- حبيت اسأل :
السلام عليكم
اخواني في المنتدة صراحة جزاكم الله الف خير على هذا الصرح الشامخ اللي الواحد يحس وهو يتنقل بين المواضيع والتقارير انه زار كل الاماكن اللي تكلمتوا عنها
انا عندي كم سؤال اذا تسمحولي
رحلتي ان شاء الله على الخطوط السعودية الى مطار لندن هيثرو وصراحة اول مرة ازور لندن ودراستي راح تكون في مانشستر ان شاء الله
حبيت اسأل :
1- ايش احسن طريقة اوصل من مطار لندن الى مانشستر قطار والا باص ... الخ وكم السعر وهل ممكن احجز من السعودية او من نفس مطار لندن
2- بالنسبة للمصروف سوالي كم المبلغ اللي اشيله معاي كاش ويكفيني اول اسبوعين (مصروف الجيب غير السكن مع عايلة والمعهد لاني دفعت لهم ) وباقي المبلغ راح اخلي احد من اقاربي يحوله لي انا عندي حساب في البنك الامريكي ينفع ؟
3- بالنسبة لجواز السفر هل دائما اشيله معايا والا فيه بطاقة اطلعها وفين اكتر مكان احتفظ فيه بالجواز غرفتي في بيت العايلة والا المعهد
4- وسوال مهم بالنسبة لشهر رمضان حسب تجربتكم هل الواحد يقدر يصومه هناك لاني سمعت كثير يقولولي حاول ترجع قبل رمضان .
5- نقطة اخيرة . اتمنى اذا احد عنده رابط لموضوع يفيدني بالنسبة لمانشستر او بريطانيا عموما ياليت يتفضل ويدلني عليه لاني قريت مواضيع كثير والحمد لله استفدت
واسف اني طولت عليكم . ويارب يجزيكم كل خير ويجزي كل واحد شاف الموضوع سواء رد او ما رد لاني واثق انو اللي يملك الاجابة راح يرد ^_^
عليك الاحتفاظ بجواز سفرك في مكان آمن ولا تحتاج عموما حمل بطاقة هوية لأن لا أحد يسألك عنها