اخي الكريم شكرا على مشاركتك
بالنسبه لماليزيا (ممكن اللي خانك في الروحه هي التخطيط حتى لو مخطط زيي قبلها ب4 شهور ولكن لابد من الاخطاء )
بالنسبه للماده صحيح فعلا ماليزيا ليست رخيصه لدرجه اللي توقعتها ولكن ليست كاوربا او غيرها
الريال للاسف في نزول صحيح ولكن كذالك الدولار
بالعكس ماليزيا لو صار لي مره اخرى ولكن بتخطيط افضل بعد ما اكتشفتها الان ممكن اكررها
هنا يوجد ناس للمره الثانيه الى الثامنه ماشالله
اهم شي انك صاحبت ذكريات كويسه وان كانت قليله
شكرا على مشاركتك

يعطيك العافية00000 ماليزيا تنفع للعوائل مرة وحدة وخلاص ولا تنفع ابدا للعرسان

1. خمس ليالي في كوالالميور ( فندق سويس قاردن )


2. الشيء الوحيد الي اعجبني فيه الفطور حقهم


3. شف كيف اختلاف الاذواق


4. المسبح مليان حشرات ( طائره و زاحفه و من تحت الى تحت ) ...


5. اتفق مع هنا ان المشكله بالريال حقنا الي ما يسوى بمكان الان

عطر رجالي
يا صباح و يا مساء الخير للجميع
محدثكم الآن في فندق swiss garden في كوالالمبور
وسأتحدث عن الفندق عندما يحين دوره في البرنامج .... بصراحه أتمنى إني أضع لي تقرير هنا
عن رحلتي الى ماليزيا ( شهر عسل ) .. وان شاء الله اذا رجعت راح أرتب لي تقرير مع بعض الصور .. ولكن بيني وبينكم أنا منصدم شوي ... كنت أفكر ان ماليزيا على ما قرأت عنها انها حاجه ثانيه بس طلعت خرطي .
طبعاً في هذا الموضوع راح أكتب لكم بعض الملاحظات و السلبيات والإيجابيات .... مع ذكر بعض الفنادق اللي جربتها شخصيا ً ......
نبدأ من مخطط الرحلة ( البرنامج ) .... وهو كالتالي ....
ليلتان في سيلانجور ( فندق صن واي لاقون ) ..
ثلاث ليالي في لنكاوي ( فندق وستن لنكاوي ) ...
ثلاث ليالي في بينانج ( فندق بي فيو بيتش ) ..
ليلتان في كوالالمبور ( فندق مندرين اورينتال ) .. للراحه
ليلة واحده في ولاية ميلاكا ( فندق افاموسا ريزورت ) ( فله مع مسبح خاص )

خمس ليالي في كوالالميور ( فندق سويس قاردن )

بالنسبه للفنادق ... تقريبا ً أقدر أقول إني وفقت فيها والحمد لله .. كلها فخمه و رائعه ما عدا واحد ...
( فندق صن واي لاقون ) ... رائع و كبير و فخم و عليه زحمه ... يعيبه بعض الأعطال في الغرفه ( مثل الاضاءه او المكيف ) .. كل ما ذكر حدث لي ... خدمتهم بطيئه نظرا ً للزحمه .. الفندق تعطيه خمس نجوم و يستحق درجة 95 %
( فندق وستن لنكاوي ) .. رائع جدا ً جداً ... تحفه يا ناس ... انا أعتبر اللي يروح لنكاوي ولا يسكن
فيه ما كأنه راح أبد . فخم و مهيئ للأجواء البحريه .. البلكونه لا تفوتك الاطلاله منها .. الأكل عندهم لذيذ لذّه عجيبه .. ولا يفوتك الفطور عندهم ..الفندق مصنف على انه ست نجوم و يستحق مني درجة 100%
( فندق بي فيو بيتش في بينانج ) ... فندق جميل و عليه زحمه .. بس خدماتهم رائعه كون االفندق مصنف على انه اربع نجوم ..... إطلالته رائعه على البحر ... اللوبي رائع .. الشاطئ والمسبح روعه ... بس أكلهم الله يديم النعمه ... فطورهم يلوع الكبد ... الفندق مصنف اربع نجوم و يستحق مني 85 %
سكنت فيه يوم واحد واعتبر هذا اليوم هو اسو يوم لي بفندق

