ياجماعه..... الظاهر ان السنه هذي, ماليزيا تعج بالسياح الخليجيين, يقولون ان الفنادق زحمه مافيه محط رجل, انصح اخواننا المسافرين يحتاطون وياخذون كل عدة السفر معاهم, بطاطين للنوم يمكن يتعبون وهم يلفون في شوارع ماليزيا يدورون فنادق ومايلقون شي يعني اقرب حديقه يفرشون فيها وينامون,وماينسون عدة الطبخ يعني حنا نعرف ان اصعب شي على الخليجي حرمانه من وجبته اليوميه وهي الكبسه, يفضل لو السايح الخليجي يجلب معاه قدور الطبخ وماينسى رز المهيدب يعني كيس ابو خمسين كيلو يادوب يكمل السفره ويمكن قبل ماتنتهي السفره الا والرز يلفظ انفاسه الاخيره , ومطلوب اعواد ثقاب وفحم عشان المعسل وبالنسبه للحطب مايشيل هم, الشجر متوفر في كل مكان , بس المشكله ان ماليزيا على خط الاستوااء يعني يمكن تمطر في اي لحظه وش راح يسوون؟؟؟؟
في هالحاله انا اقترح عليهم يحطون شراع فوقهم عشان ما يتبللون , او يستخدمون شمغهم كمظلات تمنع تساقط المطر فوق رؤوسهم, ويازين المطر والخضره وريحة الحطب واربعه بلوت... والخروف الماليزي معلق على العمود من كراعينه مايخلص النهار الا مابقي منه شي....شوارع ماليزيا اشتكت من كثر الفراره الى اخر الليل حتى بالنهار يبدا نوبه جديده من الفرفره والعمله الماليزيه في اوج انتعاشها كلن يصرف رنجت , تدور عليه ماتلقاه غير بالسوق السوداء,لا وفيه ناس جايين بالطريق وين رايحين وتاركين ديارهم..ولمين؟ المطارات فل تذاكر سفر مافيه ......عشان تسافر ماليزيا لازم تحجز على افريقيا او اوروبا ومن هناك تحجز على ماليزيا يعني وين اذنك يالحبشي....... بس السوال اللي يطرح نفسه وش فيهم الخليجيين على ماليزيا؟ يعني مافيه بلد بالعالم غيرها..وبعدبن المفروض اللي سافر ماليزيا العام يشوف بلد ثانيه السنه هذي يعني نوع من التغيير..
بصراحه يا اخوان اعذروني انا اقول هالكلام من حر مافيني, من الشهر الماضي وانا ادور على حجزمالقيت بس ادوج من مكتب لي مكتب مالقيت كلهم يقولون فل ...يعني شلوون اقضي هالصيفيه بالحاره ؟؟ شارعنا فاضي كلن طلع من هالديره انحاشوا يدورون الجو الزين والبراد, حتى ابو صلفيق اللي طول عمره بالبر بين هالبعارين راح ماليزيا ويقولون انه حاجز في منتجع ريباك اللي في لينكاوي ويتمشى كل عصريه على الشاطي, والله قهر......ياجماعه وش الحيله وش الدبره خلصت نص اجازتي وانا مارحت ماليزيا......اه يامالي........زيا