حياك الله حبيبي ( فارس )
أنا راح أعطيك الطريقة بالتفصيل لحجز الباص إلى بينانغ
الآن يالغالي وبسرعة ... أطلع ( تاكسي ) إلى محطة كي أل سنترال وأحجز من شركة باصات ( نايس )
رقم الكاونتر الخاص بهم ( رقم 9 ) ... وهذا عنوانهم ...
KL Sentral
Counter 9 & 10 Departure Hall
Level 1, KL City Air Terminal
32273 6473
أختر رحلة الساعة ( 9 صباحا ) ... لأن مسافة الطريق أربع ساعات .. يعني تصل بينانغ بأذن الله ( 1 ظهرآ ) ...
وللعلم : يجب أن تكون متواجد قبل الرحلة بأربعين دقيقة ...
وافي

هلا اخوي وافي يعطيك العافية اخي تعرف متى يقفل الكاونتر اليوم ؟
يعني صعبه بكرة احجز واطلع في نفس الوقت؟
شكرا جزيل لك اخي

اخوي وافي بزمن وافي
هل شركة نايس تقبل الدفع الالكتروني عبر بطاقة الفيزا ...؟
لان سفرتي مابقى عليها اللي عشر ايام وسوية كل حجوزاتي بس ناوي اطلع من بيننق الي كوالا عبر هذه الشركه
سجلت وكل شي لكن عند الدفع مايحولني صفحة الدفع !!!
فقط يحولني علي بنك اسمه lmybank

خالد المطيريي
نيابة عن اخي الحبيب ( وافي ) لاتشيل هم بخصوص الحجز على باص نايس اول ماتوصل بينانغ بكم ساعة مر المكتب واحجز على اليوم الي تبيه مافية زحمة على الحجز انا قبل كم يوم حجزت علية ولايوجد بالباص غير 5 ركاب من 23 راكب
ومن الممكن يكون فية كونتر اسفل لوبي الفندق الي انت حاجز فية واحجز عن طريقهم ( خلك نايس )
بالتوفيق

السلام عليكم
مافيه زحمه هالأيام وممكن تخلي الفندق يحجز لك بعض الفنادق يحجزون
تذاكر الباصات و إذا تبي تحجز عن طريق النت
عندك باصات الأيرولاين باص تحرك من فندق كورس قريب البرجين
وهي افخم من باصات نايس وارخص منها الواحد ب 60 رنقت ونايس ب 75 رنقت
وانا شفت الباصين فرق كبير جدا الأيرولاين باص افخم وفيه أفياش لشحن اللاب توب والكاميرا
يحرك الساعه 9 الصبح و 3 العصر من فندق كورس ويصل سوق كوينسبي مول في بينانق
وهذا موقعهم للي يبي يحجز عن طريق النت
https://www.aeroline.com.my/

هلا ولله باخوي ابو سعود العتيبي
جزاك الله خير طمنتني بصراحه ان الباصات فاضيه وهذا ماكنت احاتيه بس للاسف موقعهم مافيه دفع الالكتروني
وانا احب اخلص حجوزاتي كلها وانا بالكويت لكن هذا مايمنع اني احجزها من هناك
جاري التفكير
هلا بمشرفنا الغالي زازا
بصراحه فاجئتني بكلامك معقوله باصات شركة ايرولاين افضل وافخم من شركة نايس !!!
اللي اعرفه ان شركة ايرولاين شركه ضخمه ومعروفه وكبيره واقوى من شركة نايس بس احس باصاتهم مستهلكه !!!
اكثر من شركة نايس !!!
وتخبر ربعك يحبون الشي الفرش والجديد
بس بصراحه كلامك اقنعني خصوصا ان عندهم الدفع الالكتروني !!

السلام عليكم
بالعكس باصاتهم جديده وفخمه مثل كراسي الطائرات
وانا شفته علي الطبيعه بس كان فل وجربت نايس
ونايس بعد ممتاز بس الايرولاين افضل وفيه بعد باصات سوزانا ممتازه
غير ان الفرق بالسعر 15 رنقت لكل واحد