- ====== طنج ة =======
اخواني الأعزاء اعضاء المنتدى ......توكلت على الله هذه السنه لاكتشاف شمال المغرب العزيز اللي راني نحبه بالزاف...وزايد قلبي رعاف ....ماعليكم من الهدره اللي فاتت .... وتم طبعا" اتخاذ هذا القرار نظرا" لمعرفتي الشديده بالجنوب المغربي ...تم التخطيط معى راعي الصمله والملقب "الزول" نظرا" لشجاعته وكرمه وملامحه الاسكندنافيه... كان المفروض السفره تكون شهر 4 ولاكن التانكي اللي كنت اضع فيه كل ما اوتيت من صبر على بعد المغرب ....نفذ...قضى...خلص....اخذو اللي تبون..كلمة الزول في منتصف شهر فبروري وقلت له شد حزامك بداية مارس طايرين...وقال لي بكل معاني المسانده " الزول كان ما نفع الزول دا في الغربه والله ما بينفعو تاني" ...قلت بيض الله وجهك(معى انه مافيه امل) هذا اللي ابيه منك....... فكان الترتيب كالاتي طنجه 4 ليالي
فاس 2 ليالي(معلش تربية اهنود)
مراكش 6 ليالي صافي ونبدأ المسيره
قبل لا نبدأ المسيره اللي يبي صور ..احب اقول له يقلب الصفحه...ماشي صور فيه سوالف.....
====== طنج ة =======
كانت رحلتنا الساعه 3:30 صباحا" يوم 5 مارس ....بعد رحله جميله عزف فيها جميع ركاب الطائره مختلف انواع السمفونيات العربية الأصيله وخصوصا" الزول لما كان من عزف مناخيره من تميز واخذ عليها جائزة افضل عازف في تلك الرحله وجائزة الالف دولار....مبروك ...وصلنا مطار محمد الخامس في جو مغيم معى زخات خفيفه من المطر تعبر عن ترحيبها بنا...مرينا الجوازات والجمرق وبالاستعباط اللي تحبه قلوبكم من ناحية البخشيش,,بس بصراحه ما يلحون مثل بعض الدول العربية الأخرى...واخذت سيارة رينو من المطار ..على فكره وصلنا حوالي 11 صباحا" ..اول ما طلعنا بالسيارة من المطار صفينا عند المحطه اللي على اليمين واللي طبعا" كلكم عارفينها انا عبيت بترول..والزول رايح يجيب لنا 2 قهوة بالحليب لتساعدنا على التيقض في الطريق لطنجه..الطريق حتى طنجة هاي وي,,وطبعا" شي غريب تدعس ولا همك..مرينا الرباط وسلا مرور طبعا" ...والطريق شرح ومليان بالمناظر الوعره ...تغدينا في اصيله مدينه قبل طنجه بحوالي 60 كلم....اول ما تدخل طنجه من ناحية الرباط يستقبلك حبيب الكل.......من هو .....عرفتوه.. ..........طبعا" هوا مرجان.....وكان ينتظرني فية واحد من مكتب الأمين...اللي وصاني عليه احد الاعضاء ...واخذني لحي فيه جميع الفلل الكراء في يدعى " ملاباطا" فله اربع غرف بالصالات بخدامتين بحارس نفسه خايسه...طبعا" الدفع مقدم كانت بالف درهم....للأمانه طنجه حطيتها في راسي من صور رائعه للرائع اخونا " الفيصل" بس الصراحه تصوير الفيصل عطاها اكثر من حجمها الطبيعي...اقول لكم انطباعاتي ..الفلل تبي لها مجموعه ما تقل عن اربعه...الفلل ما حبيتها لانها بعيده عن المدينه وفيها نوع من الاستغلال وافضل الفنادق اذا زرت طنجة مره ثانيه مثل "المنزه" او رامادا" او افضل الجميع على الاطلاق موفينبيك بطلته الحلوة معى انه جنب ملاباطا...بس على البحر...جدولنا يوميا" الخروج باكرا" من الساعه العاشره بعد الفطور الطيب مسمنه حرشا عسل خليع"بيض بالحم" يعني تسوي (سكيب) للغدا واتخش على العشا على طول...نطلع للقصر الصغير منطقه حلوه القعده في الكافيه معى العواطلية حاجة تفرح...المناظر خارج طنجه تاخذ العقل ...احلى من لبنان ...بس مشكله تبغي اهتمام سياحي وتكسر الدنيا......ورحنا سبته بس للأسف شنجن مخلصه من شهر بالضبط... احلى ما في طنجه كمدينة شارع محمد الخامس...نابض.."ملهلب" ..امشي رايح جاي علشان تنزل من الشحوم المتراكمه عقبها اقعد على كافيه شوف الرايح والجاي معى اتاي او قهوة بالحليب...من العصر حتى 11 باليل ....ايضا" طنجة من ناحية الأكل (اللي كلنا نحبة طبعا" ) زيرو وبالخط العريض...المطاعم الشعبية قليلة وايضا" مش بمستوى مطاعم مراكش واغادير الشعبية...لأن الاخوان في طنجة بارك الله فيهم متأسبنين(نسبة للاسبان الفرنجه) من ناحية الاكل ايشي اسكالوب وايشي فاهيتا والشغلات هذي...احنا جايين من اخر الدنيا نبي البلدي..وانت تقولي اسباني وايطالي...طاجين واخواتوها.....اعطيكم الزبده...طنجه زوينه وتستاهل يومين وتسكن في فندق"سيبو عنكم ملاباطا وفللها" وتقيدو تماما" باشارات المرور ولا بتروح القطيه كلها مخالفات..
اللي عنده سؤال يتفضل قبل لا ننطلق لفاس.....................
