الحمد لله على سلامتكم ..
فيه فندق آسيا انترناشونال قريب منه ... وفندق شاينا ماريوت ....

شوفي اختي ... انا حاجز فندق الهولدي انن بس لسى ما نزلت فيه ...
حاجز غرفة ثلاثيه ( تريبل ) مع الافطار 3 اشخاص ... عن طريق مكتب سياحي ب 650 ريال سعودي لليله ..
http://www.holidayinn.com/hotels/us/en/guhch/hoteldetail

شكرا يا جماعة
ع القول سوا لنا خصم بس لازم نحجز من مكتب سياحي بعد غالي يعنى 160 دولار بدون الافطار و جان زين الغرفة تسوى السعر جان عادي
شو رايكم بفندق كانتون شفت الاعضاء يمدحونه
الحين بسير و بلف لفة ع الفنادق ويا المترجمة واذا حصلنا شي حلو كان بها و اذا لا امرنا لله
يالسين نتريا المترجمة لين الحين ما وصلت يعنى موعدنا المفروض ع الحدش بس لين الحين ما يت وبعدنا بنلف ع الفنادق و بنسير شنده نستطلع الامور قبل لا نشتري الاثاث
انتظركم
الله يحفظنا خ ادعي حق عمرنا

حمدا لله هلى سلامتكم
وترجعون بالسلامه
شوفي اختي اذا تبين فندق 5 نجوم عندك فنق اسيا قريب من المطاعم العربية
واذا تبين فندق رخيص عندك فندق توكايا نظيف ومحترم وموجدود امن على البوبات ولا فيه لخبطة وخدمة انترنت مجانا
وموقعه قريب من اسيا هوتيل وقريب جدا جدا من المطاعم العربية وسعر الليلة على خبري 220 ريميبي للغرفة المزدوجة وفي نفس الفندق مطعم تركي.
واي خدمة حاضرين

منتظرين معلومات الفنادق
وايهم يفضل

فندق كانتون نصحني فيه صاحب مكتب استيراد من الصين يقول عملانا في المكتب اللي رايحين للصين دائماً نحجزلهم في هالفندق وهو موجود على شارع بكين يقول ان الفندق نظيف ومحترم قال لي احجز ليله ومن هناك تقدر تغير الفندق اذا ما عجبك. وقالي ان الفترة اللي مسافر فيها ما فيها زحمة حيث اني مسافر بعد 13 يوم بعد هذا اليوم

السلام عليكم ..
انا انصحج بفندق كانتون ...
انا سكنت فيه اكثر من مرة ....
وقريب من شارع بكين ....
وياخذ بالتاكسي الى مطعم سبأ ... حول دقيقة او دقيقتين .....
وانصحج تحجزين من موقع ctrip
http://english.ctrip.com/
تقدرون تحجزون السويت ... مع افطار لشخصين ....
على حسب المعروض عندهم فالموقع ...

مشكورين يا جماعة وايد ما قصرتوا
ع طول شفت انا الردود في اول شي و شلينا قشنا و نسيت نعالي وانتو بالكرامة في فندق جاردن خ من العيلة
و سرنا فندق اسيا حجزنا غرفة double bed ب 85 دولار يعنى وايد فرق من فندق جاردن اللي كان ب170 دولار في الليلة
وشكرا لكم وايد يا اخواني ما قصرتوا
انتظروا تقريري عن الصين

1. استحملوني بتعبكم وياي


2. زين اني ما خاذة اللاب وياي


3. طبعا يمكن ع عشان الخشب سوليد


4. و عجبني طاولة طعام ب 46000 درهم قلت اذا 20000 ريمبي باخذة بعد ما طاعت

السلام عليكم

استحملوني بتعبكم وياي

زين اني ما خاذة اللاب وياي

رحنا اول يوم مدينة شندة و طبعا الطريج ساعة واشوي و القينا نظرة ع الاثاث ع عشان اخذة فكرة طبعا رحنا المجمع الكبير للي بعض الاعضاء كانوا حاطين صوره في المنتدى اعتقد اسمه Louve ما ادري الاسبلينغ صح او خطا
طبعا شفت الاسعار غالية وايد بالنسبة للامارات يعني بغيت اخذة غرفة لبناتي طلع علي تقريبا 38000 ريمبي

طبعا يمكن ع عشان الخشب سوليد

و عجبني طاولة طعام ب 46000 درهم قلت اذا 20000 ريمبي باخذة بعد ما طاعت

و يلست اقول وين المركز اللي يتكلمون عنه الاعضاء تقريبا الاسعار متقاربة في هذا المول الا الطابق الخامس اغلى شي يعنى الملكي و اول ما دخلت اتحسبت داخله فندق 6 نجوم من الاستقبال و الريسبشن و السقف الذهبي يقول احنا في عصر نابليون دخلنا من باب وطلعنا من الثاني خ
المهم المركز ما كملنا كله في اليوم الاول تقريبا 4 ادور و الرابع ما خلصناه كله
تقريبا عجبني كمن طقم ان شاء الله في التقرير بنزل صورهم بس بعد كان غالي بس حسيت انه مميز
اليوم الثاني اخذتنا المترجمة للمركز اللي قبل هذا المجمع و هو طوابق ارضية يعني فيه اشياء بس هب نوعية جيده بس خذت طقم كنبات جلد بحدود 9000 عقب طلوع الروح و بعد زوجي اخذ طقم للمكتب عبارة عن طاولة مكتب و كرسي و مكتبة زجاج و ابجوراة و مكتبة كتب و برواز نفس الطقم ب8500 يعنى السعر كان اوكيه
و اللي عجبني وانا طالعة طقم مطبخ وخاصة اني بعدني ما سويت المطبخ انجذبت للالوان
فعطينا الريال الخريطة و القياسات و فصلنا مطبخ عنده سعره كان اوكيه لان الباب كان نوعيته جيد و من الداخل Mdf مع الاستانستيل عشان جيه طلع غالي
المهم
انا بعدني في الصين و لين الحينه ما اخذت الاساس و هو غرف النوم و الجلوس
هل في مكان ثاني اقدر اشتري منه وسعرهم مقبول لان المترجمة راسها والف سيف المركز الكبير نشتري منه لانه فيه كل شي بس غالي خ
اتفقنا باجر انسير مصنع للاثاث برع من المركز والله يعلم شو ايصير نبا ننجز و الا بحصل
و هيه ذكرت ابا اشتري حق ولدي اللي امخبلنا يقول متى بنسير مال الالكترونيات و اليوم مرينا عليه ع الساعة 7 بس كان امبند و بعد لاب توبات و اي باد لبناتي ما ادري وين احصله
و هيه بعد وين احصل كهربا حق الاب توب يعنى الفيوز اللي عندهم هب شرات اللي عندنا 3A و اشتريت واحد بس للاسف صغير ع واير اللاب الثلاثي
انتظركم ع احر من الجمر