نشر في الكويت

برامج العمره الرمضانيه

طيف الاحزان

16-04-2022 - 04:59 am

صباح الخير
الى اخواني واخواتي في الكويت
ابي اعرف اذا في احد عنده معلومات عن العمر بداية رمضان
لو اخذتها من الكويت
بكم
وابي فنادق خمس نجوم
مثل دار التوحيد والهيلتون والمريديان ومكه سوفتيل
ابي بس السكن
لان عندنا حصلت ليلتين ب11000 وبدون وجبات
واتمنى انكم تفيدوني باقرب فرصه
وصح انا ابي العمره تكون بداية رمضان اما 1 والرجعه 3 او 4 والرجعه 6
وماراح انساكم من الدعاء
تحياتي

التعليقات (9)

سلطان الشرقية

16-04-2022 - 08:31 am

هلا ومرحبا اختي
حبيت اعلق على المبلغ المذكور 11 الف ليلتين؟؟
مستحيل انتم حاجزين غرفه او الفندق كله ؟ ههه
اخاف انج غلطانه وزايده واحد زياده
ماعندنا بالسعوديه كلها فنادق بهالسعر ابدأ
تحياتي: سلطان الشرقية

بندر الخالد

16-04-2022 - 09:32 am

السلام عليكم ورحمة الله وبركاته
اخوي هذه اسعار الفنادق اللي جنب الحرم
ووصلت الليله في احد فنادق مكه العام الماضي ب 49الف ريال لليلة الواحده في العشر الاواخر من رمضان !!!ََ!!
والله يوفقكم اختي طيف ويتقبل منا ومنكم عمرتكم
اخوكم
الخ بندر الد

daloolh

16-04-2022 - 10:33 am

جراند كورال ( الريجينسي سابقا الليله 1120 ريال
والابراج انا حجزت فيها 3 ليالي 3999 ريال
بس الحين فل

سلطان الشرقية

16-04-2022 - 11:34 am

ايه نعم اخوي daloolh
هذه الاسعار الي نعرفها
لكن ماتتجاوز الى 11 الف بالليله او ليلتين
ولا ادري كيف نظام الشركات في الكويت ,
لآني اشوف بالبحرين الي يبون يروحون العمره يسافرون عن طريق مطار الملك فهد الدولي لسببين وهم انها تحسب رحله داخليه , وسعر الرحله تكون اقل وكذلك العمره
عمومأ نتمنى لكم عمره مقبوله ونتمنى ربي يسهل عليكم

فهد2006

16-04-2022 - 12:35 pm

اختي طيف الاحزان حياج الله وكل عام ونتي بخر
هذى رابط مكتب سفريات في منطقت حولي
فيه جميع الفنادق والاسعار
وانا اتصلت فيهم وبلغوني انهم نزلو الاسعار بس لحد الحين ماتغير من الموقع تابعيهم علي الموقع او اتصلي عليهم
وتقبل الله طاعتج مقدماً
http://www.activexholidays.com/ar/news-detail.asp?id=28

طيف الاحزان

16-04-2022 - 01:36 pm

اخوي سلطان الشرقيه
دق على سفريات اسله
واسئلهم عن دار التوحيد وشوف ايش بيقولون لك
ماظن اني داخله امزح ولو كان ليلتين ب1000 كان حجزت لك تعتمر معنا

طيف الاحزان

16-04-2022 - 02:37 pm

اخوي الكريم
بندر خالد
صح العام وصلت الاسعار لكذا
وبسبب الغلا رحت وسكنت بجده
لكن هالمره المشكله اني بعمر الوالد والوالده
يعني ماقدر اشحطط فيهم
ومره مره شكرا على مداخلتك
والف تحيه لك ياخوي الغالي
اختك

طيف الاحزان

16-04-2022 - 03:38 pm

دلوله
جراند كورال بعيد شوي
والابراج قالو لي اذا بايام الاسبوع 1000
بس انه فوول
مشكوره ياحبيبتي
وعمره مقبوله مقدما
تحياتي

طيف الاحزان

16-04-2022 - 04:39 pm

فهد 2006
مشكور مره وماتقصر
والله يعطيك العافيه يارب
وان شا الله لو ربي سهل ورحنا بدعي لك
تحياتي

الكويت المسافرون العرب

برامج العمره الرمضانيه