يؤؤؤ ياكثر اللي قابلونا منهم اذكر توني عروس بالبحرين بمجمع البحرين جيان ونفس الكلام ورحنا وضيعنا وقت معاهم ومااستفدنا شي من بعدها زوجي كل ماشافهم قالهم اسف اسف ههه
مشكوره حبيبتي ذكرج تجربتج والله يعطيج العافيه

بالنسبه لي كل مانادوني اقوله ترى قديمه ويرجع وهو مكسوف
دمتم بود

خ اكلتوا الطبخة،،الله المستعان،،هؤلاء منتشرين في كل مكان والهدف استثماري واضح،،كدنا نشرب وناكل مثله بس الله بصير بعباده زلة لسانه وضحت اهدافه وانحشنا شر نحشه،،صديقتي صار لها بدبي ووعود بتملك منتجع تقدر تنقله وين مكان بالدنيا وتستثمره !!الي حصل انه ظلت تسدد في الاقساط المريحة 10 سنوات!! وشهريا يقتطعون منها مبلغ 3000 ريال واضربي المبلغ في عشر سنوات ،،طبعا هي لاسافرت ولاشي وصارت لها ظروف قاهرة بطلت تسدد ويجيها اخطار اذا ماكملت المبالغ المتأخره رح تطالب في المحكمة بدفع المتأخرعليها والضرايب تخيلي المطب،،

تدرون وش الي يقهر في الموضوع .. ان النصابين اجانب وجالسين ينصبون على ابناء البلد ويسرقونهم عيني عينك .. صدق فوضى هالاشكال ماخذه راحتها خاصة بالدول السايبة مثل البحرين - دبي - السعودية - سوريا - مصر وانت رايح...
ماشاءالله على أبوي كل يوم يكبر بعيني .. أذكر من فترة طويلة كنا في دبي عام 1996 تحديدا كنا في المولات ومحطات البنزين نشوفهم يعرضون لنا برامجهم وابوي يقلعهم ولا كان يعطيهم فرصة .. قمت انا وامي نقوله خلنا نشوف وش عندهم عاد ابوي يقول هذول ينصبون على الناس وانا كنت احسبه يبالغ لان ابوي حذر جدا ويحب كل شي يكون واضح خاصة بالامور المالية .
عاد انا الي مستغرب منه اشلون هالجيل الجديد ينصب عليهم بهالطريقة الواضحة ..:112:*
اخيرا اتمنى الكل يحذر عل وعسى يرتفع مستوى الوعي عند ابناء شعبنا الحبيب : \

شاهدته في محمود سعيد مول في جدّة وذكر لي سؤال و وعدني بالجائزة وكنت أعرف أن الموضوع "تايم شير" ..
سألني و أجبته إجابة خاطئة وقال لي مع إن الإجابة خاطئة لكن حتوسّط ليك و تأخذ الجائزة تعال معاي للكاونتر ..
قلت له الجائزة أنا متبرّع فيها لك و لا أريدها كلام من هنا كلام من هناك قلت مع السلامة ..
آخر وجدته في مطعم على كبري قصر النيل في القاهرة وقلت له من البداية جنيه واحد ما راح أدفع أتكلّم حوالي الساعة وقال لي لازم تدفع مبلغ مستردّ وإذا جيت للمكتب نردّه لك قلت له ما قلت لك من البداية مافيش فلوس ..
تركته و مشيت ..
ما لاحظته أنهم اختفوا من دبي هذا الصيف و مازالوا يتواجدون في المدن السعودية حتى الآن ..

طبعا هم لاقين مرتع خصب لاملاحقات ولامطالبات قانونية،شكاوي المتضررين في تزايد..لابد من حل وردع للي قاعد يصيروالا ستظهراساليب وحيل كثيرة وعديدة والضحية جيوب الناس الطيبة الي مامر عليها في هالحياة مواقف شبيهه،،

1. اخترنا وحدة.. وفزنا برقم واحد..


