هلا بك ياعريس
عندك 10 ليالي أقترح عليك توزيعها كالتالي:
2 سلانقور : فندق صن وي بيرميد
3 لنكاوي : فندق بلانجي بيتش كوخ ديلوكس مطل على البحر
2 مرتفعات جنتنق : فندق فيرست وورلد هوتيل غرفة وورلد كلوب
3 كوالا : فندق رويال شولان غرفة ديلوكسالمجموع = 10 ليالي
الميزانينة التقريبة:
الفنادق = 6200 ريال
طيران ومواصلات بين المدن (لشخصين) = 1100 ريال
مصروف يومي = 550 * 10 = 5500 ريال (تكاسي ومطاعم وتذاكر حدائق ومنتزهات وألعاب ..الخ)المجموع = 12800 ريال شاملة كل شيء ماعدا التذاكر الدولية
بالنسبة للحجز احجز قبل السفر بشهرين أو ثلاثة وموفق إن شاء الله

المغادرون 2007
2 سلانقور : فندق صن وي بيرميد
3 لنكاوي : فندق بلانجي بيتش كوخ ديلوكس مطل على البحر
2 مرتفعات جنتنق : فندق فيرست وورلد هوتيل غرفة وورلد كلوب
3 كوالا : فندق رويال شولان غرفة ديلوكسالمجموع = 10 ليالي
الميزانينة التقريبة:الفنادق = 6200 ريال
طيران ومواصلات بين المدن (لشخصين) = 1100 ريال
مصروف يومي = 550 * 10 = 5500 ريال (تكاسي ومطاعم وتذاكر حدائق ومنتزهات وألعاب ..الخ)المجموع = 12800 ريال شاملة كل شيء ماعدا التذاكر الدولية
بالنسبة للحجز احجز قبل السفر بشهرين أو ثلاثة وموفق إن شاء الله
الله يعطيك العافية ويجزاك خير ياغالي على الافادة بس عندي مجموعة ملاحظات ياريت تجاوبني عليها ..... ماشفتك حطيت كوالامبور ابدا هل فيه حكمة من ذلك ؟؟؟ وبالنسبة لحجوزات الطيران وش افضل شركة للطيران ؟؟؟ والفنادق اللي اخترتها ليا هل هي افضل شئ وانظف وافخم شئ ؟؟؟ انا اهم شئ عندي يكون فيها شطاف ههه وهل تشوف انها كافية فترة 10 ايام في ماليزيا من غير يوم الذهاب والعودة .... معليش والله عارف اتعبتك معايا بالاسئلة بس والله اخوك ماقد سافر للخارج فاابغا اخذ فكرة كافية قبل السفر .

ولا يهمك ياغالي تعبك راحة
بس أبغاك تعيد النظر مرة أخرى في البرنامج .. ما أنت شايف كوالا؟!! هي ذي كوالالمبور بس هذا إسم الدلع
بالنسبة للفترة 10 ليالي ليست كافية ولا تحلل قيمة التذاكر
الفترة المناسبة هي 14 ليلة صافية لكن إذا ماتقدر أقل شيء 12 ليلة
تطمن فنادق هذي منقيها لك تنقية كلها بشطافات ومن النوع الأصلي كمان
دمت بخير

المغادرون 2007
ههه على بالي كوالا مدينة ثانية خ طيب ياغالي الحين انا لما ابي احجز مايطلع لي الوقت حق الرحلة فهل فيه طريقة اعرف من خلالها متى وقت اقلاع الرحلة والوصول ؟ ومن جد سالفة الشطافات والا مزحة منك
بالنسبة للنكاوي انا احس صعبة اروح بالطيارة وقلق يعني هل ممكن اروح بالسيارة والا لازم بالطيارة ؟؟ ولو قلنا بستبعد لنكاوي ايش ممكن اروح في مكان غيرها ويكون بالسيارة وحلو ؟؟ والله يجزاك عني كل خير ياغالي ويجعل مساعدتك لي في موازين حسناتك .

كيف مايطلع لك وقت الرحلة؟!! إلا يطلع وهو أهم شيء أجل الناس كيف تحجز عمياني؟!!
على أي موقع طيران قاعد تحاول تحجز أنت؟
بالنسبة للنكاوي جزيرة وسط البحر لازم طيران ماينفع تروح لها لا بالتاكسي ولا بالباص
إذا ماتحب الطيارة ممكن تلغي لنكاوي وتروح بدلاً منها لبينانج
تطلع لها بالباص من كوالا 4 ساعات

المغادرون 2007
على موقع الخطوط السعودية ياغالي ..... بالنسبة للنكاوي انتا تشوف انها فعلا تستحق يعني التجربة ؟؟؟ وهل تنفع للعرسان ..... وبالنسبة للفندق اللي في سيلانجور غريبة مااقترحت عليا فندق صن واي لاقون لاني اشوف الكل يمدحه ويقولون ممتاز ..... بالنسبة للفندق اللي في لنكاوي هل فيه افضل منه ؟؟؟ ويكون بشطاف اهم شئ ههه (ترا ماجاوبت علي في ردي السابق اذا كنت تمزح بسالفة انه الفنادق اللي اخترتها ليا منقيها ليا بشطافات اصلية او لا خ ) بالنسبة لترتيب الرحلة انتا تشوف هذا افضل ترتيب للرحلة ؟؟؟ يعني لو خليت مثلا جنتنق بعد سلانجور مو افضل ؟؟؟ انا ابيك تقترح علي لانك شكلك ماشاء الله رحت ماليزيا اكثر من مرة واكيد فاهم اكثر مني .

للرفع لإفادة الأخوان .