ياهلا عزيزتي وعليكم السلام ورحمة الله ..
بالنسبة لفندق استانا دايما يحذرون منه وخصوصا موقعه ما يناسبكم كعايلة ,, نصيحة استبعديه ..
بالنسبة للفنادق الباقية كلها ممتازة .. الملنيوم ممتاز من جميع النواحي ويقع في شارع العرب وهو الأقرب لك ..
وإذا حصرتي الخيارات عالبرنس وبارك رويال .. كلها حلوة لكن شخصيا أفضل البرنس شفته من الخارج وعجبني جدا
وموقعه ممتاز كذلك .. وهذا تقرير مشرفنا القدير وافي عن البرنس ..
فندق ( البرنس كوالا ) ... من بغى يتعب ويوصل مستواك ... بلغه خالص سلامي وقله يستريح !! https://artravelers.com/p/re/698939
أتمنالك التوفيق والله ييسر أمرك ..
أختك .. شموخ

وعليكم السلام ورحمة الله وبركاته ..
أحد أصدقائي سكن في البرنس ويمدحه وهو قريب من الرويال شولان .. بإمكانك وضع الرويال شولان كخيار وأنصحك فيه من تجربه ..
بالتوفيق ..

اشكركم اخواني على الردود .. الاغلب رشحلي فندق برنس
بالنسبه لي المسافة مهمه لاني اريد اروح للمركز مشي ..

العفو حبيبتي هذا واجب .. طيب دام المسافة تهمك ليه ما تاخذين القراند ملينيوم ؟
فندق ممتاز كمان ومعروف وموقعه ممتاز وحيوي جدا وقريب عليكي ..
البرنس ضعف المسافة تقريبا .. ولا تنسي تستخيري وربي يكتبلك اللي فيه الخير ..
موفقة أختي ..

صباح الخير
بالنسبة لخياراتك
Grand mellinum
بدون أي تفكير فندق راقي فخم موقعه مميز جداً وقريب من مركز التدريب
وش أحلى من هذا كله
حجزيه وانتي مغمضه
تحياتي...
أختك/Haty

قالولي فندق غراند ميلينيوم اثاثه قديم !!

هلا عزيزتي ..
سمعنا مثلك انو أثاثه قديم ولكن ليس متهالك والا كان حذروا منه الأعضاء , ولكن رشحته لكي لأنو فندق 5 نجوم وله سمعته
والأهم موقعه ممتاز وحيوي وقريب جدا من مركز التدريب .. والا الخيارات كثيرة ورائعة جدا في كوالا ..
طيب ليه ما تنزلين فيه كم يوم ومن هناك تقدرين تشوفين على الطبيعة وتختارين الفنادق اللي تناسبك .. مو كذا أفضل ؟؟
إلا ان كان هناك ما يمنع .. والله يكتب لك اللي فيه الخير عزيزتي ..

صعب جدا اني ااغير وانا هناك عزيزتي شموخ
صحيح نسيت اذكر اني بغيته ما يكون في قلب شارع العرب ..
والمشي رياضه ولو ان المسافة ما عتقد انها بعيده جدا
عالعموم انا توكلت على الله وخلاص حجزت برنس وعسى يكون اختيار سليم
مشكوره جزيل الشكر على الاهتمام فالرد على استفساري

اختي الكريمة
استانا سكنت فيها مو حلو والخدمة مو شي الطاقم كله هنود وغير متعاونين
والتكييف لج عليه شوي
صحصح الغرفة كبيرة
لكن ما أنصح فيه
رويال شولان روعه جربته
القراند ميلينيوم سمعت عنه كثير ويمدحونه
لكن الأثاث مو لهالدرجة متهالك
برنس اختيار موفق
حسب ما شفت من تعليقات حلوة عليه في مواقع كثيرة
الله معاك ودرب السلامة حبيبتي