2. قال المصري... ماشاء الله عليك يا فندم ..فزت برقم الجوكر..


3. لاحول ولا قوة الابالله وين الرقابة على ها النصابين

9th floor
بسم الله الرحمن الرحيم
السلام عليكم ورحمة الله وبركاته...
أخواني الكرام..
يسرني بل ويشرفني أن أنضم إليكم في هذا المنتدى الرائع..
وأحب أن يكون موضوعي الأول معكم ناتج عن تجربة شخصية حدثت لي منذ يومين فقط ولا أتمنى لأي مسلم أن يتعرض للغش والنصب الذي تعرضت له....
حكايتي بدأت ليلة الجمعة حين كنت مع زوجي أتسوق بفؤاد سنتر بالخبر(مجمع تجاري) حين استوقفنا أحد الأخوة المصريين وقال ...
أهلا يافندم.. اللي معاك المدام طبعا مش كده..
فأجابه زوجي بنعم...
فقال ...
احنا معانا مسابقة الليلة وهي اكشط واربح مقدمة من رويال نت ورك(network royal)
ما عليك إلا أنك تجرب حظك وتشوف الجايزة اللي حتكون من نصيبك...
ممكن يا فندم...
فقال له زوجي ..طيب...
المهم.. اعطانا كرت به 3 خانات .. اثنتان قابلة للكشط...

اخترنا وحدة.. وفزنا برقم واحد..

قال المصري... ماشاء الله عليك يا فندم ..فزت برقم الجوكر..

