وعليكم السلام ورحمة الله وبركاتهالف مبرووك الزواج , والله يجمع بينكم في خير .اخوي الحجز له طرق كثيره, والمهم انك تحجز قبل السفر عشان لا تورط هناك .. الطريقه الاولى : من موقع بوكينق . يشترط وجود فيزا . https://www.booking.com/index.ar.html?aid=1300939 او موقع اقودا . ابحث عنه بقوقل الطريقه الثانيه : تروح لاي مكتب سفر وسياحه وتحجز من عندهم كآش , بس قبل تروح لهم شوف الفنادق من موقع بوكينق واختار الي يناسبك واكتب اسمائهاوروح للمكتب واحجزهم .جدول مقترح ل سفترك لمدة 14 يوم ليله وحده ب كوالالامبور .4 ليالي لنكاوي 4 ليالي بيننغ2 ليلتين كاميرون3 ليالي كوالالامبور يوم مخصص ل جنتق تروح الصبح وترجع المغرب موفق

عليكم السلام ورحمة الله وبركاته
مشكلتك يابو سعود تفتح مواضيع ولا تتابعها
وترجع تفتح نفس الإستفسار وفي القسم الخطأ
هذا ثالث موضوع لك تفتحه في البوابه العامه و تتركه بدون متابعه
الرجاء الإكتفاء بهذا الموضوع و عدم فتح أكثر من إستفسار
جميع إستفساراتك هنا و سيتم الإجابه عليها هنا إن شاء الله
و بعد ردك سيتم مسح ردي هذا وشكرا
هذي مواضيعك السابقه مدمجه و مغلقه للإكتفاء بهذا فقط
https://artravelers.com/p/re/760201
وشكرا

على العموم شكرا على من رد علي ونا اول مره في حياتي اشترك في منتدى ولاتواخذوني على كثر الاسئله المتكرره لاني ماعندي خبره في النت يعني بدوي بكرتونه ومشكورين

الله يعينك يا ابو سعود..بس وانا اخوك تعلم زي ما تعلمت تسجل بالمنتدى..وكلنا كنا كذه..
عموماً يا الغلا..انت ما تعرف للحجوزات من النت شوف حد حولك يساعدك في الموضوع..
بالنسبة لبوكينغ عندهم رقم تلفون بالسعودية ويردون عليك بالعربي وانا تعاملت معهم في تعديل حجوزات واستفسارات لكن مدري هم ممكن يعملوا الحجوزات بالتلفون ولا لا..هذا رقمهم:
8008110146

تسهل انشالله ماتضيق الا تنفرج بروح لماليزيا وعلى الله ولياوصلت حجزت كل شي هناك لو ياخذو دبل علي

اخوي ابو سعود مادام وضعك كذا
صعبه جدا جدا انك تروح انت وزوجتك وتجلس هناك تتمرمط بين الفنادق وين اللي فيه حجز ووين اللي مافيه ياخوي والله صعبه
وهنا بالقسم اخوانا شقرديه ونشاما مايقصرون بيشرحون لك شرح كامل خطوه بخطوه
واذا ماكنت حاب كذا وعلى حسب كلامك ماعندك مشكله تدفع
فنصيحتي لك
تروح لأقرب لمكتب الطيار للسفر والسياحه وفروعه بجميع مناطق المملكه وتقول ابي اروح ماليزيا 14 يوم وابيك تسوي لك باكيج
والمكتب راح يسوي لك كل شي كل شي صغير وكبير من تطلع من مطار السعوديه لحد ماترجع وجميع حجوزاتك مرتبه ومضبطه
باقي تمشياتك والاماكن اللي تزورها راح يحطونها لك هنا الاخوانميزة انك تحجز لنفسك راح توفر عليك من المكتب ولكن اللي مثل وضعك انصحك بالمكتب
وسلامتك

السلام عليكم
نصيحه يابو سعود دامك تبي تدفع دبل ماعندك مشكله
و لا تعرف تحجز عن طريق النت فمايحتاج تروح هناك و تدفع دبل
ممكن هنا تروح لاي مكتب سياحي معروف و مشهور و يرتبون لك كل شي
مالك الا تاخذ التذاكر و الفاوتشرات و تروح للفنادق و تسلمهم اياها
و ان عندك وقت وودك تتعلم فتراها خطوات بسيطه جدا الجميع بيساعدك
وبيكون معك في كل خطوه او اذا تعرف لك زميل عنده فيزا و يعرف للحجز عن
طريق النت يحجز لك و ادفع له كاش
لان بوكنق ماله شغل في حجز الطيران الداخلي و لا تحصله في المطار لانه موقع نت
و اذا مره ناوي من المطار ففيه مكاتب ممكن تكون ارخص من مكاتبنا شوي بس
والله يستغلون عدم معرفتك و لكن مثل ماقلت مصمم من هناك فخذ التوزيع و اسماء الفنادق
من هنا و بس تروح للمكتب هناك و قله ابي الفندق الفلاني و تروح لمكتب الماليزيه في المطار
او مكتب اير اسيا و تحجز الطيران الداخلي و مكاتبهم غير مكاتب اللي يحجزون الفنادق
و ان طعت شوري بدل الشحططه و البهذله لو ماتعرف للنت شوف لك مكتب هنا وريح راسك