- السلام عليكم ورحمة الله وبركاته , , ,
السلام عليكم ورحمة الله وبركاته , , ,
الواحد من كثر ما يروح لمعشوقته الجميله والصغيرة ( سوسو ) انفتن فيها وتعلق قلبه بجمالها وسحر طبيعتها , وأنا من اللي زرتها تقريبا 4 مرات وما مليت منها ولا راح أمل منها ابد , وحاولت اني اجرب اسافر وأغير مكان ثاني غير حبيبة القلب ( سوسو ) لكن كمان ما قدرت ولا راح اقدر .
فكرت وحاولت اني أسأل عن امتلاك بيت صغير هناك ( لا احد يقول وش يبي ذا ) وبروحتي الاخيرة قريت بعض الاعلانات الصغيرة في بعض الشوارع , لكن ما سألت لأني ( صفر بالشمال بالانكليزي ) فا يقولك ( رحم الله أمرءآ عرف قدر نفسه ) وعين خير , وعلى كثر ما لفيت بهالمنتدى وغرفة واسوارة ما حصلت موضوع يتكلم عن هالنقطة بالذات ( يمكن فيه لكن أنا ما حصلتها ) مع العلم انه فيه أباطرة السياحه وبالذات سياح ( سوسو ) منهم ابو عزيز وسويس هايدي وعاشق سويسرا والكثير من الاعظاء ولا ودي انسى احد ( راعي نسيان ) .
فاودي اسأل هوامير السياحه والكبار اللي سبقوا عن بعض النقاط ياليت يفيدونا فيها ( وبالتأكيد ماراح يقصرون اذا فيه معلومه ) :
1/ ماهي شروط امتلاك عقار داخل سويسرا لغير السويسرين ؟
2/ ماهي أسعار العقار ( الصغير والبسيط حتى لو كان شقة من غرفتين ودورة مياة أعزكم الله ومطبخ ) ؟
3/ في حالة القدرة على امتلاك عقار ( منزل ) اين المكان المناسب لشراءه ؟
4/ كيف ( من وين ) اقدر اشتري المنزل ( مكتب - شخص - ..... الخ ) ؟
بالنهاية اتمنى من الكل اللي عنده معلومة يفيدني أنا اول واحبابي اعظاء العرب المسافرون ثانيا واكون من الشاكرين ...
وصباحكم ورد .
تعطينا الشقه بتخفيض وله ببلاش نوزع شهور السنه بيننا
ايش قولت ؟