اخى الكريم الكثى باسفك رحت عليها مرتين خوش طياره ركوبها متعه مريحه وهتمام من الطاقم هذا الى انا شفته اما بخصوص ارحله من السعوديه الى هونق كونق ..ثما اذهاب من هونق كنق الى الصين القلب اشباب يروحون لاقرب منطقه وهى اقوانزوا لانها غريبه على هونق كنق ..
اما بخصوص التذكره انا قاصها من فتره 240دينار كويتى ..
اما بخصوص الجو القلب الاحيان جو شرق اسيا استوائ
بس انا انصحك ان تروح على التايلنديه عشان راحتك فى المشوار ..المسافه طويله.. فى شباب من ربعى راحو على التالنديه قالولى اريح لانهم ريحو فى تايلند ذهاب واياب منها تشوف تايلند
مع الف سلامه

http://www.cathaypacific.com/cpa/en_INTL/homepage
هذا موقع طيران الكاثي باسيفيك
تحياتي

شاكر لكم اخواني
وربنا يوفق الجميع

الكاثي باسيفيك خطوط جيده واتصور هي الاحسن في الذهاب الى هونج كونج مباشره. اليوم انا عندهم في شارع الاحساء في الرياض . السعر بحدود 3300 الرياض_هونج كونج_ الرياض , بس العوده توقف شوي في المنامه بحدود ساعه ونص.
امس سألت في القطريه السعر اقل من 3000 بقليل يعني بحدود 2950 ريال سعودي , مكاتبهم في مبنى التعاونيه . مشكلة القطريه التوقف في الدوحه وهناك سبب اخر بالنسبه لي لاني سأذهب ان شاء الله الى كوالالمبور لذلك ارخص لي عدم تغيير الخطوط. رحلتي ستكون في 22 هذا الشهر تقريبا الرياض_ هونج كونج_كوالالمبور , مع الدخول لبعض مناطق الصين ولكن بالقطار. عموما السعر الكامل لهذا الخط سيكلف 3800ريال تقريبا
اذا هناك خيارات افضل ارجو من الاعضاء ابداء ما عندهم وشكرا

الأخوين
وستا
fahad123456
إسمحا لي أن أخالفكما الرأي قليلاً ولو أن خطوط الكاثي باسيفيك من أفضل الخطوط العالمية إلا أن مسألة الوزن للعفش واما يأخذه الراكب معه على متن الطائرة مزعج جداً فلا يسمح للراكب حمل سوى 7 كيلو معه في الطائرة مع وزن الشنطة أو الهدايا ويستثنى من ذلك المحمول
والوزن المسموع بشحنه 20 كيلو ولا يمكن التغاضي عن نصف كيلو زيادة
وهذا ما سبب لي ولزملائي كثير من الحرج والمشقة خلال رحلتنا من البحرين إلى هونج كونج فجاكرتا فتلك الإجراءات والجدال الطويل مع الموظفين بشأن الوزن فوت علينا رحلة العودة فلا هم سمحوا لنا بترك مازاد عندنا من وزن ولم نوافقهم على دفع المبلغ المطلوب لضخامته وذلك بالتحديد في مطار هونج كونج حتى أرغمناهم على ترك بعض العفش لديهم وليفعلوا به ما يحلوا لهم
وقد بدأت المعاناة بدءً من مطار البحرين بل وحتى مطار جاكرتا والمصيبة العظمي مطار هونج كونج .
للتنبيه فقط 7 كيلو مع الراكب و20 كيلو للشحن ومازاد لا بد من دفع رسوم له وسعر الكيلو الزائد خيالي جداً
وللجميع تحياتي

majestique اخى الكريم ..شكرا على توضيح الوزن للاخوان انا رحت عليها مرتين يسمحون 25 كيلو وهاند باق الى بأيدك 10كيلو عن تجربه
مع تحياتى

اى افضل خط
الى عن طريق دبى , بحرين , قطر , السعوديه ؟!

أحنا اكلناها مرتين .. دفعنا فرق الكيلوات الزائده مرتين .. في مطار كوانزوا .. ومره الثانيه في مطار بانكوك .. طلع علينا اغلي من بيع السوق ..
نصيحه .. لاتأخذ معاك اكثر من 20 كيلوا علي الطياره ..
الباقي .. أما أنك تخليه في الكونتينر .. أن كنت جلبت معاك كونتينر ( بس لاتخلي فيه اشياء مقلده مشكله في بلدك انت )
أو أنك تشحنه شحن جوي يأخذون علي الكيلوا الواحد دينار ومئه فلس بالمعمله الكويتيه وينشحن واصل خلال يومين وأيضا لاتخلي فيه اشياء مقلده لانها مشكله ..
نصيحه لاتصيرون سذج مثلنا وندفع علي الاغراض مرتين وزن زائد !!!!!!!!!!!!!

طيب يا اخوان الخطوط الثانيه كم المسموح عليها؟ يبدو لي بحدود العشرين كيلو ايضا.
من سنتين كنا طالعين من اوكلاند الى هونج كونج صراحه ابتلشنا بعفش واحد من الشباب صرنا ناخذ من عفشه ونحط في شناطنا
المهم بعد الحوسه والربكه دخلنا وختمنا الجوازات وانتظرنا وطال الانتظار لحد ما الغو الرحله بسبب عطل في الطياره. المشكله دافعين حق الفندق في هونج كونج نفس اليوم وكذا راحت علينا فلوس اول ليله. رجعنا اوكلاند ونمنا في فندق حق المطار ومن بكرى طلعنا الى هونج كونج . من حسن الحظ اننا حاجزين الفندق من نفس مكتب الكاثي باسيفيك في اوكلاند , عاد في هونج كونج استلمتهم فاكسات ومكالمات وما خليتهم من الشكاوي.
حتى بالطياره وحنا راجعين الرياض بعدها بكم يوم ناديت رئيسة المضيفين وشرحت لها الوضع وقلت بكتب شكوى قالت اكتب وانا تحت امرك ,
صراحه كشخه وانا اكتب فيهم شكوى وراكب طيرانهم. بعد ما وصلت الرياض بكم يوم اتصلو وقالو تعال خذ فلوسك من مكتبنا بشارع الاحساء.
صراحه ماكلوها علي