أختي أنصحك بمنطقة هادئة و ممتازة لسكن العائلات اسمها: Orange County
و رحلة سعيدة

1. أختي العزيزة ...


2. ذا قريت سموكي ماونتنز .. The Great Smoky Mountains

أختي العزيزة ...

مدينة أورلاندو جميله جدا وفيها الكثير من الأشياء وخصوصا للعواثل . أنا رحت أورلاندو قبل ثمان سنوات تقريبا و رايحلها هالصيف بشهر سبعة إنشاء الله (معاكم يعني) . لكن ما عندي خلفية عن الفلل لأني قبل ثمان سنوات سكنت بموتيل ( تدرين عزوبي عادي ) ، وهالصيف بأسكن بفندق إنشاء الله ( تدرين معاي المدام بعد مايصير موتيل! ).
المهم .. أنا كاتب الرد هذا مو علشانكم أنتوا يالعيال !!! أنا كاتب الرد هذا علشان والدكم الكريم الله يطول بعمرة إنشاء الله والذي يحب الطبيعة .. والله كاسر خاطري الوال د, لأنه بيشتاق حق النمسا و سويسرا و بلجيكا وجوهم و طبيعتهم الساحرة:rain: !!! لأن فلوريدا كلها مافيها هيك شكل، لكن كل مشكلة ولها حل وأمريكا مستعدة أنها ترضي جميع الأذواق بلا إستثناء:x1: .

ذا قريت سموكي ماونتنز .. The Great Smoky Mountains

d هذي سلسلة جبال خضراء تقع بين نورث كارولينا و تينيسي وفيها طبيعة و شلالات وأنهار وتلفريك و غير ذلك الكثير الكثير الكثير .. و من الممكن أنكم تأجرون كوخ على سفح الجبل يطل على مناظر جميلة ويمكنك أن تشوفي الأكواخ على هذا الموقع http://www.sugarmaplecabins.com
و كذلك في حديقة حيوانات و سي وورلد ومدن ملاهي وأسواق و الكثبر .. وعلى فكرة فهي ليست فقط للوالد ولكن لكل العائلة .. إبحثي عن THE GREAT SMOKY MOUNTAINS بالنت وخذي فكرة جيدة عنها كما فعلت أنا و إنشاء الله ناوي أروح لها قبل أورلاندو هالصيف إنشاء الله.
طبعا السؤال الذي ممكن أنه يدور في بالك الحين هو: شبعدها هذي عن أورلاندو!!! و شيودينا ؟؟؟؟ الجواب هو سبعة ساعات جميلة بالسيارة من أورلاندو .. سبعة ساعات بالطبع هي فترة قصيرة جدا بالنسبة للسفر داخل أمريكا . خصوصا وأن الطريق جميل جدا و متروس مناظر طبيعية و متروس محطات توقف وخصوصا بعد أن زمن سفرتكم هي شهر ما شاء الله ( وايد على أورلاندو!! ) و يسوى تغيرون جو وسطايل STYLE و تقعدون بالخظرة يعني نقول إسبوع؟! .. يعني وناسة :36_1_33:
على العموم .. أتمنا لكم رحلة سعيدة و موفقة إنشاء الله :smile001:

هلا اختي
بالنسبه للفلل ما عندي فكره وتعقيبا على كلام اخوي اللي يقول اسكنوا بالاورنج فالاورنج مقاطعه كاملة وتقع فيها مدينه اورلاندو، عموما بالنسبه للاسواق اورلاندو فيها 3 مجمعات تستاهل (فلوريدا مول، ملينيوم مول، بريميوم اوت لت)
ارخص شي واللي فعلا بتحصلين فيه فروق بالاسعار هو الاوت لت.

هلابك إختي ...
بالنسبة للشواطئ ممكن تروحون إلى ديتونا بيتش وهو قريب وعندكم أيضاً تامبا بس أبعد من ديتونا .
والأسواق عندك الاوت لت رخيص بس المنتجات راح تلقينها صنعت في دول أسيوية .
الجو راح يكون حار الله يعينكم .
لا تنسوا بالمره تروحوا لناسا " كيندي " حلوه تاخذون فيها جولة وتتعرفوا على التعامل مع الطيران إلى الفضاء .
بالنسبة للمطاعم راح تلقون مطاعم إيرانيه وعربيه
أماكن الترفيه أعجبني أكثر شيء يونفيرسال ستديوز بصراحه خرافيه
بس اللي يعيب الألعاب في أغلب أماكن الترفيه هو طول الإنتظار في اللاين حق اللعبه يعني ممكن تنتظري
0دقيقة في طابور عادي جداً .
الويتن وايلد بعد حلو جداً خاصة مع الجو الحار الالعاب المائيه فيه منعشه وروعه .
فيه بعد أماكن حلوه بس ناسي أسمائها .
إذا تذكرت شيء أبرجع أكتبه ...
وسفره سعيده بإذن الله

