:smile002:
أخواني وأخواتي في منتدى العرب المسافرون
:smile106:
بعيد عن المقدمات والكلام الفاضي ههه
مالي خلق اجلس اتفلسف عليكم خلوني اعلمكم وش الي صار بالضبط
بعد ماصليت المغرب دخلت البيت وتكيت قدام التلفزيون المهم أنا حطيت المركا تحت راسي وجلست افرفر في القنوات
مادريت إلا المصونة طويلة العمر داخله علي :36_1_22:
ومتكشخه العمة وجلست ورا راسي انا حاس انه فيه شي عندها مو عاده تتلبس كذا ههه
حطيت أيدها على شعري وقالت الله يخليك لنا يارب:36_3_1:
أنا ضحكت عليها على طول قلت والله إني عارف انك تبين شي من شفتك متكشخه:36_11_13: هي ضحكت ههه قالت لا أنا دايم اتكشخ لك :112:
قلت ايه واضح يانصابه :36_11_6:قلت طيب وش عندك
قالت ابي اسئلك في شهر ثمانيه تقدر تاخذ اجازه:36_1_25:
قلت ليش قالت صراحه انا نفسي في ماليزيا
انا من سمعت ماليزيا مت عليها من الضحك :36_1_19:قلت والله اني عارف الكشخه هذي فيه طلب قوي قالت ليش حرام عليك:112:
قلت أي حرام انتي اذا تبين اوديك لسوق سويتلي شاهي بدون ما اطلب منك شاهي
عاد من شفتك متكشخه كذا قلت بس فيه شي بس ماتوقعت انه ماليزيا
هي عاد سوت نفسها زعلانه :4:
قالت ابي اقولك شي بس ترا انا مو انقص من الحريم الي يسافرن لكل مكان :36_1_44:
يوم قالت الكلمه صراحه كسرت خاطري بقوه
قلت خلاص بس انتي تعرفي السفره هذي يبيلها ترتيب وكذا قالت لسه باقي تقريبا مده طويله يمدينا نخطط على كيفنا
قلت اوكي ولايهمك انا ابي اشوف الوضع المهم اتصلت على ولد عمي على طول:36_13_1:
لانه هو كان طالع لماليزيا صراحه من كلمته دخل ماليزيا براسي جلس يتكلم عن الطبيعه وكل شي هناك قلت طيب تنصحني بقروبات وكذا قال لا ادخل على منتدى العرب المسافرون وتبي تحصل كل شي عن ماليزيا
انا صراحه دخلت هنا وتصفحت كثير بس صراحه من كثر اختلاف اذواق الناس احترت علشان كذا ابي الفزعه ابي ام فتون تنبسط
ابي برنامج قوي مره لمده 15 يوم ولا ابي تنقلات كثير انا مسافر ما ابي اسافر بالسفر بعد