الحمدلله على السلامه...
ابي منك طلب...
انا اول مره انزل ان شاء الله في مطار هونغ كونغ بتاريخ 14-6
شنو الأجراءات ...
وكيفية تعبئة الكروت...
وهل يوجد باص من المطار الي كوانزو في الساعة 11 ليلا...
هل عندك اقتراحات...
وجزاك الله خير الجزاء...

ياهلا بالغالى
بالنسبه للكروت اولا تعبيها بالطائره افضل لتوفير الوقت
وتعبئه كرت الصحى سهل جدا الاسم رقم الجواز رقم الرحله ورقم مقعد الطائره
جدا سهله بس حاول انك تكون اسرع بالتعبئه لتوفير الوقت.
بالنسبه للباص متوفر لى الساعه 11 ليلا .
من مطار هونق كونج الى كوانزو .
بس اخى تاكد من الوقت الرحله لان فى فارق الوقت تقريبا اربع ساعات
طبعا وصلنا مطار هونق كونج الساعه 10 ليلا تقريبا بتوقيت هونق كونك بعد الجوزات والتفتيش والفحص الطبي حصلنا على اخر رحله الباص الى كوانزو تقريبا الساعه 11 .
ان شاء الله تحصل باص بهذه الفتره .
نصيحه عند ركوب الباص احفظ وجوه الى معاك بالباص واتبعهم على شان لاتضيع عند نقاط التفتيش والفحص الطبي ولا تنسى ستكر الباص تضعه على صدرك وخلك سريع بتعبئه الكرت .
وان شاء الله كلها سهاله من رب العالمين
رحله موفقه بان الله

b07amod
مشكور ياغالي ع النصيحة ..كسبت أجري

اخوى فواز
بما انك اول مره تنزل الى كوانزوا
الباص ان شاء الله راح ينزلك جبال فندق شاينا تاون اخر محطه بكوانزو
اذا تبي فندق رخيص وحلو ونظيف مع انترنت حاليا انا نازل فيه
اسم الفندق

tiansheng hotel guangzhou
سعره 160 ريمبي تقريبا 6ونص دينار
مقابل مطعم ومقهى ليالي لبنان

الله يجزاك خير ...
أنا أول مره أنزل هونغ كونغ لاكن زرت كوانزو مرتين ...
انا طالع على طيران الأمارات موعد الوصول الساعة 10ليلا بتوقيت هونغ كونغ...
طيران الأمارات يوزع كروت بالطائرة او لا...
كم مرة ننزل من الباص وشنو كروت الباص...
وكم سعره ...
وآسف على الاطاله...
وجزاك الله خير...

هلا اخوى بالطياره يعطونك كرت تعبئه لهونكونج العنوان والاسم معلومات
قبل لا تطلع من المطار احجز عند مكاتب التاجير تذكره الى كوانزو
اخوى تنزل من الباص لما تخرج من هونكوك وبعدها تنزل لما ادش الصين مرتين لتخريج الجوازات ودخولك للصين

سعر التذكره الشخص 250 ريمبى مع الجناط
دير بالك فى بعض المكاتب ياخذون سعرالتذكره واضافه مبلغ للجناط

اين اجد المكاتب وماهو الافضل...
وجزاك الله خير الجزاء ....
وبيض الله وجهك يوم تسود الوجوه...
وختاماً...
اذا فيه اي اقتراحات...
في امان الله ...

هلا اخوى
جزاك الله خير على الدعاء الطيب
بالنسبه للمكاتب راح تلاقى كاونترات للتوصيل
اول ماتطلع من صاله التفتيش والجوازات راح تلاقى الكاونترات .
اسم الشركه gogobus
وهذا موقعهم
ح¨Œڑ°حت؟ http://www.gogobus.com/
واحفظ علامه التجاريه تلاقهيا بالموقع
على شان تلحق وتكون سهاله عليك
مثل ماقتلك اخوى خلك سريع لان وقتك ضيق واخر رحله باص الى كوانزو 11 بالليل بتوقيتهم
اذا رحلتك على الامارتيه اطير الساعه 9 الصبح ان شاء الله تلحق .
واى خدمه انا حاضر