عليكم السلام ورحمة الله وبركاته
الماستر كارد تعتبر فيزا بس يمكن تقصد بطاقة صراف عاديه
بالنسبه للمبلغ اللي يروح من حسابك علي حسب المبلغ اللي سحبته
مثلا سحبت الف رنقت يروح من حسابك الف ريال زايد فرق العمله
وقت التحويل من رنقت لريال زايد رسوم العمليه حدود 35 ريال
ونصيح اذا بتسحب اسحب اكبر قدر ممكن مو كل يوم تسحب 100 او 200 رنقت
عشان ما يحسب عليك رسوم كل عمليه ويحسب عليك رسوم عمليه وحده

طيب اخوي زازا
انا سحبت 1000 رنقت 5 مرات تقريباً كم يخصمون علي فرق عمله تقريباً بالاظافه الى 35 خمس مرات على قولك
ارجوك زازا واسف لو تعبتك معي
ولكن فيه ناس حولت على حسابي وابي اعرف الي لهم بدون اظلمهم او اظلم نفسي
وترى انا والله قاعد اكلمك من حبيبك التريدرز وببوسه على خشمه اليوم لعيونك خ
ودي

السلام عليكم
معليش لو تأخرت بس كنت والله نايم
وسلم علي تريدرز دور دور غرفه غرفه ماشاء الله عليكم بالعافيه
شوف بالنسبه لفرق العمله يعتمد علي سعر الصرف في الوقت اللي صرفت فيه
كل يوم له سعر معين وبنوكنا نصابين ماتعرف كم يحسبون بس دايم منشار
و رسوم العمليه بعد مو ثابته مرات تصل 60 ريال فصعبه اعطيك مبلغ صحيح 100
لو علي سعر صرف اليوم ال 5000 رنقت = 6069 ريال + رسوم الصرف
وانت بتحصل كل المعلومات بحسابك في البنك ادخل عليه وشوف العمليات بالظبط
بعدين دائما نوصي بصرف اكبر مبلغ وانت ماشاء الله سألت كثير بس شكلك
مع التمشيات ضيعت كل المعلومات غالبا اكبر مبلغ ممكن تصرفه هو 1500 رنقت
بس فيه مكائن صرف تصرف 3000 رنقت عشان ماينحسب عليك الرسوم الا مره وحده
بس يالله معوضين خير إن شاء الله والفرق إن شاء الله مايكون كثير
وبالتوفيق إن شاء الله

الله يسعدك اخوي زازا
ونوم العوافي على قلبك
وانا والله فاهم عليكم واعجبك ولكن الفزعات هي الي لخبطتني شوي
وياليت تفيدني اسم البنك او الصراف الي يسحب 3000 لأن الراجحي ما يسحب الا 1500 بس

سلم لى موظفى التريدرز واحد واحد ...
لاحظ اجهزة الصرف الالى مو شرط الراجحى حتى ( ماى بنك ) مكتوب عليها فئة 50 ريجنت و فئة 100 ريجنت هى فئة 100 ريجنت تعطيك 3000 ريجنت فى سحبة واحدة
اتمنى لك طيب الاقامة فى ماليزيا

اغلب الصرافات الى سحبت منه 50 قهر والله عندك تايمز سكوير في الدور 5 عند الملاهي
عندك hsbc بعد مطعم حضرموت )شفت الاشارة الى عندها مكدونلز رح يمين شفه قدامك واذا انت من هواة الرز واشتقت انصحك بحضرموت نفر لحم تكفي( ما اذكر في سوريا شي لان ما احتجت اصرف الا في التيم سكوير
كيف الجو باليل روعه ؟؟؟
غرفتي 2434 سابقا طبعا
لا تفوت فطورهم (غدا مش فطور )
حاسب حبيبي في الاخر عند التأمين حصل لى موقف معاهم وخلاني طول الرجعة معصب
حسبو على اني ماخذ من البار الى فوق 32
وحسبو على اتصال تلفون
طبعا انسى ادفع ريال تلابشت معاهم الى ان رجعو لى التأمين كامل
لا تنسى تركب سيارة القولف الى مجمع سوريا
اول ما تنزل من اللفت الباب الى قدامك مش المخرج الى على يمينك
واذا جيت تروح للمطار الرسبشن الى في اللوبي امامك قلة تكسي الى المطار ب130
اه هدوني ابي ارجع

محسودين
الله يعينك وادري انك فاهم بس امزح معك
والصرافات مثل ماقال بو عبدالله الأسفار فيه صرافات مكتوب عليها فئة 100 ورقه
و هي موجوده بس في بنك HSBC وهو لما تجي ماكدونالدز وسط شارع العرب
تخلي ماكدونالدز علي يسارك و بيتزا هت علي يمينك وتمشي شوي ويجيك علي يسارك
في عماره طويله واضح جدا فيه صرافات كثير
شوف هالموضوع بيفيدك كثير
https://artravelers.com/p/re/462330

بعد ما تم العملية اول امس
السحب الاول 1500 رنغت 1940 ريال
السحب الثاني 1000 رنغت 1300 وشي بعد 3
مدري الوضع كيف ما تهمني الى يهمنى ما اتهق هناك
تم الصرف في مصرف الراجحي في بيننغ بعد مجمع غورني 1500
وتم صرف 1000 في التايم سكوير الدور الخامس اما الملاهي

zazaz
بارك الله فيك على هالمعلومه