هلا اختي أنا وايد احب اسكن بهالمنطقه انصحج بملينيوم غلوستر والي أنا حاليا حاجزا فيه حق العيد وعندك فندق هوليدي ان كنزغتون فورم فندق كبير وايد بس زين وكل سنه كنت اسكن فيه بس هاي المرة غيرنا وفي فندق هوليدي ان اكسبريس وهو فندق صغير وفيه فندق ماريوت كنزغتون بس غرفه صغيرة فلازم تحجزين الغرفة الكبيرة

شكرا على المقترح مومشكلة لو الفندق غرفة صغيرة اهم شي القرب والأمان والسعر المناسب والتكييف لاني رايحة بروحي وممكن وصف للمنطقة يعني شنوفيها قريب علي مثلا محل هواتف قريب علشان اشتري شريحة جوال للبلاك بيري جمعية سوق مخبز كافيه مطعه للضرورة شنو رايكم في اوتيل the rocwell لاني احتمال ما احصل غرفه بالوقت انا ماني قادرة احجز منتظرة الأوضاع تهدا شوي وخايفة بس لازم اروح ومشكورين للمساعدة

المنطقه وايد وايد زينه وفيها كل شي وفيها محلات جوال وفيها اكثر من سوبرماركت وفيها فنادق والكثير من المطاعم العربيه والهنديه والاكلات السريعه يعني لاتحاتين لي ثلاثين سنه اسكن في نفس المنططقه وايد امينه ووايد زينه لااتحاتين

في فندق ماريوت قريب جدا جدا من المستشفى .. جباله علي طول
و يجانب المستشفى في سوبرماركت كبير سينسبري وفيه داخله مخبز و كلشي
و ايضا في بقالات و محلات قريبه جدا

هاي مجموعه فنادق ممكن تسكنين فيها
فندق بيست ويسترن رخيص يعني الليله حوالي 100 باوند
http://best-western-the-cromwell.h-rez.com/index.htm?lbl=ggl-en
هوليدي ان كنزغتون يعني االيله صاايره غاليه فيه بحدود 200 باوند بس بصرااحه فندق نظيف وامين ومايخوف
http://www.holidayinn.com/hotels/us/en/london/lonhi/hoteldetail/photos-tours
وهاي هو الماريوت الي بكروم ويل رود
http://marriott-londonkensington.h-rez.com/index.htm?lbl=ggl-en
وهذا بعد اوكي
http://www.nh-hotels.com/nh/en/hotels/united-kingdom/london/nh-kensington.html

عزيزتي ام خالد ، انا ارشح لك فندق بارك ستي ، انا سكنت فيه هالسنه ممتاز وخدمه ممتازه وغرف نظيفه وحلوه وسعره كمان مناسبهو فندق صغير مو كبير اربع نجوم بس كل شي فيه حلو وامان ، وقريب للمستشفى على بعد خطوات .