1. عملت بحث لأكثر من اسبوع و دول الدول اللى جذبوا اهتمامى:

السلام عليكم,
بفكر ان شاء الله بعد رمضان اطلع اتدرب او اشتغل فى مجال ال it برة علشان اكتسب خبرات اكتر و علشان احسن مستوى المعيشة.

عملت بحث لأكثر من اسبوع و دول الدول اللى جذبوا اهتمامى:

فدولة مثل امريكا فيها فرص عمل لا حصر لها و كل الشركات العالمية بتكون فيها بس صداع و وجع دماغ و صعب الحصول على الفيزا بتاعتها و اضطهاد فلى حد ما مع العرب سواء فى القوانين او من الشعب دع غير تعقيد عملية السفر.
بالنسبة لكندا, فيها عدد لا بأس به من المسلمين, فى بعض المدن فيها عنصرية بنسبة بسيطة, و لكن الجمال الطبيعى خلاب هناك بإستثناء الطفس السىء البارد جدا فى الشتاء. و لكن من مميزاتها الهدوء و قلة عدد السكان و الفيزا اسهل.
بالنسبة لأستراليا, دولة فى التراوة بعيد عن صداع القارات الأخرى, طبيعة رائعة جدا و لكن الخبرات المهنية سوف تكون بنسبة اقل عنها فى امريكا و كندا, ارتفاع جنونى فى الضرائب بس المستوى المعيشة جامد هناك و الشعب ودود نسبيا يتقبل الجنسيات المختلفة.
بالنسبة لأيرلندا, بلد رهيبة فى الجمال الطبيعى و الشعب ودود جدا و فيها جاليات مسلمة بتساعد المسلمين دون تحيزو لا يوجد اى عنصرية من الشعب الإيرلندى على ما اعتقد, الطقس مقبول عن كندا فى فصل الشتاء فيها فرص عمل محدودة لكن دخل معيشى مرتفع و تكون مفتاح لزيارة الدول الأوروببة و اخذ الخبرات المختلفة نظرا لقلة تكلفة التنقل بين كل دولة فى الإتحاد الأوروبى. و الفيزا اعتقد سهلة عن بقية الفيز الأوروبية.
لو حد يعرف اى حد سافر اى من الدول دى و تقريره عنها, يا ريت يكتبها و اكون شاكر ليه. عامة انا مهتم اكثر ب ايرلندا ثم كندا ثم استراليا ثم الولايات المتحدة. قد اكون مخطىء فى البحث اللى استنجتله و بالتالى لو فى حد عنده رأى مختلف يا ريت يوضحه. ولو فى دولة تانية تحب ترشحها يا ريت تذكروها مع ذكر الأسباب.
شكرا على اى مساعدة