- وابغى شوركم ببرنامجي السياحي وهو
مساء الخير
احنا ان شاء الله مسافرين من 17-8-1432 الى 1-9-1432
تقريبا 13يوم من غير الذهاب والاياب والسفر راح يكون ان شاء الله على الخطوط الاردنيه قصينا التذاكر امس شخصين ب6416 من الرياض -عمان-فيينا والاياب فيينا -عمان -الرياض
وابغى شوركم ببرنامجي السياحي وهو
فيينا يومين وسالزبورغ يومين وزيلامسي 4 ايام وراح يكون السكن يومين زيلامسي ويومين كابرون وابغى اطلع بعد زيلامسي لانتر لاكن وميلان وش تنصحوني فيه من وين نبدا من زيلامسي الى زيورخ ومن زيورخ الى انتر لاكن ومن انتر لاكن الى ميلانو ومن ميلانو الى زيلامسي ثم الى فينا وكيف ارتب الايام
او من زيلامسي الى فينيسا البندقيه ثم الى ميلانو ثم الى انتر لاكن ثم زيلامسي ثم فينا
وش رايكم ناخذ السياره من فيينا ونرجعها لفيينا او نذهب من فيينا بالقطار الى سالزبورغ وناخذ السياره من قريه المانيه قريبه من سالزبورغ اسمها فريلاسنق ونرجعها لفينا ايهم ارخص وكيف اعرف ان السياره ديزل وابغى يكون عليها تامين شامل لان كل المواقع الي دخلتها تامينها جزئي يعني يكون على السرقه فقط ارجوكم ساعدوني وهل تنصحوني اخذ ابني ابو خمس سنوات لان جميع ابنائي راح اخليهم عند اهلي الا ابني هذا اخاف عليه لان فيه سكر اخاف عليه مره من الانخفاض وبنفس الوقت اخاف ان بمطار فيينا ياخذون الادويه ويمنعون دخوله مثل السرنجات والانسولين واتوهق واخاف يتعب ناس نصحوني اتركه مع اخوانه عند اهلي وناس قالو لا وانتم وش رايكم ومشكورين
البداية والمغادرة فيينا
وودك تروحي كل هذه المدن صعبه ومرهقه جداً
ممكن تروحي انترلاكن لو كانت ترجعوا من جنيف
أما على هذا الوضع ارى الغاء بعض المدن السويسرية والايطالية
والأكتفاء بالنمسا فقط
وياليت الخطوط الأردنية تعدل المغادرة من ميونخ فهو افضل
ونسيت نقطة السكن في زيلامسي وكابرون
اختاروا واحدة فقط وعدم الجمع بينهم
موفقين