mhenaidy Alghaly
SwiSS ChoColaTe حاير وطاير
مشكورين وماقصرتو

الحقيقه فكرتكم روعه خصوصا اجار السياره مع النفقيشن يعني راح تستانسون وماراح تضيعون
اذا تبون فبلا انصحكم في منطقه اسمها كيسيمي وهي بالقرب من ديزني لاند ورخيصه بعد والمنطقه سياحيه بالدرجه الاولى اما الطبيعه اورلاندو جوها رطب ومافيها جبال لكنها خضره وحلوة وتقدرون تروحون حق منطقه كلير ووتر غرب اورلاندو وتشوفون البحر الجميل والشواطيء الاجمل في العالم
وديتونا بيتش حلوة ورخيصه وفي منطقه الكسيمي اسواق رخيصه جدا
وعموما امركيا ارخص من الخليج كله والاسعار روعه والمنتج بعد اصلي مو مثلنا كل شي تقليد
تروحون وترجعون بالسلامه

احنا رحناالسنه اللي فاتت بس كان بشهر 11 عجيبه الجو بارد وحلو مافيه زحمه السياح الموت اللي في الصيف بس نصيحتي لج تسوين حق كل تذاكرج للاماكن الترفيهيه مثل الدزني لاند وعالم البحار up gradeيعني مو يوم واحد لانه ما راح يكفيج ولا تنسين تروحين ميامي وشواطي المشهوره ورحله التماسيح بالقارب (نفس الافلام) الله يهنيج وتردين بالسلامه مع الاهل

احنا بنسوي مثلكم بنقعد شهر وبنتمشي في الولايات القريبة يمكن نشوفكم

1. السوق اخ الله يعينكم على الشنطات اللي بتاخذونها وياكم

السلام عليكم
اورلندوا وايد حلوه انا رحت السنة اللي فاتت مع هلي شهر سبعة
والسنة رحت مع زوجي بشهر 5 اللي فات
سكنا في Sherton Vistana Resort
وايد حلو موقعه و كل شيء فيه حلو حق عايلة كل شيء قريب .
عندج ديزني وينفارسال ستديوز و سي وارلد هذي لازم
بالليل حلو التمشي في Disney Down Town
المحلات الموجوده هناك وايد حلوه كلها شغلات ديزني انا كل مره اروح لازم اللف بلمحلات

السوق اخ الله يعينكم على الشنطات اللي بتاخذونها وياكم

Florida Mall كل شيء فية الغالي والارخيص وطبعا الارخيص الكوالتي جيد .. فيه Macys Department Store في كارت للسياح يعطونج فيه خصم 11% سألي عنه لان وايد ينفع اذا عندهم تخفيض 25% و + 11% اللي عندج يصير التخفيض 36% يعني توفير وايد زين + هذا المحل بضاعته وايد حلوه ..
Mall At Manillia مجمع راقي فيه ماركات وايد واهوا وايد حلو في مطعم Cheese Cake Factoryوايد لذيذ..
Premuim Outlet مجمع فيه محلات ماركات و محلات عاديه الماركات مثل ديور, ارماني, فرساشي, فندي, بربريز, بوما ,نايكي والكثير الكثير ماينمل منه وايد حلو بس اذا بتروحون له روحوا على الساعه 5 لانه مجمع مفتوح يصير وايد حر الصبح ....
Walmart كل شيء فيه اسعاره ارخيصه يبيع من البيبسي الى التلفزيون ...
Target بعد وايد حلو فيه اشياء زينه اهوا ارقة من وال مارت بس نفس الفكره ...
المطاعم ام مافي احلى من مطاعم امريكا
مثل ماقلت لج في البدايه عن Cheese Cake Factory لازم تروحون له اذا بتروحون اورلندوا
Olive Garden ايطالي وايد حلو لازم تجربين السلطة مالتهم.
Red Lobster اكل بحري + في باسته وشغلات اذا ماتحبين الاكل البحري.
Taco Ball مطعم مكسيكسي
Rain Forst Cafe وايد حلو موجود في Disney Down Town و Disney Animal Kingdom
اكل منوع بحري وبرجر ...
اورلندوا وايد حلوه ومريحه تلبسين اللي يريحج عكس اوروبا لازم تكشخين ماادري شنو اهناك محد يطالع احد كلن في حاله + اهل البلد وايد طيبين ومحترمين كل يتبسمون ويسلمون..
ان شاء الله توصلون بالسلامه وتستانسون