الشيء الوحيد الي اعجبني فيه الفطور حقهم

شف كيف اختلاف الاذواق

( فندق مندرين اورينتال في كوالا ) ... فندق رائع جداً جدا ً .. ويعتبر للطبقة المخمليه في ماليزيا ... فندق فخم بكل ما تعنيه الكلمه .... تتمشى في اللوبي وفي الأسياب كأنك في كوكب ثاني .... بصراحه أنا أعتبره أفخم فندق شفته في حياتي ... و مكانه رائع بالقرب من البرجين التوأمين .. الفندق مصنف على انه ست نجوم و يستحق مني 200 %
( فندق افاموسا ريزورت ) .. سئ جدا ً .. وسخ .... قذر ( آسف على التعبير ) .. بس هذا لمصلحتكم .
تحس انهم يبون يفشخونك عيني عينك .. تخيلوا اني استخدمت السكر اللي في الفيلا .. و يوم خلّص طلبت زياده .. قالوا بنحسب عليك الكيسه الصغيره من السكر بنصف رينجت ... نعنبو ابليسكم فيه أحد يبيع سكر على النزلاء .....؟؟؟؟ :112:

المسبح مليان حشرات ( طائره و زاحفه و من تحت الى تحت ) ...

المفارش ريحته شينه مثل الجيفه ... التلفزيون خربان و صندوق الأمان خربان و حدّث ولا حرج . الفندق مصنّف على انه ثلاث نجوم وانا اعتبره سالب عشر نجوم ... و يستحق مني درجة 10 % .. طبعا ً العشر درجات هذي عشان المسبح كان ساتر و فيه خصوصيه ..
( فندق سويس قاردن في كوالا ) ... فندق جميل ولا بأس به . أثاثه رائع و غالبيته رائع .. يميزه انه قريب من شارع العرب ولا يبعد الا أمتار قليله ..... ولكن يعيبه بعض الأعطال ( التكييف و الشطاف حق المويه ) .. افطارهم لذيذ بصراحه ... والفندق بصفه عامه فخم ... مصنف على انه اربع نجوم و يستحق مني 90 %
هذا بالنسبه للفنادق ...
أما بالنسبه للمواصلات .... الفييري متعب جدا ً ..... مستعد أحلف لو اننا قطعنا المسافه سباحه و غوص كان أصرف وأريح .... ولا ذاك المركب التعبان ... ذبحنا البرد داخل ... كأننا في ثلاجة موتى ..
الفيري ما جربته ولا فكرت اجربه لانه متعب ثلاث ساعات بالقارب اكيد متعبه
وبالنسبه للتكاسي نظيفه واسعارها مقبوله مقارنه بسعر البترول عندهم
بس انا اكثر تنقلي عن طريق الفانات
أما الطائرات ما فيها مشاكل ... وأنصحكم بالأير اشيا ( air asia ) ... رخيص و ممتاز ..
جربتها وجميله مع اني انصح باستخدام السيارات بالسفر الطرق جميله ورائعه والوقت الي بتجلسه بالمطار والذهاب والعوده بنصفه عن طريق السياره تصل الي المكان الي تريد
اما بالنسبه للصرفيه .... و رب البيت لو اني رحت لأوروبا كان أزين ..... ماليزيا غاليه .... غلاء فاحش ... كل شي غالي .. استغلال و نصب واحتيال .. و خلوها على الله
انا ما نصب او احتال علي احد والي الان لم اصرف نصف الميزانيه مع اني فاتحها على الاخير ومدلع نفسي الي اخر حد وباقي على العوده يومين ولم اصرف نصف الميزانيه
الوحيد الي بغى ينصب علي المكتب السياحي بالرياض :112:
وعلى فكره .. ترى الريال ما عاد يسوى ريال

