وينكم يا اهل الخبره تكفون ابي احجز الفنادق بس ناطر المساعده

من وجهة نظري الشخصية والمجربة
السكن في كولون افضل بكثير والسبب :
الاسواق الليلية و المجمعات اغلبيتها والدارج زيارتها موجوده فيها
اما هونج كونج ايلند ففيها اوشن بارك وباقي المجمعات
التنقل بين المكانين يكون عن طريق نفق الهاربر ويكون رسوم التاكسي للتنقل بالدخول والخرج حتى لو لم تخرج من هونج كونج ايلند

مكتوب كويتي
مشكور اخوي مكتوب كويتي والله يعطيك العافيه
بس ودي اسألك ماعليه تحملني شوي اي وحده فيهم تكون قريبه من الدزني لاند و وين مكان المجمع اذا ماخاب ظني اسمه باسفك بلاس وهل الرسوم مالت النفق غاليه (اذا تقدر اتخلي المبلغ بالدينار)

السكن في كولون أفضل خاصة ناثان روود

بالنسبة للسكن القريب من ديزني لاند هونج كونج باعتقادي ان القطار يسهل كل الامور للتنقل في هونج كونج
والنفق على ما اعتقد ان السعر كان
0دولار هونج كونج = حوالي 1.200 د.ك
طبعا هذا السعر راح يندفع عند الوصول الى هونج كونج ايلند وايضا راح يندفع نفس المبلغ عند العودة الى كولون

niq
مساء الخير اخوي ان شاء الله انا راح اكون هناك 8/7
وججزت فندق روعه روعه وأطلاله ولا بالاحلام
تقدر تشوفه علي google
وهذا اسمه intercontinental crand stanford
وأسم الغرفه harbour view room king
وسعرها من سفريات بالكويت الليله ب 60 دينار كويتي
وعلي فكره ياأخوي شيكت علي اغلب فنادق هونج كونج هذا افضل سعر وافخم شي حصلته

مساء الخير
فندق intercontinental grand stanford
اسم الغرفه harbour view room king
السعر من سفريات بالكويت 60 دينار كويتي الليله
وهذا يعتبر من افخم الفنادق الخمس نجوم في هونج كونج
والاطلاله روعه
وبالتوفيق ،،،،،،،،،،

1. اخي الكريم


2. من خلال خبرتي الجيدة الحمد لله في هونج كونج انصحك بالاتي

اخي الكريم

من خلال خبرتي الجيدة الحمد لله في هونج كونج انصحك بالاتي

1. تحجز في كاولون " اشرح , اجمل , تطل على ناطحات السنترال , شوارعها انظف بشكل عجيب , اسواقها مرحة , المشي فيها جميل , الواجهة البحرية المطله على فكتوريا هاربر , الفنادق ذات مستوى احلى , مناسبة اكثر للعوائل "
2. مثل ما تفضل الاخ الكريم فندق انتركون جراند ستانفورد رائع جدا و في نظري اخذ الخيارات التالية راح يكون جدا جدا جميل
انتركونتيننتل الواجهة البحرية . كافضل موقع في كل هونج كونج
كاولون ريجال . جيد و سعره ارخص من المنافسين
جاردن رويال . روعة فخم موقعه ممتاز بجانبهم . مطاعمه جميلة جدا و هادئ و غرفه مناسبة
جراند ستانفورد مثل ما ذكر الاخ الكريم
رومنسية و روعة في الغرف ......................... الدبليو هوتيل
قريب من المجمع هاربر سيتي .............................فندق ماركو باولو موقعه ايضا جميل جدا
كاولون اقرب لديزني لاند و ان كنت ارى انه في كل الاحوال ديزني بعيدة عن الاثنين
عشان توصل لديزني لاند لازم تنزل لاحد المحطات و تروح امام الشاشة الالكترونية و راح تشوف ديزني باللون الزهري اضغط عليها و ادفع و كر العملية على عدد التذاكر المطلوبة و بعدها توجه للقطار و راح تغير القطار عند نقطة تحول ديزني و قطار ديزني مرسوم عليه شعار ميكي ماوس في شبابيكه
بالنسبة للتنقل بين كاولون و السنترال جدا جدا بسيط و سهل
بالتاكسي يكلف 60 دولار هونج كونجي يعني 30 ريال
بالقطار ايضا بامكانك عن طريق مقطورات المترو الاندر جراوند و اسعارها في متناول الكل رخيصة جدا
اذا عندك اي استفسار لا تتردد و ما راح اقصر معاك باذن الله

Mad_Lion143
مشكور اخوي والله يعطيك العافيه