انت فزت معانا بإقامة لمدة اسبوع بشرم الشيخ مع وجبات مخفضة بنصف السعر ومفتوحة لمدة سنة تقدر تاخذها وقت ما انت عاوز... و هدية ذهب .. واسمك حيخش السحب على تذكرتين في احدى البلدان التالية(بيروت, القاهرة, دبي, ماليزيا)
وحديك بطاقة دعوة والاجتماع بكرة الساعة التاسعة مساء وينتهي الساعة العاشرة والنصف مساءً ولازم تجيب معاك المدام وكرت الزيارة مع دفع 50 ريال مستردة عند الحضور ...( لتأكيد الحضور )حتى تستلم الجايزة.. المكتب بتاعنا فوق مكتبة جرير بالخبر هنا .. شارع الكورنيش.. الدور التاني مكتب رقم 205,206
وراح أخذ منك بعض البيانات لو سمحت...(البيانات الشخصية)
وكان هناك معنا العديد من الفائزين...
أخذنا كرت الدعوة.. ورجعنا... هاتفونا في اليوم الثاني على جوال زوجي (وحدة مصرية) تأكد على الحضور...
رحنا بالليل الساعة 9 مساءً.. والمكتب التابع لهم مزدحم بالمرة وانتظرنا في غرفة انتظار مع الجالسين حتى يأتي دورنا..
المهم استقبلونا 2 مصريين وكان بالدسك واحد سعودي ما يتكلم بس يوزع ابتسامات وينادي على اللي يجي دوره...
وكنا آخر اثنين يجي دورنا... شفنا البعض طلع بعد قرابة الربع ساعة ومعاهم ورقة شرم الشيخ يوقع عليها بالدسك والبعض هدية شرم الشيخ وتعليقة ذهب ويقولون انهم أخذوا قرابة الساعتين...
والبعض... هدية شرم الشيخ وتعليقة ذهب وظرف ابيض كبير وأخذوا قرابة الساعتين..
طبعا لما جى دورنا دخلنا قاعة كبيرة بها طاولات بحواجز .. وفيها أزواج جالسين يستمعوا لعميل الشركة.. ومافيه غير طاولة وحدة بس فاضية جلسنا فيها واستقبلنا عميل وجلس معانا... وكان فيه مكتب على جنب فيه واحد مصري.. وكان فيه غرفة على الجنب الثاني فيها 3 مصريين...
طبعا عطونا الذهب وهدية شرم الشيخ في البداية... جلس يتكلم ويضحك وينكت مع زوجي عن السفر والسياحة وهيك...
وبعدين قال(مصري اسمه ماجد)..
بالوقت يافندم انا حعرض عليك عرض انت حر تقبلة او ترفضه .. ممكن ؟؟
قال له زوجي .. تفضل...
وجلس يشرح العرض لمدة ساعة..
راح أختصر لكم الكلام فيه..
رويال نت وورك شركة سياحية للشيخ زهير محمد يحيى القرشي مكتبها الرئيسي بجدة ولها فرع بالرياض وفرع الشرقية لسه جديد من4 شهور بس.. تعطي عروض لأشخاص الرابحين معاهم والعرض المقدم هو...
0يوم سفر لمدة 5 سنوات ... تؤمن لك السكن والوجبات في الاماكن التالية(بيروت, دبي, جدة, مصر, ماليزيا, المغرب, تونس,المدينة ومكة)
ممكن ديلوكس او منتجع اللي تطلبه...
وأي طفل أقل من ست سنوات ممكن يدخل مع أهله بالعرض..
بس فيه شرط انه جدة ومكة والمدينة لا تحجز في ايام العيد وأيام رمضان...
أقل ايام الحجز 3ايام وأكثرها اسبوعين متواصلة وتطلب الحجز قبل 14 يوم
وعندهم كمان حجز بفنادق بالخبر ممكن تروح لها أي وقت...
ولو حبيت تسافر اماكن أخرى غير اللي بالعرض مش مشكلة فيه خدمة الايام الاضافية
وهي 84 يوم لأي مكان في العالم .. بتدفع لها رسوم 150 دولار بالسنة وبعدين تحجز وهم متعاقدين مع شركة عالمية ... بس الحجز فيها بالأسابيع فقط..
ومخفضة طبعاً بطريفة خيالية... تطلب الحجز قبل 21 يوم
المهم عطانا أوراق فيها البلدان اللي ممكن يسفروك عليها واسماء الفنادق المتعاقدين معاها
في كل بلد..
المبلغ الكلي 20,000 وما ادري كم..ريال
بعد التخفيض14,219 ريال
ممكن تقسيط بدون فوائد
القسط 586 ريال لمدة 18 شهر
ومقدم 3985 ريال
والعرض هذا مقدم لك بس الليلة.. ولوحبيت في وقت ثاني مافيش خدمة الايام الاضافية..
طبعاً زوجي وافق بعد التفكير لاته يعرف اني مجنونة اسفار...
وهو بحكم دوامه وعمله اجازته جداً محدودة..
وما راح أقولكم شلون كانت طريقة اقناعهم.. وعروضهم .. وصور فنادقهم اللي بكل البلدان.. وشلون أقنعوا زوجي .. مع انه من الناس اللي ما يتسرع بأي شي .. ولا يقرر بسهولة إلا بعد دراسة للموضوع ...
طبعاً انا فرحت كثير وما توقعت انه يوافق...
وقعنا معهم العقد............
ودفعنا المقدم ...
واتفقنا انه الباقي اقساط...
رجعنا البيت............................................
أول شي اعمله كالعادة افتح النت ..
وعلى وين؟؟؟؟؟
موقعهم...
http://www.networkroyal.com/
ما يفتح؟؟؟؟
دق قلبي....
جلست ساعتين أحاول افتح الموقع بكل الطرق اللي اعرفها مانفع...
قلت في بالي ....
لا يكون نصابين....
جلست ابحث عن
مؤسسة زهير محمد يحيى القرشي التجارية
وطلع لي
اشخاص يشتكون بمنتديات أخرى
وكاتبين نفس اللي صار لنا بالتسلسل
تفاجأت وايقنت انه نصب
كلمت زوجي
وسأل عنها
وطلع انه بعض اصحابه انخدع منهم كمان
واشترك معاهم
ويقول ....
تكلمهم ويحجزون لك وتتأكد بنفسك من الحجز ولما تروح
ما تلاقي شي...
والثاني .... والسادس....
كلهم نفس الكلام
وبعضهم نصبوا عليه بالشرقية والبعض في البحرين والبعض بالأمارات ...
وخطوط الحجز عندهم مشغولة على طول
والجولات محد يرد...
ولم تحجز بالتعب ... ما تحصل شي لما تسافر
وكلهم قالوا ...
حاولوا تطلعوا منهم بأقل الخسائر...
لانه مافيه رقابة عليهم ...
عرفنا انا وزوجي انه اللي طلع بظروف بيضاء من المدعوين معنا هو اللي قبل عرضهم وماأكثرهم...
قلت لزوجي.... أنا ماراح اسكت...
راح اكتب تجربتنا بالنت وأخبر كل اللي أعرفهم ...
ولو أشوفهم بمجمع تجاري والله لأفضحهم...
قال لي... وانا معاك...