اتفق مع هنا ان المشكله بالريال حقنا الي ما يسوى بمكان الان

بالنسبه للشعب الماليزي .. شعب طيب و لكن يحبون الفلوس ... نعنبوهم يا حبهم للفلوس ... استغلاليين خصوصا ً اللي اصولهم صينيه و هنديه ..... الله يقلعهم
بالنسبه للأكل .... وع وع وع الله يديم النعمه ... تصدقون وزني نزل بالحيل ... انواع المجاعات .. ولا أوصيكم في الفاست فوود ( مكدونالدز و طقتها )بالنسبه لي فاست فود وكم مطعم عربي ومرتاح من ناحيه الاكل اهم شيء شيليز
الأجواء كانت رائعه .. ما حسينا بالحراره ألا قليل جدا ً .
هههعاد تصدق ممكن الشيء الوحيد الي تضايقت منه شوي هو الجو والرطوبه
افاموسا عروضها رائعه بس السكن فيها سئ .. لا تسكن أبد .. تعال الصبح وارجع بالليل
بالنسبه لبينانج ..... حاول تستغني عنها إطلاقا ً .. صدقني الروحه لها ما لها داعي مجرد تعب و تضيع عليك الأيام بالفاضي ... حاول تجلس في كوالا أحلى .. استمتع بالمدينه وباللي فيها .. بصراحه روعه .
ما ادري ان جلست فيها ثلاث ايام وكانت الاجمل بالسفره
لنكاوي رائعه و خلابه و هادئه ... بس يعيبها كثرة الملل والطفش .. من بعد المغرب ما تقدر تروح مكان ..
(((( إنطباعي النهائي ))))
ماليزيا ماهيب ذاك الزود ... ما تستاهل هالخسائر فيها .... اللي يبي نصيحتي .. روح ل ( اندونيسيا أو تركيا أو أوروبا ... صدقني راح تدفع نفس التكلفه أو أقل .. وراح تستانس و تنبسط ......
أعتذر للجميع عن اسلوب الطرح و أعتذر للمتحمسين واللي يبون يروحون ................
أتمنى التوفيق للجميع وأي سؤال أنا حاضر ... وإنتظروا تقريري قريبا ً ان شاء الله
أخوكم / عطر رجالي ........... تشاو
ذكرت انطباعي واحترم وجهه نظرك باللون الاخضر
انا لي ملاحظه
قبل ما اسافر كانت اتوقع ماليزيا مكان مناسب للعرسان بس بعد السفر اكتشفت انها للعوائل بالمقام الاول وللعرسان بالمقام الثاني
والي يخطط رحلته بشكل جيد واثق انه بينبسط
اليوم اخذت جوله بالقريه الفرنسيه وكانت اكثر من ممتعه مع الامطار والجو الاكثر من رائع
تمنينت اني عريس واروح هناك فيه فندق ومنطقه هاديه لا تنسها ابداً

وجهة نظر .. ولكن بالنسبة لي رحلة ماليزيا 2007 رحلة العمر .. والله فنادق روعه أماكن خياليه اجواء وجميلة ..
وش تبي غير كذا أما من ناحية الاسعار كل شيء غالي هالوقت ..

لو سمحت القريه الفرنسيه وين؟ يعني قريبه لكوالا او بيننج ؟
اجل تقول مطر هالحين؟ الله يزيد ويبارك

