أول شئ الله يخليه لج ان شاء الله وتشوفينه كابتن طيار علشان يوديج اهو أمريكا بنفسه وثانيه شئ لو تقدرين تخلينه بالكويت احسن لانه مسكين راح يتأذى بالطياره وانتي راح تتأذين وياه هم هناك في حل بالنسبه للطيراه حاولي ما تخلينه يقعد وايد وقت ما يتعكر مزاجه نوميه روحي أي صيدليه وطلبي منهم أدويه للأطفال علشان ينامون أوكي لانه راح يتضايق وايد من الضغط الجي بأذنه ثاني شئ بالنسبه للأطفال في الحدائق انا شفت عربات تأجير للأطفال بس ما شفت حضانات وعلى فكره تره السكس فلاجز مافي ولا لعبه راح تناسبه لانها أغلبيتها قطارات موت للكبار فحطي بالج من هالنقطه والأمر الثالث اللي اهو الماء الحار للحليب اتوقع عادي ما راح يقولون شئ انج تدخلين ماء حار بس الافضل تتأكيد أو تدرين شنو تسوين اخذي معاج كمية ماء مو وايد وبالطياره تقدرين تطلبين من المضيف او المضيفه يوفرون لج ماء حار للرضاعه انا شايف ناس كانوا يسوون جذي وبالتوفيق يارب وخلي بالج على ولدج

مشكور اخوي ما قصرت
مشكلتي اني ما اقدر اخلية بالكويت كلش ، والسكس فلاقز كنت متوقعه ان ما تناسبة بس راح تكون رحلة حلو حق زوجي لان يموت بلقطارات عكسي انا اخاف اركب العاب خطرة
و الماي الحار مثل ما قلت اخذ من الطيارة احسن و دوا الكحه جاهز عشان ينام طول الرحلة
مشكور اخوي اخدمك بالافراح ان شالله

انا هالسنه سافرت ويانا بنت اختي وكبر ولدج الله يحفظهم.. والله شوفي اهو يعتمد على مزاج الياهل بالطياره
انا بنت اختي كلش مابجت من ضغط الطياره ولا شي.. ساعات اليهال اذنهم تعورهم من الطياره وجذي.. بس انتي
اخذي وياج دي في دي بلاير وترسيه افلام كرتون ديزني واي شي..
بالنسبه لاكل الطفل هناك, بالجمعيات مالتهم عندهم اشياء للأطفال واكل مخصص للاطفال اكثر من الي عندنا ومتنوعين بكل شي ف من هالناحيه لاتخافين ..
بالطياره اي تقدرين ادخلين وياه اغراضه ماراح يقولون لكم شي لان احنا ماقالوا لنا..
بالنسبه لأسئله الحضانات والله ماعندي فكره.. لان ولا مره سافرنا امريكا ويانا ياهل الا هالمره
ان شاء الله الباجي يفيدونج

اول شي رحله سعيده وموفقه
أنا جربت السفر مع طفل بس ولدي اكبر المره الاولى كان عمره 3 سنوات والمره الثانيه 4 سنوات
لكن جربت قبل مره اسافر وعمره سنه ونص لكن مو لامريكا
بالنسبه للطائره
حاولي تظبطين وقت نومته على الرحله واغلب رحلات امريكا في الليل يعني نص الوقت نوم
قبل الاقلاع ممكن تعطينه 1 مل او ممكن تسألين الصيدلي دواء الزكام يسبب النعاس
استعدي معك بأغراض له ( ماء حار - ماء بارد - حليب - اكل معلب للاطفال - العاب - وغيارات - ادوية مسكنه - رضاعات - بسكويت للأطفال )
اللبس بالطائره خليه مريح وحاولي المكان يكون قدام يعني يكون قدامك مكان واسع عشان تحطين السرير وينام عليه عشان بعد يطول بالنومه اكثر اذا صار بمكان مريح وانت ترتاحين شوي
قبل االاقلاع بساعه لاتعطينه رضعه لان بعض الاطفال مع الاقلاع وتغير الجو والضغط ممكن يستفرغ عليك فخلي رضعته بعد الاقلاع واذا استقرت الطائرة بالجو
اذا بكى عليك عشان اذنه ممكن تعطينه مصاصه او رضعة ماء لانه طفل مايعرف يعبر فالطريقه هذي ماتخليه يحس بالالم
الاكل
( طبعا لازم تاخذين معك الحليب - واكل معلب مثل الفواكه والخضار - بسكويت ) وهناك هالاشياء متوفره لكن لازم احتياط تاخذين
طفل عمره سنه ونص اكيد بديتي تاكلينه خضار
وهذي وجبات مقترحه ممكنت تطلبينها له
( اطلبي له شوربة باي نوع من الخضار وحطي معها خبز ) اذا كنتو في المطعم او في الفندق
ايضا الفواكه هناك في السوبر ماركت متوفره ممكن تحطين معك في الشنطه موز - تفاح ( مع صحن وملعقه بلاستيك
الزبادي من السوبر ماركت
بسكويت وحليب
سريلاك
وماتنسين اكيد عصائر الفاكهه
واذا بتطولين وسكنك ثابت ممكن تاخذين معك قدر كهرب صغير ورز مصري كيس صغير
عشان تسوين له وجبات مختلفه هناك تشترين الخضار من السوبر ماركت
بس ان شاء الله ماله داعي هالاشايء اللي كتبتها لك كافيه
بالنسبه للماء الحار ودخوله الطائره طبعا فيه استثناء للي معهم اطفال يخلونهم يدخلون الماء والحليب
اما عن مدن الملاهي مدري عن صحة المعلومه سمعت ان فيه بدزني حضانة للأطفال
ممكن تدخلين موقعهم تتاكدين
لكن بالنسبه لالعاب القطارات انت تقولين ماتحبينها خلاص زوجك يركب وانت اجلسي مع ولدك
وعموما العاب دزني أغلبها ممكن تدخلين مع ولدك
سفره ممتعه

USA lover و امونه
ما قصرتوا و الله ريحتوني كنت شايله هم بس حسيت ان السفره راح تكون خفيفة ان شالله
و بالنسبة للاكل حاطه في بالي بعض الاكلات بس نبهتيني على الزبادي كنت ناسيته
و ان شالله باخذ معاي القدر الكهربائي لانه ياكل خضار و رز و على قولتكم سوبرماركتاتهم كل شي فيها اكثر من الي عندنا
الله يسهل ان شالله و مشكورين و ما قصرتوا بيض الله و يهكم

نحن في الخدمة
وان شاء الله ماراح تتعبين
الله يسهل وتنبسطون

منوا عندة تفاصيل اكثر بخصوص اماكن تناسب الاطفال ؟