أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
السلام علييكم.............
حبيت استفسر عن المطاعم واسعارها وهل هي مثل اسعارنا او اقل خصوصا المطاعم المعروفه وياريت تكتبون اسمائها............. وان كان عندكم خلفيه عن الاسعار تكتبونها....
هلا اختي اذا كانك تسئل عن الاسعار فما فيه مقارنه بسعرنا اقل بكثير منا اذا كان على المطاعم الله مكثر التيوس خذ وطبخ ورخيصه بلا مطاعم وهم سعر التيس 300 الف روبيه ماتعادل 100 ريال سعودي لاكن المطاعم العاللميه جربتها زي كنتاكي ارخص من الي عندنا تعشينا 5 اشخاص وتعرف فسقه بقيمة 250 الف رووبيه وشكرا
عهووده مرحبا اختي اذا كنتي تقصدين المحلات المعروفه من كنتاكي وماكدونلدز وبيتزا هت اقل سعر بس تختلف شوي في بعض الوجبات اما اذا تقصدين المطاعم العربيهفي جاكرتا عندك شارع المطاعم العربيه الي اسمه raya raden saleh فيه كل المطاعم العربيه مطعم الجزيره لصاحبه سعودي الاسعار قريبه من هنا بس اقل بشي بسيط من عندنا واكل حلو مره مطعم السفير في نفس شارع مطعم الجزيره ويعتبر من نفس الدرجه للجزيره وفيه غيرهم في نفس الشاعر بس ما جربتهم عندك مطعم حضرموت هذا المشهور للعرب والسعوديين خاصه الاكل رايق جداً ولذيذ ولكن ما اذكر اسم الشارع اما في الجبل فيه مطعم جديد فاتح لصاحبه سعودي ولا جربته بس الي سمعت عنه ان اكله حليو والسعر شي طبيعي اقل منا بكثير اذا هو في الجبل
اما اذا كان في جاكرتا اقل من هنا برضه بس مو مره
اما اذا الاكل بحري سي فود هو الاغلى بس ما يقارن بالي عندنا يعن اذا الاكل هنا راح يطلع عليك شخصين على ميتين ريال هنا اما في اندونيسيا راح تدفعين فاتوره اذا انتم اثنين على خمسين او ثمانين ريال يعني فيه فرق بالسعر والمطعم البحري في جاكرتا على شاطئ انشول خلف بيتزا هوت اما في بالي الاكل البحري والالذ في شاطئ جمبران في بالي يرتفع السعر عن سعر جاكرتا لسبب اكثر الزوار استراليين واوربيين تحياتي لك وسفره ممتعه وامل اني وفيت ما طلبتي
بصفة عامة كل المطاعم هناك ارخص من عندنا اذا قارنا نفس المجال بنفس المجال و نفس المستوى بنفس المستوى بصفة عامة احب اجرب و اكل من المطاعم الصينية التايلندية و الجاوية و حتى الاندونيسية هناك لانه و بدون ما يزعل مني احد الواحد ما يسافر عشان يأكل لي مفطح و تيوس و مندي و بخاري . هالاكلات عندنا 24 ساعة و لا ضرر من تناول الاكل في اي دولة الواحد يسافر لها لو كان حلال من المطاعم الي فعلا احترمها من كل قلبي مطعم اسمه نوديلز في الدور الرابع بمجمع اتريوم مطعم تايلندي حلال بصراحة رائع رائع رائع ووجباته رخيصة جدا و لازم لازم تذوقو البوبويا و هي عبارة عن سمبوسة خضار مقلية بطريقة غريبة حيث ان الخارج على شكل كاس و في الداخل يوجد الخضار و اسعار المطعم جدا جدا رخيصة ( طبق رز مقلي بثمار البحر + طبق سبرينج روزل بوبويا + كاس كبير ايس تي بسعر 20 ريال )
مطاعم الاسماك جدا جدا رائعة و عندكم اكثر من حل
اولا الاستمتاع بالمطاعم المنتشرة على طريق سوق الاسماك الكبير و اغلبها مطاعم عائلية يعني تكون عبارة عن فيلا يمتلكها مواطنون و يقلبون الدور السفلي مطعم و بكل امانة رائعين في كل شي الاكل و التعامل و نظافة و الديكور ايضا بامكانك تناول الاسماك في المطاعم الشعبية في سوق السمك لكن حذاري الطريق طويل و الروائح جدا جدا قوية و السوق كبير جدا بندر جاكرتا افضل مطعم اسماك ويوجد في دنيا فانتازيا و اسعاره جدا رخيصة مقارنة بمطاعم الاسماك عندنا في جزيرة بالي الاسعار اغلى من جاكرتا بكثير و السبب مثل ما ذكر اخونا وجود الاوروبيين و الاستراليين و اهم شي انتبهو للميزان لاننا اكتشفنا خلل كبير وواضح في الميزان و الحمد لله اني خبير اسماك و متعود اكل اسماك 3-4 مرات اسبوعيا و عرفت كيف اصيدهم و بعد مشلكة نص ساعة اعترفو بالغش في الميزان وتركو لنا حرية وضع الاسماك ووزنها على الميزان في حين ان الاوروبي و الاسترالي مو عارف ايش الدعوة يطلب كيلو يجيلوه نص كيلو و يأكل و ينسلخ في السعر و يمشي كنتاكي و اي مطعم دجاج عندهم او في اي دولة في شرق اسيا اكتشفت ان طعم الدجاج افضل بمراحل عن عندنا و طازج اكثر و ارخص بكثير و هالكلام من خلال تجربتي لمطاعم الدجاج في اغلب دول شرق اسيا اجمع
