السلام عليكم ورحمه الله
قرب الصيف وقرب المتنفس والسياحه
وكثرك الاسئله والاستفسارات
فعشان كذا بكتب لكم اجاز شديد عن رحلتي الي ان الله تفيدكم
احنا رحلتنا فشهر فبراير 2007 يعني قبل 4 شهور تقريبا
مده الرحله 13 يوم
ليلتين سلانجور===صن واي لاقون
3 ليالي بيننق===بي فيو هوتيل
2 لانكاوي===لانكاوي لاقون
7 ليالي كولالمبور===نوفيتيل هوتيل
الزبده انها رحله ممتعه مع انها قصيره نوعا ما
وصن واي لاقون قمه في الاستجمام والوناسه
وبيينق صراحه تجنن احلا ايام وكنت اتمنى لو اني زايدتها يوم او يومين
الفاعليات على شاطيء الهوتيل (وكل هوتيلات ببينق)روعه جي تي سكي وبراشوتات وخيول ومساج
والسوق الليلي يوسع الصدر (احسه احلا من تشاينا تاون)
ولانكاوي هاديه حلوه نوعا ما بس الي بيروح لا يقعد اكثر من يومين او 3
وكولالمبور انصحكم تروحون منها لجنتينق (او تنامون فيها) وتروحون للمدينه الفرنسيه"بوكيت تنجي" و الحشرات المضيئه قالو لنا حلوه بس مارحنا لها هي بسلانجور يعني من كولالمبور يمكن ساعه
نجي للتسوق:صراحه انصدمنا بالتسوق هناك يعني كنا ناويننسوق وخلينا 7 ايام بكولالمبور عشان التسوق
لكن اسعارهم اغلا من اسعارنا بكثير عشان الضرائب و اسواقهم مو ذاك الزود اقصد الماركات
لكن الاشياء الشعبيه زي السوق الليلي في بيننج و الحي الصيني في كولالمبور حلوه بس عليكم بالمكاسره لقيت شنطه لاب توب ب 120 وبالاخير اخذتها ب 20
التنقل:اول ما لامست اقدامنا ارض مطار كولالمبور ماندري وين نروح او بكم لاننا ما اتفقنا مع سواق
لكن وحنا متوجهين للبوابه جونا كم واحد وقالولنا وين تبون تروحون قلنا سن واي لاقون قالو احنا نعطيكم سياره كبيره ومكيفه ب 160 احنا ما اندري يعتبر رخيص ولا غالي
وبهذا الوقت اخوي طلع من المطار يشوف اسعار التكاسي جاه تكسي قاله اوديكم سن واي لاقون ب 80
شوفو الفرق ... المهم جا نادنا وقالو اتركو ذا النصابين
انتبهوو تراا فيه كثير اول مايشوفون خليجي يدبلون السعر انتم خلو شغلكم هو المكاسر
وايضا بالخصص التنقل من كولالمبور الى بيننق ومن لانكاوي الى كولالمبور رحنا بالطيران الداخلي الاقتصادي
قصينا التذاكر من هنا قبلما نسافر
لكن بخصوص ببينج الى لانكاوي رحنا بالفري (سفينه) نسيت سعر التذكره بس ماكان مره غالي
وقصيناها من ببينج.. قلنا للهوتيل يوفرها اول ما وصلنا
وحنا حبينا الفري لان طريقه تنقل اول مره نستخدمها وحبينا نجربها وكانت حلوه
شكلي كثرت حكي بس كتبت هالموضوع رجاء ان يساعد لو مسافر واحد
وردا للدين الي اخذته من العرب المسافرين
وايت استفسار بخصوص الهوتيلات الي سكناها او الاماكن السياحيه في الخدمه
ورحله سعيده
ممكن اعرف كيف قصيتي التذاكر الداخلية من هنا ؟؟ وكيف حجزتيها ؟؟
والفيري كم ساعة للنكاوي ؟
وياليت تعطيني وين رحتي في لنكاوي لان ودي اكنسلها من سير الرحلة وازيد بيننانغ
او اروح مكان جديد بس مااعرف وين