بطاقات الائتمان .. اضحى شر لابد منه>>>متعوب على كلمة اضحى;)
عموما ..
انا ماجربت الفرنسي
لكن ادلك على بطاقة الاهلي الاسلامية
تشحنيها شحن
تحطي فيها المبلغ الي ودك وتستخدميه هناك ..
ورسموها تقريبا 100 ريال
ولو ودك تحطين لها باسوورد 100 ريال
ولو ودك تستخدمينها عن طريق النت تقريبا 400 ريال رسوم
دمت بود

1. وكم القصد الشهري لاني بأخذ بحدود عشره الاف او 12 الف تقريبا

انا افيدك بالي انا اعرفه
اذا هو على سيران البطاقه في الدوله فمالها دخل في مسمى البنك يعني الفيزا من سامبا او الاهلي او اي بنك ثاني اذا وحده منهم تمشي في هالمحل مثلاً فكل الباقي تمشي
الاختلاف في مميزات البطاقه الخاصه في كل بنك مثل التسهيلات الي يعطونها للعميل ومميزات البنك نفسه
ابي منكم احد جربها او يعرف احد سبق وجربها وهل منها مشاكل وكم فوائدهم وهل نسبة الفائده عاليه ؟؟؟؟؟
هذي وبكل بساطته انصلي على الرقم المجاني للبنك وبيعلمونك كم بس الملاحظه هل انتي تقصدين الفائده الي ياخذنها اذا العميل تأخر عن التسديد ؟
اذا تقصدين هالشي فهذا مايجوز ياختي وهذا هو سبب تحريم بطاقات الفيزا لأنها تدخل في الربى

وكم القصد الشهري لاني بأخذ بحدود عشره الاف او 12 الف تقريبا

وهذا نفس الشيء ياختي مايجوز فلو تبحثين عن حلول ثانيه افضل يعني لو تاخذي قرض اسلامي من البنك افضل بكثيير وانا سمعت بعد ان فيه مكاتب سياحيه تقدم خدمات سفر بالتقسيط ابحثي عنها واستفسري عن مشروعيتها واذا انتي ماراح تسافرين الا بهالطريق فمن ترك شيئاً لله عوضه الله خيراً منه
وهل تنصحوني اذا اخذتها اصرفها مره وحده كاش ولا احجز من مكتب السياحه عن طريقها ولا اخلي جزء منها للمشتريات في ماليزيا تكفون والله اختكم دجه في هالشغلات واول مره وهل اذا سحبتها مره وحده افضل عشان تقل علي الفوائد و
اذا بتاخذي نصيحتي وتبين تسافرون لاتستخدمين بطاقة الفيزا الا في عمليات التأمين الي ياخذها الفندق الا اذا كان معك كاش وتقدرين تسددين المبالغ الي عليك في البطاقه قبل لا ياخذون عليك رسوم تأخر التسديد وباقي امورك اذا مامعك كاش خذي لك قرض بسيط من البنك يكفي لتكاليف سفرتك احسن من انك تاخذين برنامج التقسيط الي على بطاقة الفيزا لأنه مثل ماقلت مايجوز واذا الاقساط فيك فيك فالقرض الاسلامي افضل لك والافضل منها كلها اذا بتسافرين بالاقساط افضل انك تأجلين السفره لين تجيكم القدره وتسافرون بدون ماتحتاجون للبنك
وفي الاخير اتمنى ان كلامي يكون مقبول عندك واني اكون افدتك واي استفسار انا جاهز

