اخي : الحكيم
انا الحقيقة اول مرة ادري ان فية حديقة قرود بالقرب من بينانق.
لكن اذا تبي تشوف انواع القرود و الغوريلات على الطبيعة و تتمشي بينها فية محمية سيبلوك (Sepilok) في ولاية صباح.
فيها جمال طبيعة و قرود من كل الانواع و الاشكال.
اذا هذي تناسبك عطيتك معلومات اضافية عنها بالاضافة للصور.

أشكرك عزيزي Esperanza على الرد السريع لكن الي سمعت اِن الجزيرة لاتشتهر بالقرود والاسم هذا مادري من وين جاي وعلى ماسمعت بعد يمكن مافيها ولاقرد لكن يقولون اِن طبيعتها حلوة ويخلونك تمارس فيها بعض الهوايات وهذا الي وصلني وبس معلومات ماتروي العطشان ؛؛؛؛؛؛

أخوي الحكيم
جزيرة القرود جزيرة قريبة من بينانج جداً
وهي عادية جداً وبها قرود تراهم أمامك في بعض المواسم والشهر الذي ذهبت أنا إليه كان سبتمبر وهذا الشهر تصعد القرود إلى الجبل ولاتراها على الشاطىء
وذهبت إليها عن طريق الفندق الذي كنت مقيم فيه كان ينظم لك رحلة للجزيرة مدتها 4 ساعات ولك فيها وجبة مشويات على الشاطىء
وفيه مكتب في السوق الليلي ينظم مثل هذه الرحلات لكن كان أغلى من الفندق ومكتوب عنده أعلان بالعربي عن هذه الرحلات
وإذا عندك إي أستفسالر ثاني
أحنا حاضرين للطيبين
تحياتي
منذر

مشكور اخوي منذر على هذه الافادة والي أشوفه من كلامك اِن الجزيرة ماتسوى العنوة على العموم اِن شفت نفسي فاضي طلعنا يمها واِذا ضاق الوقت علينا فبلاش منها ولك خالص تحياتي ؛؛؛؛؛؛

ئي والله الجزيرة ما تسوى العنوه
واصلا هي مو جزيرة
يودونك لشاطيء القرود وانت وحظك اذا شفت لك قرد
وبعدين بيقولون لك رحلة صيد
ولي رحت بيقولون لك موج ما نقدرنوقف عشان نصيد
بيودونك الشاطيء وبتشوي وبترجع
الرحلة دمها ثقيل
ماتستاهل

اخوي الحكيم
جزيرة القرود الاسم كبير عليها يخيل اليك انها مملكه ومجتمع متكامل للقرود والشغله كلها قردين ويادوب ان شفت واحد مثل ماقالت الاخت بنت البحرين ....وعندك بالطائف وابها قرود كثيره
لكن من باب تغيير الجو لان بياننج مافيها اماكن كثيره للتمشيه قاتطع وقت قصير لرحلة بحريه على متن قارب صغير تخلو فيها عن الضجيج وتتناول الغداء باربكيو مجهز من قبل الشخص الذي تم تكليفه ...مع ان مكان الجلوس غير نظيف الا اذا تمت العنايه به
ويمكنك التنسيق مع الاخ عبدالله - ماليزي متدين وكبير سن وخفيف دم وسيع صدر واطلب منه اعداد الرحله
تلفون0060133705593

فيه عندهم حديقة اسمها حديقة القرود
اتجنن فضيعه
مناظر وطبيعه وفيها قرود
ودخولها مجاني
انصح انكم تروحون لها
انا استبدلت جزيرة القرود برحله لجزيرة لنكاوي لمدة يوم من الصبح لين بالليل
الرحلة كانت وايد حلوة
لان من لنكاوي ما كانت من ضمن جدول رحلتي وكان خاطري اروحها
ورحتها من الصبح ورجعنا الساعه 8 بالليل
بس روعه
وسعرها مثل سعر جزيرة القرود
الشخص البالغ 125 رنجت
والاطفال 85 رنجت
عن طريق مكتب جالان جالان وهو ارخص سعر قدرت احصل عليه