انا الغلا
اهلا وسهلا
الفنادق روعه ولكن في اغلب الفنادق الخمس نجوم والاربعة نجوم بتلاقي فيها دسكو وبار .
وعموما فندق اسيا انا سكنت فيه لمدة اسبوع وما شفت شيء ازعجني يمكن لاني على طول خارج الفندق انا ما ادخل الفندق الا بعد الساعة 9 مساء للنوم فقط .
والاخوان في المنتدى دائما يرشحون ويمدحون فندق بار فيو اسكوير
بخصوص الملابس التقليد والله ببتعابين يا أختي وان لقيتي شيء بصراحة ماراح يكون محرز ، ولكن الشنط والساعات المقلدة متوفره .. ونصيحة خلى بالك من الجمارك في بلدك لان الماركات المقلدة تعتبر من المحظورات ويمكن تتصادر عليكي انا اعرف مجموعة من الاشخاص تصادرت بضاعتهم ونزلوا في القائمة السوداء
موفقة ان شاء الله

مشكور والله يعطيك العافيه
ما قصرت معاي
بس انا تعقدت الكل يقول اذا جبتي الملابس اللي عليها اسماء ماركات معينه راح تتصادر بس عندنا في الكويت وفي كل معرض احصل ملابس عليها اسماء ماركات وهم اغراض ثانيه واقول هذيل معقوله كلهم محد شافهم في الجمارك وحتى ساعات وبكميه فشلون
وااله يرزق الكل
بس انا حابه ابتدي مشروعي لصغير واتمنى هشي لانيمثل ما احب البس اتمنى اجيب شي حلو او بلاه

الله يوفقك اختي ..
بس نصيحه اذا ماتعرفين احد بالجمارك يقدر يمررها لك .. لا تجازفين وتخاطرين ..