آن شأء ألله يفيدونك ألآعضاء بحكم إني ماقد زرتها ^^
بس ب آلنسبة لخبرتيٍ وإستفسآرآتيٍ عن سيرلآنكإ ,
مَ فيه عرب وآجد !
وآلمكآن يعمهة ألهدوء وَ السكونٍ ..
لذلككِ لآيهمكُ توآجد ألعرب كثراً ف ألآمآكنٍ ..
بس أكثر ألفنادق إللي عليهآ أقبآل منَ ألعرب هو هونآلس فولز *
ورحلة سعيدة إن شاء الله

انت من قلت جذي عرفت انك كويتي خ
المطاعم الي اكلها حلال منتشره هناك ولله الحمد
وتخيل ان شركات الطعام الاشهر في سريلانكا هي شركات الطعام الاسلاميه لان كل الشعب يحب اكل المسلمين
اول شيء ابي اقول انكم اذا كان معاكم سايق هو بيدليكم على المطاعم المسلمه حق كل منطقه
واكل الفنادق على حد عملي كله حلال بس بعض الفنادق يكون عندها الخنزير اكرمكم الله ابعدوا عنه
والمطاعم الي ذاكرها هي
كاندي :
كنتاكي - وفي مطاعم كثيره بس انا ما رحت لها
نوراليا :
مطعم فندق جراند الهندي وكله عرب - مطعم ميلانو ( صاير باخر سوق نوراليا )
بنتوته :
طبعا كان اكلنا ياما بالفندق او بالمطاعم البحريه وانصحكم فيها لانها جميله ورخيصه
واكلنا برياني بمطعم هندي مسلم على الطريق في بنتوته بس والله اسمه راح عن بالي بس صوره موجوده بتقريري
كولومبو :
منتشره كل المطاعم فيها مثل كنتاكي - بيتزا هت - ماكدونالدز
اما مطاعم المشاوي والكباب واللزي منو ما اعتقد موجوده هناك لاني ما شفتها ولا سمعت عنها اصلا
اتمنى اكون افدتك ولو بشيء بسيط والشباب فيهم الخير والبركه بيفيدونك احسن مني ان شاء الله

ولا تشيل هم العرب هناك
تلتفت يمين بوجهك سعودي ترد يسار مبتسملك اماراتي
تنحاش منهم يحضنك عماني ههه

^^
شكرا لك
بس انا بحريني مو كويتي
وطبعا ما تفرق كلنا اخوان :d

ههه
مافي فرق بين البحريني والكويتي عيال عمومه وانت عارف

السلام عليكم
انصحك كثر من فطور الفندق وخذ معك قدر ضغط وسخان كهرب واكبس في الفندق سمك ومكرونه اكل المطاعم يخوف حتى المطاعم العالمية قريت من كذا عضوا انها مشكوك فيها لوجود بعض مكونات الخنزير فيها يوجد مطعم عربي لبناني بوفيه مفتوح في فندق قلداري اكلهم ممتاز