ام لانـآ
10-01-2022 - 12:18 am
السلام عليكم ورحمة الله وبركاته
اتمنى تكونو بااتم صحه وعافيه واحب اشكركم واشكر جهودكم اللي تبذلونها الله لايضركم
بغيت الله يعافيكم تسااعدوني بجدول لسفرتي لماليزيا
موعد رحلتنا بااذن الله في 18 _ 7 _ 1433
ممكن تتقدم يوم او تتاخر يوم
هذي اول مره اطلع انا ورجليّ برى وانا توليت ترتيبها فتكفون لاتفشلوني
ابي اسمااء افضل فنادق 4 نجووم شامله فطور والاهم من كذا اطلالتها الله يرضى عليكم
وطرق المواصلات الداخليه
والمدن ومدة الاقامه فيها والاشياء اللي تستاهل اني اروح لها
واسمع بالكاميرون وش يميزها ؟ وتستاهل ازورها وكم تبعد .؟
مع العلم ان اعضاء الرحله 3 انا وزوجي وبنتي
ابي جدول لمدة 14 يوم
واسواق رخيصه وفيها اشياء حلوه من ملابس شنط تصلح هدايا
واخيرا وش الاشيااء اللي ماتنتفوت اني اجيبها من هنااك لانهم يمدحون كوفيّ بس ماادري وشو
الله يوفقكم ردو عليّ بااسرع وقت لان حجز الفنادق بيكون بكره او الخميس بالكثير
ويعطيكم العافيه مقدمأ
انصحك تزوري كوالالمبور..بينانغ..لنكاوي
سفرتي الاولى خططتها كذا..
سلانجور أول يومين..للراحة وزيارة منتجع الصن واي
بينانغ..جلسنا فيها 3 ليال..بفندق باي فيو بيتش..إطلالة جبلية على التل والخضار.....هذي السنة غيرنا الفندق إلى بارك رويال..ومن كلام الأعضاء أنه فندق رائع جداً
وبعد ماخلصت حجز شفت بموقع بوكنج..فندق شكله حلو والأعضاء بيفيدونك عنهم أكثر مني اسمه قولدن ساندس اظن كذا
لنكاوي..كنا حاجزين بفندق لنكاوي لاقون..كوخ على البحر..رائع جداً للإسترخاء
كوالا لمبور..كان حجزنا في فندق امبيانا..ليس بشارع العرب..لكن الفندق جميل جداً
وهذه السنة بنحجز فيه إن شاء الله..مع تجربة فندق آخر بشارع العرب
ومن محلات الشوكولاته..لاتفوتين شكولاته الفلفل لذيذه وحاره وفيه أشكال للكوفيات عندهم بتجربيها كلها وكثير بتعجبك
السوق اللي مايفوت..بكوالالمبور مجمع التايم سكوير
المنتزه اللي مايفوت..الصن واي لاقون..وافاموسا
معلوماتي بسيطة..بس حبيت اساعدك ويارب اكون افدتك ولو شوي
بالتوفيق لكم