السلام عليكم ،،،
ممكن احد يفيدنا عن تجربة عن الشقق المذكوره بما أنها جديدة
خاصة الغرف والنظافة
على حسب علمي لا يوجد افطار ؟ هل هذا صحيح
تقبلو مروري
شكرا جزيلا ،،،

عليكم السلام ورحمة الله وبركاته
هو تم تجديدها وليست جديده
الموقع من أفضل المواقع
لكن المستوي وعلي الرغم من تجديها مانصحك فيها إلا إذا سعرها طايح مره
نصيحه شوف لك غيرها مثل برنس قريب شارع العرب او اسكوت او ديربي بارك قريب البرجين
او سومر سيت في المنتصف بين البرجين و شارع العرب و مستواه حلو

الله يعطيك العافية ع الرد السريع ، وع النصيحة .
موفق بإذن الله .

عليكم السلام ورحمة الله وبركاته
الشقق فخمه و مميزه جدا ومن الشقق الفندقيه الراقيه
ممكن يعيبها فطورها فطور نظام شقق مو مثل الفنادق يعني مو منوع
موقعها تقريبا لماكدونالدز مشي علي الأقدام حسب سرعة مشيك بس
مابين 5 إلي 8 دقائق تقريبا مشي ولو تعرف فندق أستانا ماهي بعيده منه
ممكن موقعها في الليل مافيه شي بس كمشي اخر الليل علي الأقدام ماشوفه مطمئن
كوجهة نظر شخصيه المنطقه المحيطه آمنه لكن بعض الدواعيس ماتدري عنها
ماحب الأماكن المحيطه بفندق أستانا و اللي قريب منه في الليل
والتاكسي متوفر بكثره و إذا مافيه بس تقول للبواب يوفر لك علي طول
وفيه منوريل قريب جدا من الفندق تقدر تروح لشارع العرب و غيره
كفندق فخم و مميز

ما شاءالله عليك أخ zazaz مع تفاعلك السريع
بصراحة اربع مرات رحت ماليزيا وكل مره اغير فندق ، الفندق اللي عجبني بيكولو بس رداءت الفطور وعدم وجود حمام سباحة هذا اللي خلاني اغيره .
وبسبب وجود اطفالي اكون حريصة باختيار الفنادق التي توفر أعزكم الله "" شطاف ""
واحب اسكن في شارع بوكيت بينتانج بسبب موقعه الحيوي والقريب من كل ما احتاجه
سكنت في رويال بينتانج _ سويس جاردن - لكن يعيبهم البعد نوعا ما عن البافليون
عجبني فندق بارك رويال ولكن للأسف لا يوجد شطاف - الفندق موقعه حيل ممتاز بالنسبة لنا
بصراحة محتارة وين أسكن

هلابك يالحبيب ...
من وجهة نظري المتواضعة ... الخيار الأنسب للعائلة في كوالا هي ( شقق سويس قاردن ريساندس )

وافي بزمن جافي ،،،
تسلم ايدك ماقصرت
الشقق لا يعلا عليها أكثر من ممتازة بس بالنسبة لي يبيلها شوية مشي للوصول الى قلب شارع الحيوية بوكيت بينتانج

السلام عليكم
إذا تبون شقق ممتازه جدا وقريبه جدا من البافليون و شارع العرب
فبرنس هوتيل الأنسب من جميع النواحي و إن بغيتوا افضل رويال شولان
وكلهم قريبين من بعض بس الشقق لازم تكلمونهم مباشره ماهي موجوده بمواقع الحجز
او تحجزون غرفه بريمر و إذا وصلتوا هناك تعملون ترقيه لشقه بس مايكون وقت زحمه
ولكن انا اقول برنس هوتيل رائع جدا وعلي طلبكم قريب من البافليون