لاحول ولا قوة الابالله وين الرقابة على ها النصابين

أتمنى انكم تنشروا تجربتي وتنتبهوا من أي أحد يحاول النصب عليكم بطريقة غير مباشرة...
انا بالفعل وقبل اربع سنين حصل لي نفس الموقف بالضبط كنت داخل مركز جيان انا وزوجتي وعلى مدخل السوق قابلنا الأخ المصري وكان واقف جمبه واحد سعودي وسألنا سؤال عن آيه قرآنية في أي سورة وعلى بالي جلست افكر وأسأل زوجتي مع اني كنت عارف الإجابة بس زس مايقولون متطلبات الموقف ونفس السيناريو اللي حصل معاك حصل معي بالضبط أخذ مني 50 ريال والموعد بكرة بالفندق أول ماتجي حتستلم فلوسك بالتمام وفعلا سلمته وفي نفسي شي من السالفه قلت ياولد رح وشف وش وراهم ويوم رحت الا واللي مثلي واجد وكل واحد وزوجتة جالسين ومعاهم المصري وجالس يعطيهم محاضره عن البرنامج وأول ما وصلنا الدور قلت ياولد خل اتغدى فيه قبل مايتعشى فيني وأول ما جا وجلس معاي قلت له لك ربع ساعه فقط علشان تخلص معي لأن عندي موعد ضروري والله لاعندي موعد ولا شي بس ابي الفكة منهم... المهم قال ربع ساعة ماتكفي ابغى اقل شي ساعة قلت له معليش ربع ساعة لك بس قال اجل لحظه شوي نعطيك الجائزة اللي فزت بها معنا وهي إقامه لمدة خمسة أيام في شرف الشيخ انت وثلاثة من أفراد العائلة قل أوكي تمام انتهينا على كذا قال نعم والقسيمه صالحة لمدة سنه كامله قلت مو مشكلة وأول ماطلعت سألت واحد من الربع وعطيته السالفه وعلى طول ضحك علي وقال لايلعبون عليك هذي حركات جديدة بالنصب ورح دورهم بعد كذا اذا اخذو فلوسك .
تقبل الله منا ومنكم الصيام والقيام

حسبي الله عليهم ونعم الوكيل
الان السؤال الي يتبادر في ذهني
هل من حقي لما اشوفه في مجمع اتاكد هل عنده صلاحيه وتصريح بمزاوله هذا العمل في هذا السوق ؟
وتتوقعون لو اتصل على الشرطه وتجي اقدر اشتكيهم واحطه في موقف الحرامي ؟؟
والله قهر ياشباب في بلدنا ويسرقونا ولانقدر نسوي شئ حسبي الله ونعم الوكيل:112:

الغريب في الأمر انه كيف يسمح لهؤلاء النصابين العمل في مجمعات لها سمعتها ؟؟؟
الأمر غريب ،،،،، عموماً حذاري من التعامل مع هؤلاء 0
وشكراً على التنبيه 0