انا من سكان مدينه الدمام..
انوي السفر للصين لاشتري اثاث للمنزل بعد شهر تقريبا..ولكن ماعندي خبره بالصين أبد..
وعندي كم سؤال:
- كم تحتاج الفيزا عشان تطلع؟؟
- هل احتاج مترجم هناك؟؟
كم سعر التذكره من الدمام الى الصين؟؟وبأي خطوط؟؟
- اريد مواقع محلات ومصانع الاثاث(كنبات-طاولات-سجاد - ابجورات - الاكسسوارات والتحف) بالصين بشرط يكون مزود باسعار منتجاته..(اهم شي..)
والبضاعه اللي ناويين نجيبها تكلفنا لو شريناها من الدمام تقريبا 100,000وهي:
- ثريات(25 ثريه حجم متوسط - 3 ثريات حجم كبير - 2 ثريات حجم كبير جدا للقبب )
- سبوت لايت(عدد 400 حبه)
- اناره خارجيه للحوش ارضيه وجداريه
- طاوله طعام(14 كرسي)
- مغاسل خشبيه للمجالس(وحده 3 أحواض - ووحده حوضين)
- خلاطات للحمامات (9 حمامات)
- غرف نوم(6 غرف نوم من غير دولاب الملابس)
- افياش الكهرباء للبيت كامل..
^
^
^
^
تكلفنا لو بنشتريها من السعوديه تقريبا 100,000 كم تتوقعون تكلفني لو شريتها من هناك؟؟؟
ماشاء الله اسألتك كثيرة ...
وتبي تعرف كل من مكانك ...
شوف انا راح انصحك نصيحة ....
هالاشياء لاتشتريها من الصين ...
سبوت لايت(عدد 400 حبه)
افياش الكهرباء للبيت كامل
والسبب .. هذي اشياء رخيصة اصلا ... وماتسوى انك تشتريها من هناك ...
وبعدين عشان تضمن الجودة ... اشترها من بلادك ؟؟ هذي نقطه ..
النقطة الثانية ... اي شي فيه كهرباء ابتعد عن الصين ... لان نظامهم مختلف ...الا اذا راح تشترط عليهم مواصفات خاصة ... هذا شي ثاني ...
بخصوص باقي الاشياء ... لازم اخووي ترووح بنفسك ... وتشوف وتختار اللي تبيه وتثامن عليه ...
انت شغلك كله راح يكون في 3 مدن ... مدينة فوشان .. للادوات الصحية ... ومدينة شنده .. للاثاث ... ومدينة جونشان .. للاضاءة ...
صعب انه حدد يحدد لك الاسعار .. لان الاسعار تعتمد اعتماد كلي على البضاعة ...
وبعدين مثل ماقلت لك اخوي ... صعبة انه يتم تحديد المحلات اللي تبيع غرضك ...
احنا نتكلم عن مدن متخصصه في هذا المجال ... ومل مدينة .. فيها المئات ان لم يكن الالاف من المحلات ...
كلنا كنا مثلك فالبداية ...
انا انصحك انك تقرأ التقارير اللي كتبها اللي سبقوك في هذا المجال ...
والله يوفقك اخووي ..