لا تخاف هونج كونج ما تحتاج مترجم اكثر الناس في كل مكان يتكلمون انجليزي بس طول بالك شوي
بالنسبة لاهم الاماكن
ديزني لاند بس انتبه رح يوم غير ممطر عشان تنبسط،
قمة البيك، اوشن بارك وستانلي ماركت
وبالنسبة للاسواق الراقية اهمها لونق هام بليس في كولون
وفيستفال وك وIFC
اذا كنت تستخدم المترو قلي ادلك بالضبط
بالنسبة للقطار الى كوانزو رح لمحطة في كولون اسمها hung Hom على المسار الاسود في الخريطة
قص التذكرة وهو تقريبا كل ساعة فيه قطار
فيه درجتين الدرجة الاولى ب 190 والدرجة البلاتنيوم ب 230 دولار هونج كونج
اقرا تقريري عن هونج كونج تستفيد منه
واي معلومات ثانية انا حاضرة
تمنياتي لك بالتوفيق ولاتنسانا من دعائك

الله يوفقك ان شالله

مشكوره وايد اختي ام فرح بالنسبه للمترو احنا نستخدم التكاسي لان مانعرف حق المترو
اما بالنسبه حق القطار نحجز قبل موعد السفر بيوم او نفس اليوم نروح قبلها بكم سااعه
واكرر شكري وطولت بالج معانا

أخ علي .. أفضل طريقة للتنقل في هونغ كونغ هي المترو .. المترو أرخص بكثير من أي وسيلة أخرى وأسرع وسهل الاستخدام ..
مثال لاستخدام اجهزة تذاكر المترو لقطع تذاكر رحلة بين محطة Tsim Sha Tsui و Disneyland Resort ..
سترى امامك على الجهاز خريطة المترو الموجودة في هذا الرابط http://mtr.com.hk/jplanner/jplanner/cmapgif.html ..
اختر محطة الوصول Disneyland Resort .. ثم اختر نوع التذكرة Single اذا كنت لوحدك أو Multiple اذا كنتم أكثر من شخص ثم أدخل عدد الاشخاص ..
حيظهر على الشاشة المبلغ المطلوب .. أدخل المبلغ سواءا نقدا أو بالعملة ..
سعر التذكرة للشخص الواحد الى Disneyland Resort عشرين دولار هونج كونجي .. يعني 10 ريال .. والاطفال النصف ..
في هذه الرحلة حتغير المترو في الرحلة مرتين .. المرة الأولى في محطة Lai King والمرة الثانية في محطة Sunny Bay .. وهذا الشيء واضح في الخريطة ..

هو ما عندك مشكلة للحجر قبل الرحلة بس انا افضل على الاقل قبل بيوم
كم بتجلس في هونج كونج؟
اي مساعدة احنا حاضرين

الاخت ام فرح مشكوره وايد وايد مشينا علا نصيحتج ورحنا الى محطه القطار
وكانت في قمه السهوله ورحنا اوشن بارك كانت في قمه الروعه وان شاء لله نروح دزني لاند
ورحنا بليل الى مجمع هاربر سيتي ومجمع gate way في قمه الروعه

الحمد الله انكم ابسطتوا لا تنسون تركبون الفيري من كولون هي سفينة تنقلك من كولون لهونج كونج
تجربة رائعة اذ بتروح مثلا لمجمع Ifc خذ الفيري من كولون جنب مجمع هابر سيتي وبالمرة شوفوا
برج الساعة وشوفوا منظر ناطحات السحاب تجربة حلوة ومنها ممكن تروحون لمجمع Ifc ومروا على فندق الفورسيزون عندهم مقهى رائع وعندهم بعد العصر شاي وتطلب معه كيك يجيك على صحن 3 طبقات كيك وساندوش وحلى ....
بعدها ممكن تأخذون باص على محطة ترام البيك وتقضون باقي اليوم في القمة فيها مطاعم واسواق ومقاهي روحوا قبل المغرب عشان تشوفون المنظر النهار والليل
نظمت لكم جدول يوم رائع
تمنياتي لكم برحلة رائعة بحفظ الله ورعايته

مشكوره وايد اختي ام فرح والله يعطيج العافيه على مساعدنج لنا
والحمدلله مشينا على البرنامج الي قلتيلنا عنه واستاسنا وايد وايد
وانشالله باجر راح نروح بالقطار الي قلتي عنه في هونج هام الى كوانزو
والله يستر من باجي الرحله واذا عندج اي معلومات عن كوانزو اتمنى انج تفيدينا لان الاماكن الي قلتي عنها في هونج كونج جدا رائعه
واكر شكري الخاص مني ومن زوجتي

ماشاء الله عليها ام فرح عندها معلومات واايد حلوة عن هونج كونج
ورحلة ممتعة لك ولزوجتك اخوي
بس اذا معكم اطفال خذهم الى جبل القرود في هونج كونج راح يستانسون :36_1_33:
ولا تنسى يوم السبت على كورنيش كولون عروض الالعاب النارية الساعة 8 بالليل :50055:
واتمنى لكم رحلة ممتعة