hnooali757
01-06-2022 - 08:51 pm
السلام عليكم ورحمة الله وبركاته
ماودي أطول عليكم وبدخل بالموضوع ع طول
حبايبي أنا هذي اول سفره لي خارج المملكه ان شاءالله
وقررنا نسافر لماليزيا أنا وزوجي
وقت السفر ودنا يكون بداية شهر 6 او بنهاية شهر 5 ماتفرق
اللي أبيكم تساعدوني فيه حجوزات الطيران لان ودنا بسعر معقول
وترتيب المدن
أحنا نبي نروح لثلاث مدن فقط
اللي هي بيلنج وكوالامبور والمدينه الثالثة ابي رأيكم محتاره بين سلانجور ولنكاوي
مدة الايام اللي بنقضيها هناك ان شاءالله 8 ايام فقط من غير يومين السفر يعني مع يوم الذهاب ويوم للعوده يصيرون 10 ايام
ادري قليله لكن ماعندنا غير هالفرصه
اما بالنسبة للسكن عندي اشتراك مع احدى الشركات السياحيه لمدة 3سنوات مدفوع مسبق يعني مكان الاقامه بكون شبه جاهز يعني متى ما بغيت اسافر نكلم ألشركه قبل موعد الذهاب ب20 يوم وهم يجهزون السكن والفنادق 5 نجوم
وسؤالي الاخير كم تتوقعون تكلفة الررحله
واللي عنده معلومات تفيدني يقولها لي
والله يجزاكم الجنه
طبعا ( الطيران الدولي ) هو أهم نقطة ... وكل مابعده سهل بأذن الله ...
أول خطوة حاليا .. هي حجز الطيران الدولي ... وعلى ضوئه .. نعرف المدة ونقسم الأيام على المدن
أرشح لك ( الخطوط السعودية - الماليزية - الأتحاد - القطرية - الإماراتية ) هي الأبرز والأفضل
قارني بينهم وأختاري الأرخص ... وحاولي تختاري رحلة ( دايركت ) ..
إذا حجزتي الطيران الدولي ... أعطينا خبر ... عشان نبدأ الخطوة الثانية ...
وإذا بغيتي المساعدة في الطيران ... أعطيني التاريخ + عدد الأشخاص ... وأبشري