sara.m
15-08-2022 - 08:20 pm
السلام عليكم
كيفكم جميعا؟ ان شاء الله بخير
اخواني ان شاء الله انا بروح للصين مع امي وابوي بشهر نوفمبر
رحلتنا بتبدأ من جدة ان شاء الله
بس لسه ابحجز هاليومين بس مو عارفة بايش ابتدي عشان كذا لجأت لكم
ابوي بيروح للتجارة بس ناوينها سياحة بالبداية لاني بس بقعد اسبوعين وهم بيكملون
فياليت تفيدوني
بايش نبدأ ووين نروح ايش اجمل المدن والجزر
وايش اجمل الاماكن السياحية
وكيف التنقل بين المدن
والفنادق الحلوة والنظيفة
ان شاء الله ما تبخلو علي هذي اول مشاركة لي
انتظر ردودكم
شكرا...
1- ديزني لاند
2- سنترل ماركت
3- متحف الشمع ( مسوين الفنانين بالشمع )
4- شوفي هذا الرابط اكتشفتو وانا بدور في النت عن المناضطق السياحيه مره حلو كل شي في هونج كونج وحتى مواعيد مهرجاناتهم
http://www.discoverhongkong.com
مدينه شنزن
1- اشهر مكان على حسب ماسمت وقريت اسمو نافذة العالم ام يعني فيلو عجايب الدنيا السبعه وغيرها على اشكال مجسمات
2- اذا تحبي الالكترونيات والاشياء الكوبي عندك سوق كبير زي برج المملكه ههه اسمو السايقا يقولو انو اكبر مجمع الكترونيات في اسيا وتره سنزن مدينه الازياء يعني حتعجبك
في امكان في شنزن بس ولله مدري فين حفظتها ههه ادورلك عليها
مدينه قوانزو عاد دي يقولو كلها عرب كنك في جده ههه ولله ما اعرف عنها شي بس يقولو عندهم
1- السيرك
2- السفاري
بس كلها عرب واعتقد الاخوان ماقصرو انتي اكتبي قوانزو تلقي كل الامكان السياحيه فيها
بكين عاد العاصمه مايحتجلها فيها سور الصين العظيم والمدينه المحرمه لازم تروحيها لو مارحتيها انتي مارحتي الصين
اما باقي المدن مااعرفلها بس بشوفها في افلام الرعب الامريكيه ههه القرى والحركات دي