بارك الله فيك أخي الكريم على الموضوع الذي طرحته ،، وهارد لك ،، تعوضها بالسفرات الجايه إن شاء الله
وهي مسألة أذواق يا الغالي ،، لكن بالفعل ما حدث لك أمر مؤسف ،، وعدم التوفيق بالإختيار يؤدي إلى الإحباط
لكن أشارك الرأي وعجبني كثير ذوقك لما تكلمت عن فندق ويستن لنكاوي هذا الفندق التحفة فلقد سكنت فيه مؤخراً
وأشاطرك الرأي ( إللي يروح لنكاوي ما يروح هذا الفندق كأنه ما راح لها ) فندق مذهل قمة في الفندقة والسياحة
أما بخصوص غلاء الأسعار ،، أتفق معك ففي سفرتي الأخيرة لاحظت أن هناك غلاء واضح وإستغلال خاص للعرب
والخليجيين بالذات ( الله المستعان )
ولا تندم على التجربة يا صديقي لأنك لو لم تذهب ماليزيا وتسمع عنها سوف تكون متشوق ومتلهف لرؤيتها
فالحمدلله أنت ذهبت ورأيت وقيمت ،، وأصبح لديك تجربة وإن كانت غير موفقة
أتمنى لك التوفيق والسداد أخي الكريم وبارك الله فيك

من كثر الي رجعو من ماليزيا متحسفين صرت متردده وخاصه اني حاطه ميزانيه محدده وبصراحه ما عندي غيرها احنا 5 ومحدد 35000 ريال بتذاكر ولا اقدر ازود بس بعد كلام كثير عن غلائها واستغلالها لنا صرت متردد وش رايكم

أخوي أنا متواجد الآن في سويس قاردن
بصراحة الفندق مرة روعة وأثاثه جديد وانا والحمد لله ماعندي مشكلة في التكييف أو الشطاف
على العموم أنت لا تسكت عن حقك وخلهم يصلحون لك الإعطال أو يغيرون لك الغرفة
أنا صار معي موقف قبل كم يوم في لنكاوي في فندق برجايا ( المكيف عطلان ) وتكلمت مع مدير الفندق وبكل سرور وبدون تأخير غير لي الغرفة .

اخي الكريم اولا انا آسف ومتضامن معك على عدم نجاح رحلتك والناس عموما اذواق ، لكني اقولها لك بكل صراحة انت قسوت كثيرا على ماليزيا حتى انت في كلامك ابرزت صور رائعة لماليزيا واغفلت اشياء جميلة في ماليزيا مثل سكنك في فندق صن واي لاجون وما به من ترفيه لقد زرت ماليزيا مرتين كما زرت تركيا وزرت اوربا عدة مرات آخرها في شهر سبعة من هذه السنة اي منذ شهر تقريبا ولو قلت لك عن افضل هذه الأمكنة بالنسبة لي لقلت ماليزيا لأنه تتوفر بها الطبيعة الجو المعتدل الفعاليات السياحية التي لاتنتهي واكل لابأس به في الفنادق وبعض المطاعم إضافة الى اعتدال بالاسعار اوربا ماذا فيها غير الآثار والطبيعة في بعض بلدانها فنادقها من اسوأ فنادق العالم الخمس نجوم فيها يوازي ثلاث نجوم في دبي او ماليزيا الأكل فيها سىء لاسيما افطار الفنادق الغلاء اعتقد انه لايطاق ولا ادري هل تقارن غلاءها بغلاء ماليزيا لا ماليزيا ارخص بكثير والأهم من كل ذلك هل تقارن رقي معاملة شعب ماليزيا للسياح مع شعب اوربا اخي الكريم هناك قاعدة يقولها خبراء السياحة من هو متعود على السفر لاوربا قد لاتجوز له سياحة شرق آسيا ومن هو متعود على سياحة امريكا قد لاتجوز له اوربا او ماليزيا
اخيرا بماذا تفسر الاقبال من السياح العرب لاسيما العوائل والعرسان على ماليزيا لو كانت مالزيا كما قلت لما كان هذا الاقبال الكبير عليها لقد حصل لي في رحلتي الأخيرة لاوربا بعض الاشكالات البسيطة ومنها عدم التوفيق في احد الفنادق إضافة الى الغلاء الفاحش والحر الذي صادفته لاسيما في ايطاليا ورغم ذلك لم اقل ان اوربا سيئة وانها غلطة لن تتكرر قلت سوف اكرر رحلتي لها واقوم بمعالجة اخطائي