يرفع في انتظار الشعيبي

وعليكم السلام ورحمة الله وبركاته ...
حياك الله اخوي خالد وحلوة حركة الكتابة الصغيرة
اول شيء احب ابين لك اخوي وللكرام اللي يراسلوني على الخاص
او الايميل اني غير متواجد بماليزيا وانما بينكم
انا الان بمنزل والدتي الله يطول عمرها في طاعته بجدة .
لأنه بعض الكرام الله يسلمهم يحسبوني عايش بماليزيا
ارد عليك اخوي خالد ...بغيت تعيش بماليزيا لين تلقى فرصة
تناسبك ...كلام جميل ...اذن رأيي انه ماعليك في برنامج
البيت الثاني بماليزيا الا لو كنت ناوي تتملك بيت بماليزيا .
بغيت سنة ...ممتاز ...تدخل بأي صفة ...لابد يكون عندك هدف .
تبغى تصير طالب ...رأيي انك تخليها 3 شهور وترجع فترة
وترجع لهم 3 شهور وبعدها ترجع ...يصير تكسب اشياء منها
تشوف اهلك وقرايبك بين فترة وفترة وما تحتاج الى تأشيرة
وايضاً لاجل يكون عندك حصانة سائح ...حصانة سائح هذه مايعرفها
الا اللي يتمسك من الشرطة او غيره لاقدر الله ...مثلاً شيء بسيط
السي دي المنسوخ (المزور) ممنوع بماليزيا وتراهم يمسكون البائع
والمشتري ويسمونه (سي دي حرام) واسئل اي ماليزي وراح يرد عليك
لكن ان كنت سائح وتريه جوازك ما يقدر يكلمك العسكري ويقول لك
تفضل ...وتلاحظ ببينانغ بشارع باتو فرنجي يبيعون السي دي
المنسوخ ولا احد يكلمهم لانهن عارفين انه منطقة سياح ...وترى
السائح عندهم له حصانة قوية واي شخص يخاف يوم تقول له
الشرطة السياحية .
وان بغيت تجلس سنة متواصلة اجل لا بد من فيزا وكشف حساب ...الخ .
ولابد تحط هدفك ...سوي مثل ما افعل ...ادخل اني سائح واصير طالب
وزائر وابحث عن تجارة ومعارف واسوي كل اللي ابغاه وان سألوني
انت ايه ...ارد انا سائح
بغيت تدخل طالب تراها سهلة وندلك على ناس يمشوا لك الموضوع
ومو شرط انك تدرس واقلبها اللي بغيته ...لكن تصير قدام الناس انك طالب .
تبغى تشتري بيت هذه عاد قصتها ثانية ...وقتها نعطيك رقم محامية ماليزية .
رأيي الاولاني اشوفه الانسب ..ومنها تجرب وتشوف هل ماليزيا هي
الدولة المناسبة ومنها تاخذ فكرة للتجارة الرابحة واللي عليها اقبال
ومنها تصلح معارف وصحبة ...الخ .
وان بغيت تستأجر بيت عندك من 300 ريال بالشهر ل4000 شهرياً .
كان في فيلا تبع داتوك ماليزي وهو مسافر ببيرطانيا فرغب انه
يؤجرها ب3800 ريال شهرياً ...فيلا جنب النهر ....تصور ..جنان .
علمنا كيف بغيت وربي ييسر الخير بأذن الله وان صرت في يوم من
الايام ماليزي وصرت داتوك او تان سيري عاد لا تنسانا
موفق بأذن الله ولك تحياتي اخوي خالد والسلام عليكم

السلام عبيكم
أخي الشعيبي ماقصرت والف شكر على ها المعلومات
وفيت وكفيت كا العادة اخي الشعيبي صراحة اعجبني
الدخول كا طالب لان اخوك شوي كسول ويومي بسنه
واخاف تنتهي الثلاث شهور وانا ما سويت شي ياليت تعطيني
بعض المعلومات عن فيزة الطالب وهل اخذها من ماليزيا ولا لازم من هنا
وكم لازم ادفع فلوس وكم المدة الي اقدر اخذها
تحياتي لك اخي الشعيبي وامد الله لك في عمر الوالدة [/s

وعليكم السلام ...
الله يسلمك اخوي خالد وتراك اخونا بارك الله فيك .
اللهم امين وربي يتقبل دعائك ورحم الله والديك وامدهم بالصحة والعافية .
اخوي خالد ترى الفيزا تكلف في حدود 410 دولار امريكي .
وان بغيتها تسويها هناك ...بمعنى تدخل سائح وناسبتك الدولة
وحبيت تأخذ تأشيرة طالب يصير تدفع 410 دولار وفوقها غرامة
بمقدار 180 دولار تقريباً ...وتضيف ثمن التأمين الصحي الاجباري
وهو بسيط .
افضل شيء لاجل تكون على بينة وتتعامل مع شيء موثوق ..
ان شاء الله الليلة هذه ان ربي احيانا ارسل لك على الخاص رقم
وايميل ينفعك في هالخصوص وتتفاهم معاهم في كل صغيرة وكبيرة
وهم بأذن الله راح يدبرونك بمعرفتهم
لكن اخوي ارفع مشاركاتك ل15 لاجل تستطيع استلام الرسالة
الخاصة ...عاد شارك في اي بوابة سافرت لدولتها وساعد الناس
او رحب بالضيوف او قول اللي تبغى الله يسلمك
موفق بأذن الله اخوي خالد وندعوا الله ونرجوه انه يوفقك دنيا واخرة .
ولك تحياتي والسلام عليكم

السلام عليكم
مشكور اخوي الشعيبي واللة يعطيك العافية
لكن اخوي ثمان مشاركات دفعة وحدة قوية علي
لكن راح اشكرك في ثمان مشاركات ضمن ها المشاركة
وانا اسف على ها الحركة لكن صاحب الحاجة ..............
تحياتي لشخصكم الكريم

اخوي الشعيبي الف شكر

اخوي الشعيبي الفين شكر

ما قصرت اخوي الشعيبي