السلام عليكم ورحمة الله وبركاته
اخواني الاعضاء انا قرات بعض المواضيع و ايضا بعض الاستفسارات, لكن بقي عندي استفسارات اذا تكرمتوا
انا مسافر ان شاء الله مع الوالدة سياحة فاتمنى تاخذون هذا في الاعتبار في الاجوبة يعني اذا فيه اماكن ما تناسب سن الوالدة او ماراح تنبسط فيها وكذا
السفر لنيويورك وفلوريدا
السفر راح يكون بشهر سمعت انه بارد جدا وهو ديسمبر فهل ممكن اخذ جاكيت واحد من هنا واشتري الباقي من هناك افضل ؟
بالنسبة لفلوريدا ما راح أقدر اسوق سيارة لظروف و ابغى اروح لأورلاندو عشان الحدائق و water world
لكن الملاهي ماراح أقرب منها ما أحبها وكمان معايا الوالدة , ايش الفنادق أو المنتجعات اللي تنصحوني فيها وكم المدة المناسبة لأورلاندو؟
ابغى اروح ميامي ايضا عشان البحر, كيف الطريقة للذهاب من أورلاندو لميامي أو العكس من ميامي ل أورلاندو؟ وانا ما عندي سيارة
وايضا ايش الفنادق اللي تنصحوني فيها قريبة على البحر والشاطئ وكم يوم يكفي ؟ هل ميامي عبارة عن بحر وشواطئ فقط ولا فيه أماكن سياحية أخرى لزيارتها؟
ياريت تأخذون في الاعتبار عند اقتراح الفنادق قربها من أماكن السياحة والمطاعم .
بالنسبة لي أنا مسافر لغرضين السياحة والتسوق , فحطيت نيويورك عشان سمعت إن أسواقها كويسة , متى تبدأ التخفيضات في أسواق أمريكا ؟ لأني سمعت انه في شهر ديسمبر فيه تخفيضات عشان الكريسمس.
ومن فين افضل أتسوق من نيويورك أو فلوريدا ( ملابس وأحذية ) وفيه ناس وصوني على فساتين سهرات (: هذي فين الاقيها بأسعار معقولة؟
هل أفضل إني أروح الأوت لت فقط لأني ميزانيتي متوسطة يعني ماراح أشتري الماركات الغالية جدا, وما {ايكم ب المحلات في التايم سكوير مثل محل macys مثلا قرأت في المواضيع انه اسعاره كويسة لكن لما شفت موقهم في النت لقيت الأسعار غالية ؟!
بالنسبة للتمشية بنيويورك هل تنفع بهذا الجو ولا فقط أقضيها بالأسواق , لأن أتوقع الوالدة ما تستحمل البرد. فهل راح نقدر نروح للجزيرة اللي فيها تمثال الحرية ونطلع لذاك البرج نسيت اسمه ؟! اللي نشوف نيويورك من أعلى ولا راح يكون برد جدا
اللي راح يسألني كم مدة سفرك , ماعندي أيام محددة أهم شي أحط لكل مكان أزوره عدد الأيام المناسب له .
سامحوني طولت عليكم