اخت رغد خذي التجربه من من جرب اكثر من بنك
انا جربت اكثر من بنك في التعامل مع الفيزا بس انا بعطيك الشور الحلو وانتي بكيفك
بنك الرياض عنده فيزا اسلاميه جديدة برقم سري يعني لو انسرقت ماعليك خوف لا بد من رقم سري في البطاقه شريحه خاصه بالرقم السري امنه عند السفر والغقامه وحتى لو انفقدت البطاقه .
يعطونك مميزات قويه جدا
1/ عند قطع تذاكر السفر الخارجيه ترسلين لهم اصوره من التذاكر ويعيدون لك 10%.
2/ اعادة 2% من قيمت اي مشتريات عن طريق الفيزه من اي مكان.
3/تقصيد المبلغ عليك بدون فوائد ابدا لأنهم يأخذون رسوم سنويه اما دفعه واحد او اقصاد على حسب الرغبة.
4/امكانيت السحب كاش بدون فوائد ولو كان المبلغ بالكامل .
5/ القصد يسحب منك 5% من قيمت المطلوب عليك فقط عند صدور كشف الحساب واذا تبين ترفعين نسبة السداد بكيفك
6/ لا تسحب الفيزا من اماكن المحرمه كالبارت وغيرها وهذا شئ مميز.
انصحك فيها والله ارتحت جدا لستخدامها كثير لأنها شر لابد منه والبعد منها بشكل عام افضل .
ملاحظة يجب التنبيه على الموظفه او الموضف والتأكيدعليهم بتسجيل كم نسبة القصد 5 او 10 او او %
وكذالك مدة استخراجها اذا ماحرصتو عليهم يأخذون وقت .
اتمنى ان قد افدتك والله يكتب لك الي فيه الخير

/ عند قطع تذاكر السفر الخارجيه ترسلين لهم اصوره من التذاكر ويعيدون لك 10%.
2/ اعادة 2% من قيمت اي مشتريات عن طريق الفيزه من اي مكان.
3/تقصيد المبلغ عليك بدون فوائد ابدا لأنهم يأخذون رسوم سنويه اما دفعه واحد او اقصاد على حسب الرغبة.
4/امكانيت السحب كاش بدون فوائد ولو كان المبلغ بالكامل .
اذا هذولي الشرطين موجوده فهذا حل ممتاز جداً لأن العمليه مافيها اي شبهة ربى وقانا الله واياكم منه واعتقد هذا حل مناسب

اخي الكريم
أول عشق القلب : جزاك الله الف خير وجعل هالنصايح في ميزان اعمالك والله انك صادق في كل ماقلت
اخي ولد عز انا ابي الفيزا تساعدني عالمصاريف مو اروح اشحن عالعموم مشكور على مرورك الكريم
اخي mr_3838 مشكور عالافاده لاكن انا ماعندي حساب في بنك الرياض عادي يعطوني ولا لا

السلام عليكم
خوذي بطاقاة بنك الرياض الاسلاميه الجديده من مميزتها
1 - خصم 10 في الميه على تذاكر الطيران
2 - خصم واحد في الميه على المشتريات
3 - اول سنه مجانا بدون رسوم اصدار وبعد السنه الاولا راح يكون رسومها السنويه 150 ريال في السنه
وبنك الرياض معروف من ناحية بطاقاة الفيزا احسن بنك في السعوديه
واذا حابه تقدمين عليها قوليلي وازبطق فيها
سلام

بالصراحة نصيحتي لا لا لا ثلاثة لاآت
لا للسفر اذا ما توفرت المقدره
لا لاستخدام بطاقات فيزا والتعامل بها
لا للمخدرات
ههه
بالصراحة احترت في الاء الثالثة وقلت خلينا

إختي فيه بطاقة الأهلي مسبقة الدفع ممتازة جدا أنصحك فيها وإنتي تودعين فلوسك فيها يعني البنك ما يطالبك بشي فقط اشتراك سنوي 100 ريال

صراحة انا اول مرة في حياتي أجرب فيزا البنك الفرنسي وكانت اول وىخر مرةةةةة
لأنه ياخذون كثير فلوس وهاتك نصب على الناس!!!! انتبهي ثم انتبهي ثم انتبهي
انا راح اجرب البطاقة اللي قال عليها الأخ مهند من البنك الاهلي بكذا مافي أحد راح يطالبك بشي أبد!!!!
الغرض منها فقط لتسهيل المشتريات كونها معروفة عالميا وحتى ماأشيل كاش كثير